Juan 17:10

Ñanderuete Ñe’ẽ Porã 2015

Opaite che mba’éva ningo ne mba’e voi, ha opaite ne mba’éva che mba’e avei, ha Che añembotuichaite ipypekuéra.

Referencias Cruzadas

Juan 10:30

Che ha che Ruete peteĩchánte voi.

Juan 11:4

Ha Hesu ohendúvo péva, he’i: Ko mba’asy kóva ndoguerahamo’ãi ichupe ñemanóme, Ñanderuete reko jajaipa ojehechauka hag̃uánte, ha kóva rupi oñembotuicha hag̃ua avei Ñanderuete Ra’ýpe.

Juan 12:23

Hesu katu oñe’ẽ ichupekuéra ha he’i: Og̃uahẽmahína pe hóra yvyarigua Ra’y oñembotuicha hag̃ua.

Juan 5:23

Opavave omomba’e hag̃ua pe Ta’ýrape, oñemomba’e háicha Ñanderuetépe. Upe omomba’e’ỹva Ta’ýrape, nomomba’éi avei Ñanderuetépe, Ha’e voi ombou Ita’ýrape ko yvy ape ári.

Apostolkuéra 19:17

Ha ko mba’e oikóva guive Efésope opaite Judaygua ha Greciaygua oikuaa, ha kyhyje ndetuicháva ho’a hi’arikuéra, ha omomba’eguasu Hesu Crísto réra.

Galaciayguakuérape 1:24

Ha omomba’eguasu hikuái Ñanderuetépe cherehe.

Filipoyguakuérape 1:20

péva ningo che esperánza ha mba’evépe nañemotĩmo’ãi, py’aguasuetépe uvei ambotuicha Hesu Crístope jepiguáicha che rekove rupi, taha’e che rekove rupi térã che ñemano rupi.

Colosayguakuérape 2:9

Hesu Cristopype ningo oĩ avei opaite Ñanderuete reko.

2 Tesalonicayguakuérape 1:10

Hesu Crísto ouha árape oñemomba’eguasúta heseguakuéra apytépe ha opaite ojeroviáva guive hese ohechava’erã ichupe, peẽ avei, peguerovia haguére upe romombe’uva’ekue peẽme ore ñe’ẽ rupi.

2 Tesalonicayguakuérape 1:12

Oñemomimbi hag̃ua Ñandejára Hesu Crísto réra pendepype, ha peẽ ipype, Ñanderuete ha Ñandejára Hesu Crísto poriahuvereko rupi.

1 Pédro 2:9

Peẽ katu pe tetã poravopyre, peteĩ tetã heko potĩmava, Ñanderuete ohenoimava’ekue pytũmbýgui peiko hag̃ua hesape porãitépe, pemyasãi hag̃ua ipa’ikuéra ramo Ñanderuete rembiapo tuichaitéva, (Éxodo 19,6).