Juan 19:11

Ñanderuete Ñe’ẽ Porã 2015

Hesu katu ombohovái ichupe ha he’i: Mba’evéicharõ nandepu’akava’erãmo’ãi yvatéguio noñeme’ẽi rire ndéve, upévare pe nde pópe chemoĩva’ekue oñemoangaipa tuichave ndehegui.

Referencias Cruzadas

1 Crónicas 29:11

Nde ningo, ore Ruete, pe ituichavéva, ipu’akapáva, ojajaipáva ha herakuã guasuvéva; umi mba’e oĩva guive yvagakuéra ha yvýpe ne mba’e memete voi. Nde reisãmbyhypa ha remoakã porãmba.

Salmokuéra 39:9

Che akirirĩ, nda’éi mba’eve rehe Nde voi rembosako’ipa (che rekove).

Salmokuéra 62:11

Ñanderuete oñe’ẽva’ekue, ahendu porã iñe’ẽ he’ívo: Pende Ruete ipu’akapa,

Lamentaciónes 3:37

Mávapa he’ikuaa oikova’erãha peteĩ mba’e, Ñanderuete ndoipotái ramo.

Daniel 4:17

Upéicha pe yvága remimbou ogueru ko yvága rembiapoukapy, umi oikovéva guive ko yvy apére oikuaa hag̃ua Yvagakuéra Jára oisãmbyhyha yvy tuichakue retãnguérape ha Ha’e omboguapy tetã ruvicha guapyhaguasúpe Ha’e oipotáva guivépe, Ha’e oiporavo ramojepe pe kuimba’e imichĩvévape.

Daniel 4:25

Reñemosẽta ne retãyguakuéra apytégui, ha reikóta mymbakuéra ñu rupiguáva ndive, kapi’ipére rekarúta guéicha, rejahúta ára pegua ysapýpe, ohasa peve 7 áño, rehechakuaa peve pe Ijyvatetéva poguýpe oĩmbaha yvy tuichakue retãnguéra, ha Ha’e ome’ẽha pe tetã ruvicha guapyha Ha’e ome’ẽsévape.

Daniel 4:32

ha reñemosẽtaha ne retãyguakuéra apytégui, mymbakuéra ñu rupigua ndive reikóta, vakakuéra okaru háicha nde rekarúta avei, 7 áño ohasava’erã rehechakuaa peve pe Ijyvatetéva poguýpe oĩha tetã ruvicha guapyhakuéra ha umía Ha’e ome’ẽ Ha’e ome’ẽsévape.

Daniel 4:35

Henondépe opaite tetãygua ikangypa, Ha’e ojapopa ojaposéva ijyvága pegua rembiguái aty ndive ha yvyariguakuéra ndaikatúi he’i ichupe: Mba’éiko rejapo.

Daniel 5:21

Ha oñemosẽ ichupe hetãyguakuéra apytégui, ha mymba saitéicha oiko iñapytu’ũ kuápe, ha búrro saitekuéra ndive oiko. Ho’u kapi’i ku guéi ho’u háicha, ha hete hykuepa ysapýpe ohechakuaa peve Ñanderuete, pe Ijyvateitéva, oikoha tetã ruvichaguasutee ramo ha opaite tetãyguakuéra oikoha ipoguýpe, ha Ha’émante omoĩ pe tetã ruvicha guapyhápe Ha’e oiporavóvape.

Matéo 26:65

Upévo pe pa’iguasu omondoro ijao, ha he’i: Ha’e oñe’ẽ vai Ñanderuete rehe. Ñaikotevẽvéta piko techahare rehe. Péina pehendúma Ha’e oñe’ẽ vaiha Ñanderuete rehe.

Matéo 27:2

Ha ogueraha ichupe ñapytĩháme, ha omoĩ pe tetã sãmbyhyhára Póncio Piláto pópe.

Matéo 6:13

Ha ani reheja rojepy’ara’ã, orepe’a uvei mba’evaígui (añágui).

Márcos 14:44

Ha Júdas, pe otraicionátava Hesúpe ome’ẽ ichupekuéra ko techaukaha (señal): Upe che ahetũvape, upéva ha’e, peapresa ha pegueraha ñapytĩ porãháme ichupe.

Lúcas 22:53

Meme árape ningo aĩva’ekue penendive Ñanderuete rogaguasúpe ha napendepojairiva’ekue cherehe. Ko hóra kóva katu pene mba’e ha pytũnguypegua mba’e.

Juan 18:13

ha ogueraha hikuái Hesúpe Anas rendápe, ha’e ningo Caifas rembireko ru, kóva ningo oiko pa’iguasu ramo pe áño pévape.

Juan 18:3

Upépe Júdas og̃uahẽ avei soldádo aty, mburuvicha rembiguaikuéra ha fariséo remimondokuéra ndive, ha ogueraha hikuái hata’yrendy, imyendyha avei iñorãirõ rembiporukuéra reheve.

Juan 19:10

Upérõ Piláto he’i ichupe: Nde piko nereñe’ẽvéi chéve. Ndereikuaái piko chepu’akaha romosãingouka térã apoiuka hag̃ua ndehegui.

Juan 3:27

Ha Juan ombohovái ichupekuéra ha he’i: Avave ndohupitýi mba’eve noñeme’ẽi ramo ichupe yvágagui.

Juan 7:30

Upérõ oñeha’ãmba oapresa hag̃ua ichupe, avavete katu ndopokói hese, ne’ĩragui og̃uahẽ hi’óra.

Juan 9:41

Hesu ombohovái ichupekuéra he’ívo: Peneresatũ rire napeneangaipaiva’erãmo’ã. Ko’ág̃a peẽ pejégui ore rohecha porãroína upévare pene angaipa oĩ gueteri penderehe.

Apostolkuéra 2:23

Ko Hesu kóvape Ñanderuete voi omoĩva’ekue pende pópe, ha Romayguakuéra rupi, oikuaa’ỹva Moises rembiapoukapykuéra, peẽ peclavava’ekue ichupe kurusúre omano hag̃ua. Opaite ko’ã mba’e Ñanderuete oikuaa porã voi oiko mboyve, ojehu katu Ha’e oipotágui.

Apostolkuéra 3:13

Abraham, Isaac ha Jacóbo Jára, ore rukuéra Jára, Ñanderuete voi, ombotuicha hembiguái Hesúpe, peẽ pemoĩva’ekue Piláto pópe pembotove (penega) hag̃ua ichupe Piláto renondépe ha’e omosãsose ramojepe Hesúpe.

Apostolkuéra 4:28

Oikopa hag̃ua nde pu’akaguasuete ombosako’íva ha Nde reipotáva guive.

Romayguakuérape 11:36

Opaite mba’e oĩva guive ou voi ichugui, ojejapo Ha’érupi ha oiko ichupe g̃uarã, upévare toñemomba’eguasu Ñanderuetépe opaite ára atyguasukuéra pukukue.

Romayguakuérape 13:1

Opavave toñemoĩ pe tetã ruvicha ha mburuvichakuéra poguýpe. Ndaipóri ningo tetã ruvicha, ni mburuvichakuéra, ou’ỹva Ñanderuetégui, ha umi oĩva guive Ñanderuete remimoĩmbyre voi.

Tiágo 1:17

Opaite me’ẽmby iporãva ha opaite jopói hekoite peguáva ou yvatégui, Ñanderuetégui; Ha’e ningo pe tesape Ru, Ha’e noñemoambuéi ha hendive ndaipóri ypytũ.

Tiágo 4:17

Upe ojapokuaáva tembiapo porã ha ndojapói, ha’e oñemohembiapo vai.