Juan 17:5

Ñanderuete Ñe’ẽ Porã 2015

Ha ko’ág̃a che Ruete chembotuicha nendive pe teko jajaipápe, Che aguereko ypyva’ekue nendive aju mboyve guive ko yvy ári, ko múndo oiko mboyve.

Referencias Cruzadas

Matéo 25:34

Upéramo pe tetã ruvicha he’íta umi ijakatúa gotyoguápe: Peju peẽ che Ruete jehovasápe ha peñemomba’e pe tetãre oñembosako’imava’ekue peẽme g̃uarã ko múndo ñepyrũmby guive.

Juan 1:18

Avave ndohechái máramo Ñanderuetépe, Ita’ýra peteĩeténte, pe Jára oĩva Ñanderuetepype, Ha’e (Hesu) mante oikuaauka ñandéve Itúvape.

Juan 10:30

Che ha che Ruete peteĩchánte voi.

Juan 14:9

Hesu katu ombohovái ichupe: Heta árama aiko pende apytépe, ha ne’ĩra piko nde Felípe chekuaa. Upe cherecháva ningo ohecha avei che Ruetépe. Mba’éicharupi piko nde ere ehechaukána oréve nde Ruetépe.

Juan 17:1

Ko’ã mba’e ko’ãva Hesu oñe’ẽvo ojesaupi yvága rehe ha he’i: Che Ruete og̃uahẽma pe hóra rembotuicha hag̃ua nde Ra’ýpe, ha nde Ra’y nembotuicha hag̃ua avei ndéve.

Juan 17:24

Che Ruete, umi Nde reme’ẽva’ekue chéve aipota oĩ hag̃ua hikuái avei Che aĩháme, ohecha hag̃ua hikuái che reko jajaipa Nde reme’ẽmava’ekue chéve, ha Nde cherayhu voiva’ekue ojejapo mboyve ko múndo ha yvagakuéra.

Juan 3:13

Avave ndojupíri yvágape, upe yvágagui oguejyva’ekuémante, ha kóva ningo pe yvyarigua Ra’y, (Daniel 7,13).

Juan 8:58

Hesu he’i ichupekuéra: Añetehápe, añetehápe ha’e peẽme, Abraham oiko mboyve, Che aikomava’ekue.

Filipoyguakuérape 2:6

Hesu Crísto oguereko ramojepe Ñanderuete reko, Ha’e nahakate’ỹi heko rehe,

hebreoyguakuerape 1:10

Ha he’ive: Nde ningo pe Jára rejapova’ekue ko yvy (múndo), ha yvagakuéra nde po rembiapokue avei.

hebreoyguakuerape 1:3

Hesu Crísto rupi ojehecha Ñanderuete reko jajaipa ha Hesu Crísto rupi Ñanderuete ohechauka avei mba’éichapa Ha’ehína. Hesu Crísto ningo ojokohína ko múndope (univérsope) ojejapóva guive iñe’ẽ pu’aka rupi. Hesu Crísto ombopoguyva’ekue angaipa pu’aka, ha oguapyhína ko’ág̃a yvágape Ñanderuete akatúape.

1 Pédro 1:20

Hesu Crístope ojeporavóma voi ojejapo mboyve ko múndo (univérso), ojehechauka hag̃ua ko’ã ára pahápe penderayhupápe.

1 Pédro 1:21

Hesu Crísto rupi pejerovia Ñanderuete rehe, Ha’e voi omoingove jevy ichupe omanova’ekue apytégui, ha ome’ẽ ichupe teko jajaipáva, upéicha Ha’érupi peñemoĩ avei jeroviapópe Ñanderuete pópe ha peha’ãrõ Ha’e ojehechaukaha ára peve.

1 Juan 1:2

ha pe Tekovete ojehechaukava’ekue ha ore ropytava’ekue techahare añeteguáva ramo, ore romombe’u peẽme. Ko Tekovete tapia g̃uarã oikova’ekue Ñanderuete ndive ha ojehechaukáma oréve.

Apocalípsis 13:8

Ha opaite yvyarigua oikóva guive yvy apére, ha héra ndojehaíriva pe Ovechara’y kuatiañe’ẽ tekove reheguápe, omomba’eguasúta upe mymba upévape. Ha péva ojehaipáma voi ko kuatiañe’ẽ kóvape, ko yvy tuichakue ojejapo mboyve guive.

Apocalípsis 3:21

Upe ombopoguýva mba’evai Che amboguapýta ichupe chendive che guapyhaguasúpe, Che ambopoguy haguéicha mba’evai ha ko’ág̃a aguapy’aína avei Ñanderuete ndive iguapyhaguasúpe.