Juan 18:11

Ñanderuete Ñe’ẽ Porã 2015

Upérõ Hesu he’i Pédrope: Emoinge jevy nde kyse puku hyrúpe, pe váso che Ruete ome’ẽmava’ekue chéve piko nda’umoãi.

Referencias Cruzadas

2 Samuel 16:10

Ha tetã ruvicha he’i: Mba’éiko che aguereko nendive, Sarvia memby. Ha’e oñe’ẽvai cherehe Ñanderuete he’ígui ichupe oñe’ẽvai hag̃ua cherehe. Upévare, máva piko ikatúne he’i: Mba’érehepa péicha rejapo.

Salmokuéra 75:8

Peteĩ váso oĩma Ñanderuete pópe ha pe víno hyjúiva oñembojehe’apáma ambue mba’e reheve omonga’uve hag̃ua, ha Ha’e oñohẽta katuete ha ho’ukapava’erã ichupekuéra opa peve, ha Ha’e omboy’ukava’erã mayma heko vaívape oikóva guive ko yvy apére.

Ezequiel 23:31

Nde reiko nde ryke rape vai rehe, upévare Che amoĩta avei nde pópe iváso nde jehaviraha árape.

Matéo 20:22

Hesu katu he’i ichupe: Ndapeikuaái upe pejeruréva. Ikatúpa pey’u pe mba’e che hay’útavagui, ha ha’ekuéra he’i: Ikatu.

Matéo 26:39

Ha oho tenonderã gotyomive, ha oñesũ tĩndyhápe, ha oñembo’évo, he’i: Che Ru ikatu ramo embohasa chehegui ko váso (ñemano) kóva, anínte oiko che aipotáva, upe nde reipotáva uvei toiko.

Matéo 26:42

Ha Hesu oho jevy, ha oñembo’évo he’i jevy: Che Ruete, ndaikatúi ramo ohasa chehegui ko váso kóva amboy’u’ỹre, toiko pe nde reipotáva.

Lúcas 12:30

Opaite ko’ã mba’e ko’ãva kuimba’e ha kuña ojerovia’ỹva Ñanderuete rehe ojapo, Ñanderuete katu oikuaa porãmba voi opaite mba’e peẽ peikotevẽva guive peikove hag̃ua.

Lúcas 22:42

ha he’i: Che Ru, reipotárõ, embohasa chehegui ko váso kóva, opáichavo ani oiko pe che aipotáva, Nde reipotáva uvei toiko.

Juan 15:10

Pejapo ramo che rembipota peiméta che mborayhúpe, Che voi ajapo che Ruete rembipota ha aĩ imborayhúpe.

Juan 17:24

Che Ruete, umi Nde reme’ẽva’ekue chéve aipota oĩ hag̃ua hikuái avei Che aĩháme, ohecha hag̃ua hikuái che reko jajaipa Nde reme’ẽmava’ekue chéve, ha Nde cherayhu voiva’ekue ojejapo mboyve ko múndo ha yvagakuéra.

Juan 18:36

Hesu ombohovái ichupe: Che retãguasu ndaha’éi ko yvy arigua; che retãguasu ko yvy arigua rire, che rembiguaikuéra oñorãirõva’erãmo’ã ani hag̃ua Che ha’a Judayguakuéra pópe, che retãguasu katu ndaha’éi ko yvyariguigua.

Juan 20:17

Hesu katu he’i ichupe: Ani repoko cherehe, ne’ĩra ajupi che Ruete rendápe, tereho uvei che hermanokuéra rendápe, ha ere ichupekuéra: Che ajupitaha che Ruete ha pende Ruete rendápe, che Jára ha pende Jára rendápe.

2 Corintoyguakuérape 10:4

Umi ñorãirõ rembiporu roiporúva (ndaha’éi kyse, ni mboka), roiporu uvei Hesu Crísto reko ha Pytu Porãmbáva pu’aka roity hag̃ua orerehe ija’e’ỹvape, oñemombarete ramojepe hikuái ijerekuévo peteĩ tápia ijyvateitéva reheve,

2 Corintoyguakuérape 6:7

roñe’ẽ pe añetegua Ñanderuete pu’aka rupi, ha roiporu pe ñorãirõ Pytu Porãmba rehegua rembiporu heko peguávante, ore akatúape roiporu Ñanderuete kuatiañe’ẽ ha ore asúpe ore jerovia Hesu Crísto rehe (Efesoyguakuérape 6,7),

hebreoyguakuerape 12:2

Ha ñama’ẽ Hesu rehe, Ha’e voi ñande jerovia apohare, hendive ñañepyrũ jajerovia ha hendive ñag̃uahẽ ñande jerovia ru’ãme. Hesu oha’ãrõ pe vy’a outavahína ichupe g̃uarã, upévare Ha’e ohasa asy ha omano ikurusúre otĩ’ỹre. Ha ko’ág̃a Ha’e oguapyhína Ñanderuete yke akatúape.