Juan 18:13

Ñanderuete Ñe’ẽ Porã 2015

ha ogueraha hikuái Hesúpe Anas rendápe, ha’e ningo Caifas rembireko ru, kóva ningo oiko pa’iguasu ramo pe áño pévape.

Referencias Cruzadas

Matéo 26:3

Upéramo pe pa’iguasu Caifas ha umi karai anciáno oñembyaty hikuái pe pa’iguasu rogaguasu korapýpe.

Matéo 26:57

Ha umi oapresava’ekue Hesúpe, ogueraha ichupe pa’iguasu Caifas rógape, oñembyatyhapehína kuatia haihára ha karai ancianokuéra.

Lúcas 3:2

Ñanderuete ñe’ẽ og̃uahẽ Juan, Zacarías ra’ýpe, ha’e oĩ jave desiértope, ha umi mokõi pa’iguasu Anas ha Caifas oiko aja.

Juan 11:49

Peteĩva ijapytépe, hérava Caifas, upe áñope oikovahína pa’iguasu ramo, he’i ichupekuéra: Peẽ ningo ndapeikuaái mba’eve.

Juan 11:51

Ko ñe’ẽ kóva Caifas nde’íri ijehegui rei, ha’e he’i ko’ã ñe’ẽ oikoháre pa’iguasu ramo pe áñope, ha oprofetiza Hesu omanova’erãha pe tetã rehe,

Juan 18:24

Upéramo Anas omondo Hesúpe ñapytĩháme Caifas, pe pa’iguasu rendápe.

Juan 18:28

Upérõ ojegueraha Hesúpe Caifas rógagui Piláto rogaguasúpe, ko’ẽmbáma ramo, umi Judaygua katu ndoikéi Piláto rogaguasu ryepýpe ani hag̃ua oñemongy’a, ikatu hag̃ua ho’u pe páscua rehegua tembi’u.

Juan 19:11

Hesu katu ombohovái ichupe ha he’i: Mba’evéicharõ nandepu’akava’erãmo’ãi yvatéguio noñeme’ẽi rire ndéve, upévare pe nde pópe chemoĩva’ekue oñemoangaipa tuichave ndehegui.

Apostolkuéra 4:6

ha Anas, pe pa’i ruvicha, Caifas, Juan, Alejándro, ha opaite pa’i ruvicha rogayguakuéra.