Juan 18:12

Ñanderuete Ñe’ẽ Porã 2015

Upévo pe soldádo ruvicha he’i soldadokuéra ha Judaygua rembiguaikuérape oapresa hag̃ua Hesúpe ha oipokua hag̃ua ichupe,

Referencias Cruzadas

Genesis 22:9

Ha og̃uahẽvo pe yvy Ñanderuete he’i haguépe ichupe, Abraham omopu’ã peteĩ kuave’ẽmby renda, ha omohendapa rire pe jepe’a ojapy ha ojokua ita’ýra Isaácpe, ha omoĩ pe kuave’ẽmby rendápe, pe jepe’a ári.

Genesis 40:3

ha omoingeuka ichupekuéra cárcelpe, pe cárcel ruvicha rógape, Jose oĩháme.

Salmokuéra 118:27

Ñanderueténte yvága atykuéra Jára, Ha’e ningo ore resape, pemosã umi kuave’ẽmby renda ratĩ rehe umi tymba oñekuave’ẽtava.

Matéo 26:57

Ha umi oapresava’ekue Hesúpe, ogueraha ichupe pa’iguasu Caifas rógape, oñembyatyhapehína kuatia haihára ha karai ancianokuéra.

Matéo 27:2

Ha ogueraha ichupe ñapytĩháme, ha omoĩ pe tetã sãmbyhyhára Póncio Piláto pópe.

Matéo 27:27

Uperire pe tetã sãmbyhyhára tahachikuéra ogueraha Hesúpe isoldádo ruvicha rogaguasúpe, ha upépe ombyatypa ijerekuévo pe soldádo aty.

Márcos 14:53

Ha ogueraha hikuái Hesúpe pa’iguasu rendápe, ha oñembyatypa pa’i ruvichakuéra, karai ancianokuéra ha kuatia haiharakuéra.

Márcos 15:1

Ko’ẽmbota vovete oñembyaty pa’i ruvichakuéra, umi karai anciáno, umi kuatia haihára ha mburuvichakuéra ha oñemoĩ peteĩ ñe’ẽme oguerahauka hag̃ua ñeñapytĩháme Hesúpe, Piláto rendápe.

Lúcas 22:54

Upérõ oapresa hikuái Hesúpe ha ogueraha ichupe omoinge hag̃ua pa’iguasu rógape. Pédro katu oho mombyry guive hapykuéri.

Juan 18:3

Upépe Júdas og̃uahẽ avei soldádo aty, mburuvicha rembiguaikuéra ha fariséo remimondokuéra ndive, ha ogueraha hikuái hata’yrendy, imyendyha avei iñorãirõ rembiporukuéra reheve.

Apostolkuéra 10:1

Cesaréape oiko peteĩ Romaygua soldádo ruvicha, hérava Cornélio, ha ha’e oisãmbyhy 100 soldádo Róma peguápe hérava La Italiána.

Apostolkuéra 21:31

Ojukava’erãmo’ã hikuái Páblope nohendúi rire pe soldádo ruvichaguasu pe sarambi ndetuicháva.

Apostolkuéra 21:37

Oike mboyve pe soldadokuéra rogaguasúpe, Páblo he’i pe soldádo ruvichaguasúpe: Ikatúpa añe’ẽmi nendive. Ha’e he’i ichupe: Reñe’ẽkuaa piko Greciaygua ñe’ẽme.

Apostolkuéra 23:10

Oikógui ñe’ẽjoapi ndetuicháva, pe soldádo ruvicha okyhyje ojukárõ g̃uarã hikuái Páblope, upévare ogueruka hetave soldadokuérape oguenohẽ hag̃ua ichupe Judayguakuéra apytégui ha ogueraha jevy hag̃ua Páblope soldadokuéra rogaguasúpe.

Juéces 16:21

Ha umi Filisteaygua katu oapresa rire ichupe, ohesa’o ha ogueraha ichupe Gázape; ha omosã ichupe cadénape ha omoĩ ichupe cárcelpe omomba’apo hag̃ua ichupe mba’e ra’ỹi mongu’ihápe.