Juan 19:31

Ñanderuete Ñe’ẽ Porã 2015

Upe ára upévape Judayguakuéra oñembosako’i páscua aretépe g̃uarã ha ndoipotái pe sábado ára pukukue Hesu retekue opyta sãingohápe kurusúre, ni iñirũnguéra rete, upévare ojerure Pilátope omopẽuka hag̃ua umi osãingóva retyma omano pya’eve hag̃ua ha omboguejypa hag̃ua ikurusúgui.

Referencias Cruzadas

Éxodo 12:16

Pe ára peteĩháme peñemboykéta chéve g̃uarã peteĩ atyguasúpe; ha upéicha avei pe ára 7-hápe, pe ára pévape ndapejapomo’ãi mba’eveichagua tembiapo; peteĩteĩva tombosako’ínte hembi’urãmi.

Mga Kawikaan 12:10

Pe heko potĩva oñangareko porã hymba rekove rehe; ha umi iñañáva katu ipy’a hatã.

Miquéas 3:3

Peẽ pe’u che retãygua ro’o, peipe’a ipire hetégui, pemopẽ ikãnguekuéra ha hete ro’o peikytĩ oñekytĩ háicha so’o ojeitýva óllape ojy hag̃ua.

Matéo 27:62

Uperiregua árape, pe ñembosako’iha ára (sábado), umi pa’i ruvicha ha fariseokuéra oñembyaty, ha oho Piláto rendápe.

Márcos 15:42

Ha opaite ko’ã mba’e ojehu viérnes ka’aru pytũme, pe ára ñembosako’iha, péva ningo viérnes, peteĩ ára sábado arete mboyve,

Juan 19:1

Upémaramo Piláto ojapyhy Hesúpe ha oinupãuka ichupe.

Juan 19:14

Upérõ ningo, asaje pyte rupi, pe páscua arete ára mboyve, Israelguakuéra ombosako’i opaite mba’e pe areteguasúpe g̃uarã. Ha Piláto he’i Judayguakuérape: Pema’ẽ porãke pene retã ruvicha rehe.

Juan 19:42

Pe itakuaguasu hi’ag̃ui Hesu oñemosãingo haguégui ha ka’aru pytũtama, ha oñepyrũmbotáma avei sábado pe areteguasu (Sábado ára Israelguakuéra oguatakuaánte 1.000 métro peve. Éxodo 16,29).

Josué 8:29

Ha Hái retã ruvichápe oñemosãingo peteĩ yvyra rehe ka’aruete peve; ha pe kuarahy oikévo, Josue oipe’auka hetekue pe yvyrágui ha omombouka pe táva rokẽme, ha omopu’ã hi’ári peteĩ ita atýra ndetuicháva, oĩva gueteri ko árape.