Juan 16:3

Ñanderuete Ñe’ẽ Porã 2015

Ko’ã mba’e ojapóta hikuái ndoikuaa porãigui Ñanderuetépe ni chéve.

Referencias Cruzadas

Lúcas 10:22

Opaite mba’e che Ruete omoĩma che pópe. Avave ndoikuaái pe Ta’ýrape, pe Túvamante. Ha avave ndoikuaái pe Túvape, Ita’ýramante, ha Ha’e oikuaaukasévapemante oikuaaukáta.

Juan 15:21

Opaite ko’ã mba’e ojapóta hikuái penderehe che réra rehe, ndoikuaáigui pe chembouva’ekuépe.

Juan 15:23

Upe oñemoĩva cherehe, oñemoĩma avei che Ruete rehe.

Juan 17:25

Che Ruete, nde reko ningo iporãite, tetãyguakuéra apytépe heta ningo nandekuaáiva, oĩ katu umi ndekuaáva, Che roikuaa háicha ndéve ha ha’ekuéra oikuaáma Nde voi chembou hague ko yvy ári.

Juan 17:3

Ha pe tekove tapia g̃uarãva ningo kóva: Tandekuaa hikuái ndéve, Ndémante Ñanderuete añeteguáva, ha toikuaa avei pe Nde rembouva’ekue, Hesu Crísto.

Juan 8:19

Upémaramo he’i hikuái Hesúpe: Moõpa oime nde Ru. Hesu katu ombohovái ichupekuéra: Peẽ ningo ndachekuaái, ni ndapeikuaái che Ruetépe. Peẽ chekuaa rire peikuaava’erãmo’ã avei che Ruetépe.

Juan 8:55

Peẽ ndapeikuaái ichupe Che ningo aikuaa ichupe; ha Che ha’e ramo ndaikuaaiha ichupe, chejapúta peẽ pendejapu háicha.

Apostolkuéra 3:17

Ha ko’ág̃a, che ryvykuéra che aikuaa peẽ pejapo hague ko’ã mba’e ndapeikuaa’ỹguínte, péicha avei pende ruvichakuéra.

1 Corintoyguakuérape 2:8

Koichagua arandu tetã ruvichakuéra ko ára atyguasu kóvape ndoikuaái, oikuaa rire nomosãingoiva’erãmo’ã Ñandejára Hesu Crístope kurusúre.

2 Tesalonicayguakuérape 1:8

ha tata rendýpe ohepyme’ẽ hag̃ua umi ndoikuaaséivape Ñanderuetépe ha naiñe’ẽrenduséivape Ñandejára Hesu Crísto ñe’ẽ porãitépe,

1 Timotéope 1:13

Yma che añe’ẽvai ramojepe Hesu Crísto rehe, ha che apersegui ha aja’o vai ramojepe Hesu Crísto reheguávape, ahupity avei Hesu Crísto poriahuvereko, ndaikuaái ni ndajeroviaiva’ekuégui hese.

1 Juan 2:23

Opaite ombotovéva pe Ta’ýrape (Hesu Crístope) ndoguerekói avei pe Túva. Ha pe omboajéva pe Ta’ýrape upéva omoañete avei pe Túvape.

1 Juan 3:1

Pema’ẽna mba’eichagua mborayhúpa Ñanderuete ome’ẽ ñandéve, ñañembohéra hag̃ua Ñanderuete ra’ykuéra ha rajykuéra, ha umivahína ñande voi. Upévare Ha’érupi ko múndo nañandekuaái, ndoikuaáigui ichupe.

1 Juan 4:8

Ha pe oporohayhu’ỹva ndoikuaái Ñanderuetépe, Ha’e ningo mborayhu añetegua.

1 Juan 5:20

Jaikuaa ningo Ñanderuete Ra’y ou hague, ha ome’ẽ ñandéve akã porã ñande jaikuaa hag̃ua pe Añeteguávape, ha ñande ñaĩ pe Añeteguavapype, he’ise Ñanderuete Ra’y Hesu Crístopype. Ha’e Ñandejára Añeteguáva ha pe tekove tapia g̃uarãva.