Juan 17:11

Ñanderuete Ñe’ẽ Porã 2015

Che ningo ndapytamo’ãvéi ko yvy ári, ko’ãva katu opytatahína gueteri, Che katu aháta ne rendápe. Che Ruete nde reko potĩete rasa ha hekoitépe reñangareko umi Nde reme’ẽmava’ekue chéve rehe nde réra rehehápe, oiko hag̃ua peteĩ ñe’ẽme, ñande jaiko háicha.

Referencias Cruzadas

Salmokuéra 79:9

Orepytyvõmína, Nde, ore Ruete, oreguenohẽ ore jejopy vaígui nde réra rehehápe, ha eperdona ore rembiapo vaikue nde réra rayhupápe.

Mga Kawikaan 18:10

Ñanderuete réra katu peteĩ óga yvate oñemombarete porãva; hendápe oñaniva’erã pe heko potĩva ojesalva hag̃ua.

Isaías 27:3

Che, nde Jára, añangareko’aína nderehe, py’ỹinte rohypýi ha rombohykuéta; añangarekóta nderehe ára ha pyhare, ani hag̃ua avave nembyai.

Isaías 64:2

ku tatarendy ohapy háicha pe jepe’a térã ombopupu háicha pe y; péicha toñemombe’u nde réra umi nderehe ija’e’ỹva apytépe, ha umi tetã toryrýi ne renondépe.

Jeremías 14:21

Nde réra rayhupápe katu anítei oremboyke, ha anítei oñembohory hikuái nde guapyhaguasu jajaipáva rehe; nemandu’ána, ani reity tesaráipe, ne ñe’ẽ reme’ẽmava’ekue oréve.

Jeremías 14:7

Ore rembiapo ivaiete ha roñemoĩ ramo jepe nderehe, ore rojerure asy, Nde, ore Ruete nde réra rayhupápe orepytyvõ jevýna, ore voi ropia nde rapégui, ne renondépe roñemoangaipa haguére.

Ezequiel 20:22

Ha che réra rehehápente ajokova’ekue che po, ani hag̃ua oñembohory hesekuéra umi tetã, hesakuéra renondégui aguenohẽva’ekue Israélpe Egípto retãgui.

Ezequiel 20:44

Ha peikuaáta Che ha’eha pende Ruete, ajapo umi mba’e penderehe che réra rehehápe, pende reko ha pende rape vaiete ramojepe, he’i pende Ruete.

Ezequiel 20:9

Che ajapo umi mba’e che réra rehehápe, ani hag̃ua umi tetã oikóva ijerekuévo oñe’ẽvai cherehe, upévagui Che ajehechauka ha ha’éma avei aguenohẽtaha ichupekuéra Egípto retãgui, umi ambue tetã ijerekuévo oĩva guive ohechakuaa hag̃ua che pu’aka.

Matéo 10:16

Peikuaa porãke, Che pomondoha ku ovecháicha aguaraguasu apytépe; upévare penearanduva’erã mbóicha ha pendereko potĩva’erã pykasúicha.

Matéo 5:48

Upéicha ramo tapendereko porãke Ñanderuete, yvágape oĩva, heko porãite háicha avei.

Matéo 6:9

Upévare péicha peñembo’e: Ore Ruete reĩva yvágape, toñemomba’eguasu nde réra.

Juan 13:1

Pe páscua arete ára mboyvemi ningohína ha Hesu oikuaa og̃uahẽmaha hi’ára oho hag̃ua ko yvy árigui Ñanderuete rekohápe. Hesu ohayhuete haguéicha umi ojeroviaitévape ñepyrũ guive, peichaite Ha’e ohayhuetéta avei ichupekuéra ipaha peve.

Juan 13:3

Ha Hesu oikuaávo Ñanderuete omoĩmba hague opaite mba’e ipópe, ha Ha’e ou hague Ñanderuetégui ha hendápe oho jevytamaha,

Juan 14:20

Upe ára upévape peẽ peikuaa porãta Che aĩha che Ruetepype, ha peẽ peĩha (peimeha) chepype ha Che aĩha pendepype.

Juan 16:28

Che voi asẽ Ñanderuetégui, aju hag̃ua ko yvy ári, ha aheja jevýta ko múndo kóva, aha hag̃ua che Ruete rendápe.

Juan 16:33

Ko’ã mba’e ko’ãva Che ha’éma peẽme, peẽ pendepy’aguapy hag̃ua chepype. Peẽ ningo pehasa asyva’erã ko yvy ape ári, pejerovia katu ko múndo kóva oĩmaha che poguýpe.

Juan 17:23

Che ipypekuéra ha Nde chepype, upéichamante oiko porã hag̃ua hikuái oñondive, ha yvyariguakuéra oikuaa hag̃ua Nde chembou hague, ha Nde rehayhuha ichupekuéra, Nde cherayhu háicha chéve.

Juan 17:25

Che Ruete, nde reko ningo iporãite, tetãyguakuéra apytépe heta ningo nandekuaáiva, oĩ katu umi ndekuaáva, Che roikuaa háicha ndéve ha ha’ekuéra oikuaáma Nde voi chembou hague ko yvy ári.

Juan 17:6

Che aikuaaukáma nde réra umi ne retãyguakuérape, Nde reme’ẽmava’ekue chéve, ha’ekuéra ojapo hag̃ua ne ñe’ẽ ha ne rembipota.

Juan 7:33

Hesu katu he’i: Ndachearemo’ãvéima penendive, upéi aha jevýta chembouva’ekue rendápe.

