Juan 18:32

Ñanderuete Ñe’ẽ Porã 2015

Ko’ã mba’e peichaite ojehu oikopaite hag̃ua Hesu he’i hagueichaite, ha mba’eichagua ñemano rupípa ha’e omanova’erã.

Referencias Cruzadas

Salmokuéra 22:16

Jaguakuéra oĩ che jerekuévo, kuimba’e cherayhu’ỹva ojerepa cherehe, tekove ñañáva aty chemongora leõnguéraicha, Nde chemoñeno ñemano yvy timbópe.

Matéo 20:19

Omoĩta ichupe umi tetã ambueygua poguýpe oñembohory hag̃ua hese, oñenupã hag̃ua ha oñemosãingo hag̃ua kurusu rehe; ha mbohapy ára rire katu oikove jevýta.

Matéo 26:2

Peikuaáma ko’águi mokõi arahápe oikóta pe páscua arete, ha oñemosãingóta yvyarigua Ra’y kurusu rehe.

Márcos 10:33

Péina ningo jajupi Jerusalénpe, ha Ñanderuete Ra’y ho’áta pa’i ruvicha ha kuatia haihára pópe, ko’ãva oñemoĩta hese ha oñeha’ãmbáta ojukauka hag̃ua ichupe Romayguakuéra po rupi.

Juan 10:31

Ko ñe’ẽ kóva rehe Judayguakuéra ohupi jevy itakuéra ojuka hag̃uáicha ichupe.

Juan 10:33

Nanerembiapo porãi rehe rojukase, reñe’ẽvai haguére Ñanderuetére ha nde peteĩ kuimba’enteha, rejejapo Ñanderuete ramoguáicha.

Juan 13:18

Penderehe ningo Che nañe’ẽi’aína, Che ningo aikuaa porã voi umi aiporavova’ekuépe, oikopa hag̃ua katu Ñanderuete kuatiañe’ẽme ojehaíva ojehu opaite ko’ã mba’e: Pe ho’úva chendive pe pan, omopu’ã ipy opyvoi hag̃ua cherehe, (Salmokuéra 41,9).

Juan 18:31

Piláto katu he’i: Pegueraha ichupe ha pembojovake ichupe ikatuha peve pene rembiapoukapy rupi. Upérõ he’i hikuái ichupe: Ndaijái oréve ore rojukauka avavépe.

Juan 21:19

Ko’ã mba’e Hesu omombe’u oikuaauka hag̃ua ichupe mba’eichagua ñemano rupípa Pédro omomba’eguasúta Ñanderuetépe. Ha Hesu he’ipávo ko’ã mba’e, he’i ichupe: Eju che rapykuéri.

Juan 3:14

Ha Moises omopu’ã haguéicha peteĩ mbói ra’ãnga desiértope, upéicha oñemopu’ãva’erã avei pe yvyarigua Ra’y,

Juan 8:28

Hesu he’ive ichupekuéra: Oñemopu’ãha árape pe yvyarigua Ra’y, upéramo ae peikuaáta Che ha’eha (pe Crísto), ha mba’evete ndajapoiha chejehegui reínte, ambohasánte umi mba’e che Ruete chembo’e haguéicha.

Apostolkuéra 7:59

Ha ojapi aja hikuái Estébanpe, ha’e ohenói Hesu Crístope ha he’i: Che Jára Hesu, eraha che pytu.

Galaciayguakuérape 3:13

Hesu Crísto ningo ñandejoguáma tembiapoukapy maldicion rehegua poguýgui, ñane maldicion ho’águi hi’ári. Ha upévare Ñanderuete kuatiañe’ẽme he’i: Oñemaldecíma opavave oñemosãingóvape yvyra rehe, (Deuteronómio 21,23).

Deuteronómio 21:23

katuete peñotỹva’erã he’õngue upe ára upévape, ani peheja osãingo pe pyhare pukukue Ñanderuete omaldecígui pe oñemosãingova’ekue; anítei péicha pemongy’a pende yvy Ñanderuete, Ñandejára, ome’ẽva’ekue peẽme pene mba’erã ramo.