Juan 17:13

Ñanderuete Ñe’ẽ Porã 2015

Ko’ág̃a ningo aháta ne rendápe ha añe’ẽmbáma ko’ã mba’e ne retãyguakuérape, ha’ekuéra oguereko hag̃ua avei opaite vy’a oĩva che py’apýpe.

Referencias Cruzadas

Nehemías 8:10

Upéi Nehemías he’ive ichupekuéra: Tapeho ha pe’u tembi’u ikyráva, ha pe’u víno he’ẽva, ha peguerahauka avei tembi’u umi mba’eve nombosako’iriva’ekuépe; ko ára kóvape oñemboykémagui Ñandejárape g̃uarã; ani peñembyasýtei, Ñanderuete vy’a tapenemyenyhẽ uvei pende py’apy.

Salmokuéra 126:5

Tesaypópe oñemitỹva’ekue, vy’apópe katu omono’õva’erã iñemitỹ’anguéra.

Salmokuéra 43:4

Upéramo aháta Ñanderuete kuave’ẽmby rendápe, Ñanderuete chembohory ha chembovy’a jevy hag̃ua, ha romomba’eguasúta árpa púpe, Nde ningo, che Ruete ha che Jaratee.

Juan 13:3

Ha Hesu oikuaávo Ñanderuete omoĩmba hague opaite mba’e ipópe, ha Ha’e ou hague Ñanderuetégui ha hendápe oho jevytamaha,

Juan 15:11

Ko’ã mba’e ko’ãva Che ha’éma peẽme che vy’a oĩ hag̃ua pendepype, ha penerenyhẽ hag̃ua vy’águi.

Juan 16:33

Ko’ã mba’e ko’ãva Che ha’éma peẽme, peẽ pendepy’aguapy hag̃ua chepype. Peẽ ningo pehasa asyva’erã ko yvy ape ári, pejerovia katu ko múndo kóva oĩmaha che poguýpe.

Juan 17:11

Che ningo ndapytamo’ãvéi ko yvy ári, ko’ãva katu opytatahína gueteri, Che katu aháta ne rendápe. Che Ruete nde reko potĩete rasa ha hekoitépe reñangareko umi Nde reme’ẽmava’ekue chéve rehe nde réra rehehápe, oiko hag̃ua peteĩ ñe’ẽme, ñande jaiko háicha.

Juan 3:29

Pe hembirekorãva, péva pe menarã; pe ohayhúva pe menarãme omoirũ ichupe ha ovy’a ohendu guive iñe’ẽ, ha pe vy’a péva che ahupitýma ko’ág̃a.

Juan 7:33

Hesu katu he’i: Ndachearemo’ãvéima penendive, upéi aha jevýta chembouva’ekue rendápe.

Apostolkuéra 13:52

Ha Páblo ha Bernabe henyhẽ torýgui ha Pytu Porãmbávagui.

Romayguakuérape 14:17

Nde Ruete retãguasu reko ndaha’éi jakaru térã jay’u hag̃ua; justícia, py’aguapy ha vy’a Pytu Porãmbavapype uvei.

Galaciayguakuérape 5:22

Pe Pytu Porãmbáva katu hi’a: Mborayhu añeteguáva, tory, py’aguapy, paciéncia, oporombohorýva, py’aporã, jerovia,

hebreoyguakuerape 12:2

Ha ñama’ẽ Hesu rehe, Ha’e voi ñande jerovia apohare, hendive ñañepyrũ jajerovia ha hendive ñag̃uahẽ ñande jerovia ru’ãme. Hesu oha’ãrõ pe vy’a outavahína ichupe g̃uarã, upévare Ha’e ohasa asy ha omano ikurusúre otĩ’ỹre. Ha ko’ág̃a Ha’e oguapyhína Ñanderuete yke akatúape.

1 Juan 1:4

Ha ko’ã mba’e ningo rohai peẽme ko kuatiañe’ẽ kóvape, javy’aite hag̃ua oñondive.

2 Juan 1:12

Heta mba’e arekove ramojepe amombe’uveva’erã peẽme, ndahaiséi katu kuatiárente, aha’ãrõse aha ramog̃uarã pene rendápe, ha oñondive ñañe’ẽ hag̃ua, javy’a porã hag̃ua oñondive.