Juan 17:18

Ñanderuete Ñe’ẽ Porã 2015

Nde chembou haguéicha ko yvy ári, péicha avei Che amondo ichupekuéra ko yvy tuichakuépe.

Referencias Cruzadas

Matéo 10:5

Hesu omondo ko’ãvape, ha ohekombo’évo he’i ichupekuéra: Tetã ambueygua rape rehe ani peho, ha Samariaygua távape ani peike.

Matéo 23:34

Upévare pema’ẽ, che amboúta peẽme profetakuéra, kuimba’e arandukuéra ha mbo’ehára heko peguáva, ha umíva apytépe oĩta umi peẽ pejukátava ha pemosãingótava kurusu rehe, ha peinupãta pende Ruete rogayguakuérape ha pemuñáta ichupekuéra peteĩ távagui ambue táva peve.

Juan 17:21

Opavavete oiko hag̃ua oñondive peteĩ py’ápe, Nde reiko háicha chepype, ha Che aiko háicha ndepype, upéicha ha’ekuéra oiko hag̃ua avei ñandepype, yvyariguakuéra oguerovia hag̃ua Nde chembou hague.

Juan 17:23

Che ipypekuéra ha Nde chepype, upéichamante oiko porã hag̃ua hikuái oñondive, ha yvyariguakuéra oikuaa hag̃ua Nde chembou hague, ha Nde rehayhuha ichupekuéra, Nde cherayhu háicha chéve.

Juan 17:25

Che Ruete, nde reko ningo iporãite, tetãyguakuéra apytépe heta ningo nandekuaáiva, oĩ katu umi ndekuaáva, Che roikuaa háicha ndéve ha ha’ekuéra oikuaáma Nde voi chembou hague ko yvy ári.

Juan 17:3

Ha pe tekove tapia g̃uarãva ningo kóva: Tandekuaa hikuái ndéve, Ndémante Ñanderuete añeteguáva, ha toikuaa avei pe Nde rembouva’ekue, Hesu Crísto.

Juan 17:8

Opaite ñe’ẽ ambohasámava ichupekuéra, ha’ekuéra ojapyhy porãma, ohechakuaa porãgui Che añetehápe aju hague ndehegui, ha ogueroviáma hikuái Nde chembou hague.

Juan 20:21

Hesu he’i jevy ichupekuéra: Tapendepy’aguapy, Che Ruete chembou haguéicha, Che pomondo avei.

Juan 3:17

Ñanderuete ningo nomboúi ita’ýrape ko yvy ape ári ombojovake hag̃ua kuimba’e ha kuñakuérape, osalva hag̃ua uvei opavave ojeroviávape guive hese.

Juan 4:38

Che ningo pomondo pemono’õ hag̃ua, pe kokue peẽ napemba’apói ni napeñotỹi haguépe. Ambuekuéra omba’apo pohyiva’ekue pe kokuépe, peẽ peseguínte pe tembiapo ambuekuéra oñepyrũ haguépe.

2 Corintoyguakuérape 5:20

Upéicha ore romombe’u ko perdon ñe’ẽ Hesu Crísto rendaguépe ha Ha’e oavisa tetãyguakuérape: Peheja Hesu Crísto tapenemoingo porã jevy Ñanderuete ndive.

Efesoyguakuérape 3:7

Che, Páblo, aiko Hesu Crísto remimondo ramo Ñanderuete mborayhu me’ẽmby ha ipu’aka rupi, che amyasãi hag̃ua Ñanderuete ñe’ẽ porãite (evangélio).