Juan 16:5

Ñanderuete Ñe’ẽ Porã 2015

Ko’ág̃a katu ahátama pe chembouva’ekue rendápe, ha avave pende apytégui noporandúi chéve: Moõpa rehóta.

Referencias Cruzadas

Juan 13:3

Ha Hesu oikuaávo Ñanderuete omoĩmba hague opaite mba’e ipópe, ha Ha’e ou hague Ñanderuetégui ha hendápe oho jevytamaha,

Juan 13:36

Upérõ, Simon Pédro oporandu ichupe: Ore Jára, moõ piko rehóta. Hesu ombohovái ichupe: Che ahatahápe ndaikatúi nde chemoirũ ko’ág̃a, uperire katu nde avei chemoirũta.

Juan 14:28

Pehendu ningo Che ha’éma hague peẽme: Aháta, aju jevy hag̃ua avei pene rendápe. Peẽ cherayhúrõ ningo pevy’aitéta ha’e haguére ahataha che Ruete rendápe, pe Túva ningo mba’eguasuve chehegui.

Juan 16:10

Ha ohechaukáta ha’ekuéra oikotevẽha Hesu Crísto rehe, (Ha’eñoiténte pe tape po’i ohóva Ñanderuete rekohápe), ha Hesu Crísto ohotamaha yvágape Ñanderuete rendápe, upévagui avave ndohechamo’ãvéima ichupe.

Juan 16:16

Ndahi’aremo’ãi ha peẽ ndacherechamo’ãvéi, ha ndahi’aréi jevy rire peẽ cherecha jevýta.

Juan 16:17

Upérõ hemimbo’ekuéra he’i ojupe: Mba’e piko Ha’e he’ise ko ñe’ẽ kóva rupi: Ndahi’areihína ha peẽ ndacherechamo’ãveiha, ha ndahi’aremo’ãi katu peẽ cherecha jevýta, ahátagui che Ruete rendápe.

Juan 16:28

Che voi asẽ Ñanderuetégui, aju hag̃ua ko yvy ári, ha aheja jevýta ko múndo kóva, aha hag̃ua che Ruete rendápe.

Juan 17:13

Ko’ág̃a ningo aháta ne rendápe ha añe’ẽmbáma ko’ã mba’e ne retãyguakuérape, ha’ekuéra oguereko hag̃ua avei opaite vy’a oĩva che py’apýpe.

Juan 17:4

Che ningo rombotuicha ko yvy ári ha ajapopa pe tembiapo reme’ẽva’ekue chéve Che ajapo hag̃ua.

Juan 6:62

Mba’éiko oikova’erã pehecha ramo yvyarigua Ra’y ojupi jevýrõ oĩ haguépe.

Juan 7:33

Hesu katu he’i: Ndachearemo’ãvéima penendive, upéi aha jevýta chembouva’ekue rendápe.

hebreoyguakuerape 1:3

Hesu Crísto rupi ojehecha Ñanderuete reko jajaipa ha Hesu Crísto rupi Ñanderuete ohechauka avei mba’éichapa Ha’ehína. Hesu Crísto ningo ojokohína ko múndope (univérsope) ojejapóva guive iñe’ẽ pu’aka rupi. Hesu Crísto ombopoguyva’ekue angaipa pu’aka, ha oguapyhína ko’ág̃a yvágape Ñanderuete akatúape.

hebreoyguakuerape 12:2

Ha ñama’ẽ Hesu rehe, Ha’e voi ñande jerovia apohare, hendive ñañepyrũ jajerovia ha hendive ñag̃uahẽ ñande jerovia ru’ãme. Hesu oha’ãrõ pe vy’a outavahína ichupe g̃uarã, upévare Ha’e ohasa asy ha omano ikurusúre otĩ’ỹre. Ha ko’ág̃a Ha’e oguapyhína Ñanderuete yke akatúape.