Juan 16:2

Ñanderuete Ñe’ẽ Porã 2015

Pa’ikuéra ha fariseokuéra penemosẽta Ñanderuete rogaguasúgui, ha og̃uahẽta gueteri umi ára oimeraẽva pendejukátava oimo’ãgui omomba’eguasuha Ñanderuetépe (umi tembiapo rupi).

Referencias Cruzadas

Isaías 65:5

Ha he’i hikuái: Epytáke reimeháme, ani reñembojátei cherehe, che ningo añembohekopotĩ’aína. Ko’ã mba’e oiko tatatĩ ha tata hendýva ramo ára pukukuépe che tĩme.

Isaías 66:5

Upévare pehendu pende Ruete ñe’ẽ, peẽ pekyhyjéva, pehendu che ñe’ẽ. Pene pehẽngue oñemoĩva penderehe ha penemosẽva okápe che réra rehe, he’ígui hikuái: Ñanderuete tohechauka ipu’aka ore rohecha hag̃ua peẽ pevy’aha; umía katuete oñemotĩmbava’erã.

Daniel 11:33

Ha umi tetãygua iñarandúva guive oĩva tetãpýre ohekombo’éta heta hapichápe; ndahetái ára rire katu ho’áta hikuái kyse puku rupi térã oñehundíta tata rupi, oñemondáta imba’ekuéra térã ojegueraháta tembiguái ramo ambue tetãme.

Matéo 10:28

Aníke pekyhyje umi ojukávagui pende rete, ndaikatúigui ojuka pene ánga; pekyhyjeva’erã uvei pe ikatúvagui ohundi aña retãme pende rete ha pene ánga.

Matéo 24:9

Ha upérõ peẽ peñemyangekõi asýta, ha’ekuéra pendejukáta ha opaite tetãnguéra oñemoĩta penderehe che réra rehe.

Lúcas 6:22

Pevy’aite peẽ, umi kuimba’e ha kuñakuéra ndaija’éi ramo penderehe ha oñemomombyry ramo pendehegui, ha pendeja’órõ ha omboykérõ pende réra iñañáva ramo yvy arigua Ra’y (Hesu Crísto) rehehápe.

Juan 12:42

Opáichavo, mburuvichakuéra apytépe oĩ avei umi ojeroviáva ñemiháme Hesu rehe, nomombe’úinte katu opavave renondépe, okyhyjégui fariseokuéra omosẽrõ g̃uarã ichupekuéra Ñanderuete rogaguasúgui.

Juan 16:25

Ko’ã mba’e ko’ãva amombe’u peẽme ñe’ẽ mbojoja rupi, og̃uahẽta katu pe hóra nañe’ẽmo’ãvéiha ñe’ẽ mbojoja rupi, añe’ẽ sakã porãta uvei peẽme opaite mba’e che Ruete rehe.

Juan 16:32

Peikuaa porã katu, oúta pe hóra, ha og̃uahẽma voi ningo, opaite peẽ peñemosarambipáta ha pehóta pende rógape, ha peẽ pecherejáta chéve che año, Che katu ndapytamo’ãi che año, che Ruete voi oĩtagui chendive.

Juan 4:21

Hesu he’i ichupe: Nde kuña, erovia katu og̃uahẽtaha pe hóra peẽ napeñembo’evéitava Ñanderuetépe ko cérro kóva ári ni Jerusalénpe.

Juan 4:23

Eikuaa porã katu, og̃uahẽtaha pe hóra ha ko’ág̃a og̃uahẽma voi, umi oñembo’éva Ñanderuetépe, oñembo’eva’erã Pytu Porãme ha añetegua reheve, umi péicha oñembo’evahína Ñanderuete oheka ha oguerohory.

Juan 9:22

Upéicha itúva ha isy he’i okyhyjégui Judayguakuéragui. Fariseokuéra he’iukáma voi oimeraẽ he’íva Hesu ha’eha pe Crísto, oñemosẽtaha Ñanderuete rogaguasúgui.

Juan 9:34

Upérõ umi fariséo ha Judayguakuéra he’i ichupe: Angaipa reheve ningo renace, ha nde piko orembo’éta. Ha omosẽ hikuái ichupe okápe.

Apostolkuéra 5:33

Ha’ekuéra ohendúvo umi mba’e, ipochyeterei ha ojukase ichupekuéra.

Apostolkuéra 7:56

Ha he’ive: Peikuaa porãke ahecha’aína pe yvága ojepe’a ha yvyarigua Ra’y oñembo’yhína Ñanderuete akatúape.

1 Corintoyguakuérape 4:13

oñe’ẽvai ramo hikuái orerehe, ore rombohovái ñe’ẽ porã reheve. Ore roiko ytýicha térã gue’ẽnguéicha (vomitokuéicha).

Filipoyguakuérape 3:6

che voi cherakate’ỹgui ko yvyarigua rete rembiapo rehe apersegui Hesu Crísto iglesiayguakuérape jepe. Fariséo rekópe aiko hekoitépe, ha ndojejohúi mba’eve oje’evai hag̃ua cherehe.

Apocalípsis 6:9

Ha Ha’e oipe’ávo pe ta’ãnga jopyha 5-ha ahecha pe kuave’ẽmby renda guýpe umi ojejukava’ekuépe, omombe’u haguére Ñanderuete ñe’ẽ.

Juéces 6:30

Eguenohẽ nde ra’ýpe ore rojuka hag̃ua, oitypágui Baal kuave’ẽmby renda ha oikytĩmbágui Asera ra’ãnga oĩva’ekue ijypýpe.