Juan 18:3

Ñanderuete Ñe’ẽ Porã 2015

Upépe Júdas og̃uahẽ avei soldádo aty, mburuvicha rembiguaikuéra ha fariséo remimondokuéra ndive, ha ogueraha hikuái hata’yrendy, imyendyha avei iñorãirõ rembiporukuéra reheve.

Referencias Cruzadas

Salmokuéra 22:12

Heta tóro iñarõva ojere cherehe, umi tóro imbaretéva Basan pegua chemongorapa.

Matéo 25:1

Ñanderuete retãguasu ojoguaite 10 kuñataĩme, ojapyhýva hataindynguéra ha osẽva ojohu hag̃ua pe menarãme.

Juan 13:2

Ha ocena jave hikuái, aña omoingéma Júdas Iscarióte, Simon ra’y py’apýpe otraiciona hag̃ua Hesúpe.

Juan 18:12

Upévo pe soldádo ruvicha he’i soldadokuéra ha Judaygua rembiguaikuérape oapresa hag̃ua Hesúpe ha oipokua hag̃ua ichupe,

Juan 18:18

Ha ro’ýgui, pa’iguasu rembiguái ha tahachikuéra ojatapy ha oñembo’y hikuái pe tata jerekuévo, ha Pédro ojepe’e avei hína ijapytepekuéra.

Juan 18:22

Hesu he’ívo péva, peteĩ tahachi ohovapete Hesúpe he’ívo: Péicha piko rembohovái pa’iguasúpe.

Juan 19:6

Umi pa’iguasu rembiguái ha tahachikuéra ohechávo Hesúpe osapukái joa ha he’i hikuái: Emosãingo kurusúre, emosãingo kurusúre. Upérõ Piláto he’i ichupekuéra: Pegueraha katu peẽ ha pemosãingo ichupe kurusúre, che ningo ndajohúi hekovépe mba’evete ivaíva.

Juan 7:32

Umi fariséo ohendu umi mba’e oje’éva Hesu rehe, upévare pa’iguasukuéra ha fariseokuéra omondo itahachikuéra oapresa hag̃ua Hesúpe.

Apostolkuéra 1:16

Che hermanokuéra ojehuva’erã pe ñe’ẽ ojehai háicha Ñanderuete kuatiañe’ẽme ha pe Pytu Porãmbáva he’iukava’ekue Júdas rehe David juru rupi: Júdas voi omoakãva’ekue Hesúre ija’e’ỹvakuérape oapresa hag̃ua ichupe, (Salmokuéra 41,10).

Apostolkuéra 10:1

Cesaréape oiko peteĩ Romaygua soldádo ruvicha, hérava Cornélio, ha ha’e oisãmbyhy 100 soldádo Róma peguápe hérava La Italiána.