Juan 18:8

Ñanderuete Ñe’ẽ Porã 2015

Upérõ Hesu he’i ichupekuéra: Ha’éma ningo peẽme, Che ha’eha Hesu Crísto, chévente cherekárõ, peheja ko’ãva toho.

Referencias Cruzadas

Isaías 53:6

Mayma ñandekuérava japia joaite tape porãgui ku ovecháicha, peteĩteĩva opia ha oho hape rehe; Ñanderuete katu omoĩ hi’ári (Hesu Crísto) ñane rembiapo vaikue (angaipa) repy.

Matéo 26:56

Ko’ã mba’e ko’ãva katu ojehu oikopa hag̃ua umi proféta ohaimava’ekue. Ha upévo hemimbo’ekuéra ohejapa ichupe ha okañymba hikuái.

Juan 10:28

Ha Che ame’ẽ ichupekuéra tekove tapia g̃uarãva, ha noñehundimo’ãi máramo, ha avavete ndoipe’amo’ãi ichupekuéra che pógui.

Juan 13:1

Pe páscua arete ára mboyvemi ningohína ha Hesu oikuaa og̃uahẽmaha hi’ára oho hag̃ua ko yvy árigui Ñanderuete rekohápe. Hesu ohayhuete haguéicha umi ojeroviaitévape ñepyrũ guive, peichaite Ha’e ohayhuetéta avei ichupekuéra ipaha peve.

Juan 13:36

Upérõ, Simon Pédro oporandu ichupe: Ore Jára, moõ piko rehóta. Hesu ombohovái ichupe: Che ahatahápe ndaikatúi nde chemoirũ ko’ág̃a, uperire katu nde avei chemoirũta.

Juan 16:32

Peikuaa porã katu, oúta pe hóra, ha og̃uahẽma voi ningo, opaite peẽ peñemosarambipáta ha pehóta pende rógape, ha peẽ pecherejáta chéve che año, Che katu ndapytamo’ãi che año, che Ruete voi oĩtagui chendive.

Juan 18:7

Hesu katu oporandu jevy ichupekuéra: Mávape piko peheka. Ha ha’ekuéra ombohovái: Hesu Nazaretguápe.

Juan 18:9

Péicha oiko hag̃ua pe ñe’ẽ ojehaiva’ekue Ñanderuete kuatiañe’ẽme: Umi Nde reme’ẽva’ekue apytégui avave noñehundíri, (Juan 17,12).

1 Corintoyguakuérape 10:13

Umi jepy’ara’ã pehupitýva ndaipohyietereíri, yvy arigua reheguánte, Ñanderuete ndohejamo’ãi ipohyieterei pegueropu’aka’ỹ hag̃uáicha, hendivénte voi oĩ pe pohã pegueropu’aka hag̃ua ha Ha’e ome’ẽta peteĩ tape peropu’akapa hag̃ua.

2 Corintoyguakuérape 12:9

Ha’e katu ombohovái chéve: Iporãntema (ovaléma) ndéve che poriahuvereko pu’aka. Che pu’aka ojehechauka porãmbáre ikangývape g̃uarã. Upévare che py’aite guive añembotuichase che kangykue rehe uvei, omba’apo porãve hag̃ua chepype Hesu Crísto pu’aka.

Efesoyguakuérape 5:25

Peẽ, menakuéra, pehayhúke pene rembirekópe Hesu Crísto ohayhu háicha ijiglésiape ha Ha’e voi oñeme’ẽ omano hag̃ua ijiglésia rehehápe.

1 Pédro 5:7

Opaite pende jepy’apykuéra peity hi’ári, Ha’e ningo oñangarekohína penderehe.