Juan 17:26

Ñanderuete Ñe’ẽ Porã 2015

Ha Che aikuaauka ichupekuéra mávapa Nde ha ahechauka ichupekuéra ne mborayhu nde reiporúva chendive ha pe mborayhu toĩ avei ipypekuéra, ha che aiko avei ipypekuéra.

Referencias Cruzadas

Salmokuéra 22:22

Upéramo amombe’úta nde réra che ryvykuérape ha romomba’eguasúta umi heko potĩva atýpe.

Juan 14:20

Upe ára upévape peẽ peikuaa porãta Che aĩha che Ruetepype, ha peẽ peĩha (peimeha) chepype ha Che aĩha pendepype.

Juan 14:23

Ha Hesu ombohovái ichupe ha he’i: Upe cherayhúva katuete ojapo avei che rembipota, ha che Ruete ohayhuva’erã avei ichupe, ha rojuva’erã hendápe rombosako’i hag̃ua ore rekoha ipype.

Juan 15:15

Napomboheramo’ãvéima tembiguái, pe tembiguái ndoikuaáigui ijára ojapóva, pombohéra uvei angirũ (amígo) ambohasapámagui peẽme opaite mba’e ahendúva guive che Ruetégui.

Juan 15:4

Pepyta chepype, upérõ che apytáta avei pendepype. Pe parral rakã ndaikatúi hi’a ijehegui rei, oĩ’ỹ ramo pe parral máta rehe, upéicha avei peẽ ndaikatúi pejapo mba’eve iporãva napeiméirõ chepype.

Juan 15:9

Che Ruete cherayhu háicha, Che pohayhu avei, upévare pepyta che mborayhúpe.

Juan 17:23

Che ipypekuéra ha Nde chepype, upéichamante oiko porã hag̃ua hikuái oñondive, ha yvyariguakuéra oikuaa hag̃ua Nde chembou hague, ha Nde rehayhuha ichupekuéra, Nde cherayhu háicha chéve.

Juan 17:6

Che aikuaaukáma nde réra umi ne retãyguakuérape, Nde reme’ẽmava’ekue chéve, ha’ekuéra ojapo hag̃ua ne ñe’ẽ ha ne rembipota.

Juan 17:8

Opaite ñe’ẽ ambohasámava ichupekuéra, ha’ekuéra ojapyhy porãma, ohechakuaa porãgui Che añetehápe aju hague ndehegui, ha ogueroviáma hikuái Nde chembou hague.

Juan 6:56

Pe ho’úva che ro’o ha omboy’úva che ruguy, opyta chepype ha Che ipype.

Juan 8:50

Che ndahekái añembotuicha hag̃ua, oĩ katu peteĩ chembotuicháva ha penembojovakétava.

Romayguakuérape 8:10

Hesu Crísto oiko ramo pendepype, pende rete omanóma pe angaipa rehe, pende pytu porã katu oikove Hesu Crísto penemboheko potĩgui.

1 Corintoyguakuérape 1:30

Ñanderuete rupi ñande jaiko Hesu Cristopype, Ha’érupi jahupity Ñanderuetégui: Arandu, justícia (tekojoja), teko potĩ ha salvacion,

1 Corintoyguakuérape 12:12

Ñande rete peteĩnte, heta hesegua oĩ ramo jepe ipype, péicha avei Hesu Crísto iglesiayguakuéra apytépe.

Galaciayguakuérape 2:20

Che añembokurusúmagui Hesu Crísto ndive, ndaikovéima che, Hesu Crísto oikógui chepype. Che aikove ramojepe che ro’ópe, aikove che jerovia rupi Ñanderuete Ra’y rehe, Ha’e cherayhúgui ha oñeme’ẽmava’ekue che aikove hag̃ua Ha’érupi.

Efesoyguakuérape 1:6

ñande ñamomba’eguasu hag̃ua ichupe tapia g̃uarã, Ha’e ipy’a porã haguére, ha Ha’e ohechauka haguére ñandéve iporiahuvereko Ita’ýra Hesu Crísto rupi.

Efesoyguakuérape 3:17

Hesu Crísto oiko hag̃ua pende py’apýpe pende jerovia rupi, ha pene mborayhu toñembohapo mbareteha tokakuaa porãve ohóvo,

Efesoyguakuérape 5:30

ñande ha’égui Hesu Crísto rete reheguáva voi.

Efesoyguakuérape 5:32

Ko ñemimby mba’eguasu chéverõ g̃uarã oñe’ẽ Hesu Crísto ha ijiglésia rehe.

Colosayguakuérape 1:27

Ichupekuéra Ñanderuete oikuaaukase mba’épa ko mba’e ñemi he’ise: Heko jajaipa ituicha ha iporãitéva ningo Hesu Crísto voi tetãnguérape g̃uarã, ha Ha’e pende esperánza pehupity hag̃ua avei heko jajaipa.

Colosayguakuérape 2:10

Ha Hesu Cristopype peẽ penerenyhẽ, ha’égui hína opavave Jára ha ipu’akapa.

Colosayguakuérape 3:11

Oĩháme ko tekove reko pyahu ndojuavýi ojuehegui Greciaygua ha Judaygua, ipire’i oñekytĩ’óva (oñecircuncidáva) ha noñekytĩ’óiva, tetã ambueygua ha ka’aguygua (escítas), tembiguái ha jára; Hesu Crísto oĩ hag̃ua opaite mba’épe ha opavave rekovépe.

2 Tesalonicayguakuérape 2:16

Ñandejára Hesu Crísto ha Ñandejára Ñanderuete ñanderayhúva ha ñanemoangapyhýva tapia iporiahuvereko rupi, péva ningo pe esperánza jaguerekóva.

hebreoyguakuerape 2:12

Ñanderuete ñe’ẽ he’i voi: Amombe’úta nde réra che hermanokuérape, Che romomba’eguasuve umi oñehenoiva’ekue ijatyguasuhápe (he’ise ijiglésiape), (Salmokuéra 22,23),

1 Juan 3:24

Ha upe ojapóva hembiapoukapy, upéva oiko Ñanderuetepype, ha Ha’e ipype. Ha upéi jaikuaa avei Ha’e oikoha ñandepype pe Pytu Porãmbáva rupi, Ha’e ome’ẽmava’ekue ñandéve.