Apostolkuéra 3:21

Ko’ág̃a katu Hesu opytava’erã yvágape, Ñanderuete rekohápe, og̃uahẽ meve umi ára Ñanderuete omyatyrõmba jevy hag̃ua opaite mba’e, Ha’e he’i haguéicha iproféta heko potĩva rupi umi ára atyguasu ymaguare guive (Matéo 17,11).

Romayguakuérape 12:5

Péicha avei ñande jajeroviáva Hesu Crísto rehe, ojejapo ñandehegui Ñandejára Hesu Crísto rete ramo ha peteĩteĩme oñeme’ẽ hembiapotee Ñanderuete ome’ẽ haguéicha ichupe.

Romayguakuérape 9:17

Ñanderuete he’iva’ekue faraónpe ikuatiañe’ẽme: Che romoĩva’ekue Egípto retã ruvicha ramo ahechauka hag̃ua nde rekovépe che pu’aka, ha oñemoherakuã hag̃ua che réra opaite tetãnguérape (Éxodo 9,16).

1 Corintoyguakuérape 1:10

Che hermanokuéra, ajerure peẽme Ñandejára Hesu Crísto rérape peñe’ẽmba hag̃ua peteĩ mba’énte, ha anítei oĩ pende apytépe ñorãirõ, tapeiko uvei oñondivepa peteĩ py’ápe ha peteĩ ñe’ẽme.

Galaciayguakuérape 3:28

Hesu Cristopype ndaiporivéima Judaygua ni Greciaygua, ndaiporivéima tembiguái ni patron, ndaiporivéima kuimba’e ni kuña, opavave peẽ peiko peteĩ tekove pyahu Hesu Cristopype.

Efesoyguakuérape 4:4

Oĩ peteĩ tete año (pe iglésia) ha oĩ peteĩ Pytu Porãmbáva año ha penehenóiva peiko hag̃ua peteĩ esperánzape.

Filipoyguakuérape 2:9

Upévare Ñanderuete ombotuichaiteve ichupe opavavetégui, ha ome’ẽ ichupe (Hesu Crísto) pe téra ituichaitevéva opaite ambue téragui.

hebreoyguakuerape 1:3

Hesu Crísto rupi ojehecha Ñanderuete reko jajaipa ha Hesu Crísto rupi Ñanderuete ohechauka avei mba’éichapa Ha’ehína. Hesu Crísto ningo ojokohína ko múndope (univérsope) ojejapóva guive iñe’ẽ pu’aka rupi. Hesu Crísto ombopoguyva’ekue angaipa pu’aka, ha oguapyhína ko’ág̃a yvágape Ñanderuete akatúape.

hebreoyguakuerape 9:24

Hesu Crísto ndoikéi pe óga jojohuhápe kuimba’ekuéra ojapova’ekue, ha ojoguáva pe yvágape oĩvape, Ha’e oike uvei yvagaitépe, Ñanderuete renondépe, ñanderehehápe.

Tiágo 4:4

Peẽ peñemboykéva Ñanderuete rapégui, peiko ku tembireko opoimava’ekuéicha iménagui, oiko hag̃ua kuña reko vaícha; upe oikoséva ko múndo rayhupára ramo oikóta Ñanderuete rehe ija’e’ỹva ramo.

1 Pédro 1:5

Ñanderuete ipu’aka rupi, oñangareko penderehe pejeroviaháre hese ha pehupity hag̃ua pe salvacion ojehechaukátava ára pahápe.

1 Juan 3:12

Anítei jaiko Cain oiko haguéicha, ha’e ojuka ityvyrateépe oikógui aña poguýpe. Mba’érehepa ojuka ityvýrape. Cain ojuka Abélpe, Abel hembiapo porãgui, ha Cain hembiapo vaígui voi.

1 Juan 5:19

Jaikuaa porã ningo ñande, Ñanderuete mba’eha, ha jaikuaa avei ko múndo oĩha gueteri Satana (aña) poguýpe.

Júdas 1:1

Che, Júdas, Jacóbo ryvy, Hesu Crísto rembiguái ahai ko kuatiañe’ẽ umi Ñandejára Ñanderuete ohenoiva’ekuépe, Ha’e ohayhúva ha oñeñongatúva Hesu Crístope g̃uarã.

Júdas 1:24

Ñanderuete toñangareko penderehe, ha tapeneñongatu opaite ñepysãngágui, Ha’émante penemoñembo’ykuaa heko jajaipáva renondépe, vy’apópe ha teko porãme,

Apocalípsis 15:4

Máva piko ndokyhyjemo’ãi ndehegui ha nanemomba’eguasumo’ãi. Nde añómante ningo nde reko porãite, upévare opaite tetãnguéra oúta nemomba’eguasu hag̃ua ojehechauka haguére Nde rembojovake porã ha hekoitépe.

Apocalípsis 19:12

Hesakuéra tatarendýicha ha iñakã ári oĩ heta akã jeguaka (coróna), ha héra ojehaíma, avave ndoikuaái katu, Ha’e añoitémante.

Apocalípsis 4:8

Ha umi irundy tekove oikovéva peteĩteĩ 6 ipepo, ijerekuévo henyhẽ teságui okávo ha hyepývo, ha ndopytu’úi ára ni pyhare, he’ívo: Heko porã, heko porã, heko porã Ñanderuete, pe Karaiguasuetéva, pe Ipu’akapáva, pe Ha’eva’ekue, pe Ha’éva ha pe Ouva’erãva.