Juan 16:21

Ñanderuete Ñe’ẽ Porã 2015

Pe kuña imemby aja ohasa asy, og̃uahẽgui hi’ára, imemby rire katu naimandu’avéima ohasa asy hague, ovy’águi imemby haguéma peteĩ mitã ko yvy ape ári.

Referencias Cruzadas

Genesis 3:16

Ha Ñanderuete he’i pe kuñáme: Heta rehasa asýta ha nderasyetéta nememby hag̃ua; ha ne remikotevẽ ne ménape g̃uarã, ha repytáta ipoguýpe.

Job 11:16

Ha nderesaraipáta nde jehasa asýgui, térã nemandu’áne hese ku yeta ohasapa haguéicha.

Salmokuéra 113:9

Ñanderuete ojapóta pe kuña ikatu’ỹva imemby, imemby heta hag̃ua ha ovy’a hag̃ua imembyeta apytépe, alelúia (pemomba’eguasu Ñanderuetépe).

Isaías 13:8

Ha oñemondyieterei, jepy’apy ha mba’asy oñu’ãta ichupekuéra ha oñeñandúta hikuái ku kuña imembymbotávaicha; ipy’andýi joaite om’ẽvo iñirũ rova rehe; hovakuéra hendy tata rendýicha.

Isaías 21:3

Upévare che rete oryryipa ha ojepy’apy ku kuña imembymbotávaicha, ha umi mba’e che ahendúva chemondyiete ha umi mba’e ahecháva chemboryryipa.

Isaías 66:7

Og̃uahẽ mboyve pe hóra imemby hag̃ua, imembýma peteĩ kuimba’e isy hasykatu mboyve.

Miquéas 4:10

Kuña imembymbotarõguáicha eryrýi ha esapukái, nde Sion rajy (Jerusalenguakuéra), ko’ág̃a ningo resẽta nde távagui ha reikóta ñúre reg̃uahẽ meve Babilónia retãme. Upépe rejejoráta, upépe pende Ruete neguenohẽta hesekuéra ija’e’ỹva poguýgui.

Miquéas 4:9

Mba’érehe piko resapukái rei reikóvo. Ndaipóri piko mburuvicha ndepype. Omano piko nerekombo’éva, ha ou ndéve mba’asy kuña imembymbotarõguáicha.

Galaciayguakuérape 4:27

Ñanderuete kuatiañe’ẽme he’i: Evy’a, nde kuña ikatu’ỹva nememby, ha nde memby’ỹre reikóva, epurahéi ha esapukái vy’apópe ne’ĩra haguére nememby, umi kuña ojepoíva imembyvéta umi kuña omendávagui, (Isaías 54,1).

1 Tesalonicayguakuérape 5:3

Yvyarigua he’i jave: Jaiko porã (segúro) ha py’aguapýpe, upeichahágui ho’áta sapy’aitépe hi’arikuéra iñehundirã, ojehu háicha pe kuñáme og̃uahẽ ramo sapy’a pe hóra imemby hag̃ua, upéicha ojehúta avei ichupekuéra, ha ndaikatumo’ãi okañy mamove.