Juan 16:22

Ñanderuete Ñe’ẽ Porã 2015

Upéicha ojehu avei penendive ko’ág̃a, penemba’embyasypeína. Og̃uahẽta katuete pe ára aju jevytaha, upéramo pende py’apy henyhẽta vy’águi, ha avave ndaikatumo’ãi oipe’a jevy pendehegui.

Referencias Cruzadas

Job 34:29

Ñanderuete okirirĩ ramo mávapa ikatu oñe’ẽvai hese, ha oñomi ramo hova, mávapa oma’ẽkuaa hese, ko’ã mba’e Ñanderuete ojapo peteĩ kuimba’e térã peteĩ tetã rehe.

Salmokuéra 146:2

Che rekove pukukuépe amomba’eguasúta Ñanderuetépe, apurahéita aikove aja che Járape.

Salmokuéra 33:21

Upéicha Ñanderuete ñanembopy’arory jajerovia porãgui héra porãite rehe.

Isaías 25:9

Ha upe ára upévape oje’éta: Pema’ẽ porãke, kóa voi ningo ore Jára, roha’ãrõkuri Ha’e oreguenohẽ hag̃ua ore jehasa asyguasúgui, ore rojeroviágui hese. Javy’a ha japurahéi joa Ha’e ñanepytyvõ porã haguére.

Jeremías 31:12

Ha ou joáta hikuái vy’a ha sapukaipópe Sion cérrope, ha oñani joáta hikuái oñembopy’arorývo pende Ruete jehovasa porãite reheve, pan, víno, acéite, hymba ovecha ha vakakuéra reheve; ha hi’ánga ojoguáta ka’avotýpe oñemohe’õ porãvape ysyry rembe’ýpe, ha araka’evéma naimba’embyasyveiva’erã hikuái.

Matéo 28:8

Ha oho hikuái Hesu tyvýgui kyhyje ha vy’a tuicha reheve, ha ñaniháme oho hikuái omba’emombe’u hag̃ua hemimbo’ekuérape.

Lúcas 10:42

peteĩ mba’énte oñekotevẽva, ha péva María oiporavóma, ndojepe’amo’ãi ichugui.

Lúcas 16:25

Abraham katu ombohovái ichupe: Che ra’y, nemandu’áke rehasa porã hague reikove aja, ha Lázaro katu ohasa asyeteva’ekue, ha ko’ág̃a oñemoangapyhy ichupe ko’ápe, nde katu rehasa asyetereíma.

Lúcas 19:26

Ha pe mburuvicha katu he’i: Oimeraẽva oguerekóvape, oñeme’ẽveva’erã, ha pe oguereko’ỹvagui ojepe’ava’erã gueteri pe oguerekomimíva jepe.

Lúcas 24:41

Ndogueroviapái gueteri, ovy’a ha ipy’andýigui hikuái Hesu he’i ichupekuéra: Ndapeguerekói piko michĩmi tembi’u ha’u hag̃ua.

Juan 14:1

Ani pejepy’apy ni peñemondýi pende py’apýpe, pejerovia uvei Ñanderuete rehe ha pejerovia avei cherehe.

Juan 14:19

Ndahi’arevéima yvyariguakuéra ndacherechamo’ãvéi, peẽ katu cherecháta, Che aikovégui peẽ peikovéta avei.

Juan 14:27

Pe py’aguapy ame’ẽta peẽme, che py’aguapy añeteguáva ningo, ndaha’éinte pe py’aguapy yvyarigua ome’ẽva, upévare anítei peñemondýi ni peneangekõitei.

Juan 16:16

Ndahi’aremo’ãi ha peẽ ndacherechamo’ãvéi, ha ndahi’aréi jevy rire peẽ cherecha jevýta.

Juan 16:20

Añetehápe, añetehápe, ha’e peẽme: Peẽ penerasẽta ha pejahe’osoróta, ambue tetãyguakuéra katu ovy’áta, opáichavo pene ñembyasy oñemyengoviáta vy’a rehe.

Juan 16:6

Che amombe’u haguére ko’ã mba’e peẽme, pe ñembyasy omyenyhẽma pende py’apy.

Juan 21:7

Upémaramo pe temimbo’e Hesu ohayhúva he’i Pédrope: Hesu voi ningo. Upérõ Pédro pya’e omonde ijao, ha’e ijopívogui, ha ojeity yguasúpe.

Juan 4:14

Upe hoy’úva pe y oporomoingovéva Che ame’ẽtavagui ndaijy’uheivéima araka’eve. Pe y Che ame’ẽtava oporomoingovégui tapia g̃uarã.

Apostolkuéra 13:52

Ha Páblo ha Bernabe henyhẽ torýgui ha Pytu Porãmbávagui.

Apostolkuéra 16:25

Pyhare pyte rupi katu Páblo ha Sílas oñembo’e ha opurahéi omomba’eguasúvo Ñanderuetépe. Ha umi ambue oĩva cárcelpe ojapysakapa joa hesekuéra.

Apostolkuéra 2:46

Ha meme árape oñembyaty hikuái peteĩ py’ápe Ñanderuete rogaguasúpe ha ocena ha ho’u pe céna Hesu Crísto reheguáva oñembyaty ramo avei hogakuérape vy’apópe ha py’a porãme oñondive.

Apostolkuéra 5:41

Umi apóstol katu osẽ vy’apópe imburuvichakuéra rendágui, ija haguére ichupekuéra ohasa asy Hesu Crísto réra rehehápe.

2 Corintoyguakuérape 6:10

roñembyasy ramoguáicha, rovy’a tapia ramojepe; ore mboriahúvaicha ramo, roguereko heta ramojepe; ndoroguerekói ramoguáicha mba’eve, roguerekopa ramojepe.

2 Tesalonicayguakuérape 2:16

Ñandejára Hesu Crísto ha Ñandejára Ñanderuete ñanderayhúva ha ñanemoangapyhýva tapia iporiahuvereko rupi, péva ningo pe esperánza jaguerekóva.

hebreoyguakuerape 10:34

Peẽ peiporiahuvereko umi oikóva cárcelpe, ha vy’apópe peheja ojepe’a pene mba’eteéva, peikuaágui peẽ peguerekoha pene mba’e iporãvéva ha opytáva tapia g̃uarã (yvágape).

hebreoyguakuerape 6:18

Upéicha, mokõi mba’e noñemoambuéiva rupi Ñanderuete ohechaukase Ha’e ndaikatuiha ijapu, ha Ha’e ñanemoangapyhyse, upévare jajejoko hatãve jahávo pe esperánza rehe jarekóva Ha’érupi.

1 Pédro 1:8

Peẽ ndapehechái ramo jepe Hesu Crístope, pejerovia hese, pehayhu ichupe ha pemomba’eguasu ichupe vy’a tuicha reheve, ndaikatúiva ja’e yvy arigua ñe’ẽ rupi ha peẽ penerenyhẽ heko jajáigui,