Juan 17:6

Ñanderuete Ñe’ẽ Porã 2015

Che aikuaaukáma nde réra umi ne retãyguakuérape, Nde reme’ẽmava’ekue chéve, ha’ekuéra ojapo hag̃ua ne ñe’ẽ ha ne rembipota.

Referencias Cruzadas

Salmokuéra 119:11

Che py’apýpe añongatupa ne ñe’ẽ, ani hag̃ua añemohembiapo vai ne renondépe.

Salmokuéra 22:22

Upéramo amombe’úta nde réra che ryvykuérape ha romomba’eguasúta umi heko potĩva atýpe.

Éxodo 9:16

Añetehápe Che aipota nde rekove rupi ojehechauka che pu’akapaha, ha péicha oñemyasãi hag̃ua che réra opaite yvy tuichakue javeve.

Mga Kawikaan 2:10

Pe arandu oike vove nde py’apýpe, pe akãguapy ombovy’áta nde pytúpe,

Mga Kawikaan 23:23

Ejogua pe añetegua, ha ani revende jevýtei ha upéicha avei pe arandu, pe tekombo’e ha pe akãguapy porã.

Juan 1:18

Avave ndohechái máramo Ñanderuetépe, Ita’ýra peteĩeténte, pe Jára oĩva Ñanderuetepype, Ha’e (Hesu) mante oikuaauka ñandéve Itúvape.

Juan 12:28

Che Ruete embotuicha nde réra. Upevove ou peteĩ ñe’ẽ yvágagui he’íva: Che ambotuicháma ha ambotuicha jevyva’erã ichupe.

Juan 15:19

Peẽ peiko rire gueteri yvyariguakuéra oiko háicha, ha’ekuéra penderayhuva’erãmo’ã. Peẽ katu ndapeikovéima yvyariguakuéra oiko háicha, Che poiporavógui uvei yvyariguakuéra apytégui, upévare ha’ekuéra ndaija’éi penderehe, peẽ ndaha’evéimagui iñirũnguéra.

Juan 15:3

Peẽ ningo penepotĩmbáma pe ñe’ẽ rupi Che ha’emava’ekue peẽme:

Juan 15:7

Peime ramo chepype, ha Che ñe’ẽ oĩ ramo pendepype, opaite mba’e pejeruréva guive oñeme’ẽta peẽme.

Juan 17:12

Che aĩ aja ko yvy ári, Che voi añangareko hesekuéra nde rérape, umi Nde reme’ẽva’ekue chéve rehe, ha ijapytégui avave noñehundíri, peteĩmínte oñehundiva’erãva voi, pe ñehundi ra’y, oikopa hag̃ua ojehaimava’ekue Ñanderuete kuatiañe’ẽme.

Juan 17:14

Che ningo ame’ẽma ichupekuéra ne ñe’ẽ, hapichakuéra katu ndaija’éi hesekuéra, ndoikosevéigui ambue yvyariguakuéra oiko háicha, ha upévare ha’ekuéra ndacherayhúi avei chéve.

Juan 17:16

Ha’ekuéra ningo ndoikovéima kuimba’e térã kuña reko vaípe, oiko uvei teko potĩ ha hekópe Che aiko háicha.

Juan 17:2

Nde reme’ẽ ichupe pu’aka opavave yvyariguakuéra rehe, Ha’e ome’ẽ hag̃ua ndérupi ichupekuéra pe tekove tapia g̃uarãva.

Juan 17:24

Che Ruete, umi Nde reme’ẽva’ekue chéve aipota oĩ hag̃ua hikuái avei Che aĩháme, ohecha hag̃ua hikuái che reko jajaipa Nde reme’ẽmava’ekue chéve, ha Nde cherayhu voiva’ekue ojejapo mboyve ko múndo ha yvagakuéra.

Juan 17:26

Ha Che aikuaauka ichupekuéra mávapa Nde ha ahechauka ichupekuéra ne mborayhu nde reiporúva chendive ha pe mborayhu toĩ avei ipypekuéra, ha che aiko avei ipypekuéra.

Juan 17:7

Ko’ág̃a oikuaa hikuái opaite mba’e Nde reme’ẽva’ekue chéve, ne mba’eha voi.

Juan 18:9

Péicha oiko hag̃ua pe ñe’ẽ ojehaiva’ekue Ñanderuete kuatiañe’ẽme: Umi Nde reme’ẽva’ekue apytégui avave noñehundíri, (Juan 17,12).

Juan 6:37

Opaite umi che Ruete ome’ẽva chéve oúta che rendápe, ha upe oúva che rendápe mba’evéicharamo namosẽmo’ãi okápe.

Juan 6:39

Ha kóva ningo chembouva’ekue rembipota, ani hag̃ua Che ahundi avavépe, Ha’e ome’ẽmava guive chéve, amoingove jevy hag̃ua uvei ichupe pe ára pahápe.

Juan 8:51

Añetehápe, añetehápe, ha’e peẽme: Upe ojapóva che ñe’ẽ máramo nomanoiva’erã, oikoveva’erã uvei tapia g̃uarã.

Juan 8:52

Upérõ umi Judaygua he’i ichupe: Ko’ág̃a roikuaa porãma Nde reguerekoha peteĩ mba’epochy ndepype. Abraham ningo omanova’ekue, ha péichante avei umi proféta, ha nde ere: Upe ojapóva che ñe’ẽ máramo nomanomo’ãiha.

Apostolkuéra 13:48

Ko’ã ñe’ẽ ombovy’a tetã ambueyguakuérape, ha opaite Ñanderuete ohenoiva’ekue oikove tapia hag̃ua ojeroviágui Hesu Crísto rehe.

Romayguakuérape 11:2

Ñanderuete ndopoíri hetã Israélgui, yma guive Ha’e voi oiporavova’ekue ichupekuéra. Térã piko ndapeikuaái Elías ñe’ẽ, omoĩ vaívo Israel retã Ñanderuete renondépe he’ívo:

2 Corintoyguakuérape 4:6

Ñanderuete he’i voi ikuatiañe’ẽme: Pytũhágui tohesape pe tesape, (Génesis 1,3). Ha’e voi ohesape avei ñande py’apy jahechakuaa hag̃ua Ñanderuete reko jajaipa Hesu Crísto rova rupi.

Colosayguakuérape 3:16

Hesu Crísto ñe’ẽ tomyenyhẽ pende py’apy opaite árape peñohekombo’e opaite arandúpe ha peñomokyre’ỹ Salmokuéra, purahéi ha ñembo’e rupi, ha peagradece Ñanderuetépe pende py’aite guive.

2 Timotéope 1:13

Ejejoko hatãkena umi ñe’ẽ rehenduva’ekue rehe che jurúgui ha rehechava’ekue rehe che rekovépe, ñande jerovia ha mborayhu rapo oĩgui Hesu Cristopype.

hebreoyguakuerape 2:12

Ñanderuete ñe’ẽ he’i voi: Amombe’úta nde réra che hermanokuérape, Che romomba’eguasuve umi oñehenoiva’ekue ijatyguasuhápe (he’ise ijiglésiape), (Salmokuéra 22,23),

hebreoyguakuerape 3:6

Hesu Crísto katu ojapo hekoitépe Ñanderuete rembipota ita’yratee ramo opaite Ñanderuete rogayguakuéra apytépe, ha pe óga Ñanderuete omopu’ãvahína ñande voi, jajerovia ramo vy’apópe hese ha ñaha’ãrõkuaa ramo umi mba’e ñambo’etevañaína ipaha peve.

1 Pédro 1:1

Che, Pédro, Hesu Crísto apóstol ahai ko kuatiañe’ẽ Israelguakuéra oñemosarambiva’ekuépe ha oikóva tetã ambueygua ramo Pónto, Galácia, Capadócia, Ásia ha Bitíniape.

1 Juan 5:20

Jaikuaa ningo Ñanderuete Ra’y ou hague, ha ome’ẽ ñandéve akã porã ñande jaikuaa hag̃ua pe Añeteguávape, ha ñande ñaĩ pe Añeteguavapype, he’ise Ñanderuete Ra’y Hesu Crístopype. Ha’e Ñandejára Añeteguáva ha pe tekove tapia g̃uarãva.

Apocalípsis 2:13

Che aikuaapa nde rejapóva guive ha nde róga oĩha Satana oisãmbyhyhápe, nde katu rejerovia porã cherehe ha nderepoíri chehegui ojejuka ramojepe umi árape Antípas, che rechahare heko peguáva.

Apocalípsis 3:10

Nde rejapo haguére hekoitépe Che ñe’ẽ, Che añangareko porãta nderehe ou vove pe jehasa asyguasu ohupitýtava opaite tetãyguakuérape oikóva guive yvy ape ári, ojepy’ara’ã hag̃ua.

Apocalípsis 3:8

Aikuaa porã ne rembiapokue. Eikuaa porãke, Che voi aipe’a peteĩ okẽ ne renondépe ha avave ndaikatúi omboty; ha nde nekangy ramojepe rejapo Che rembipota ha nerembotovéi Che réra.