Juan 16:11

Ñanderuete Ñe’ẽ Porã 2015

Ha ohechaukáta oñembojovakemaha ko múndo ruvicha, Satanáme.

Referencias Cruzadas

Genesis 3:15

Ha oikóta ñorãirõme kuña ha iñemoñare ha ne ñemoñare apytépe; ha’ekuéra omongu’íta ne akã ha nde reisu’úta ichupekuéra ipytápe.

Salmokuéra 68:18

Ore Ruete, Nde rejupíma cérro ru’ãme, rerahávo heta iñapytĩmbýva, ha regueraha jopói yvyariguakuéragui, ha avei umi opu’ãva nderehe jepe oikova’erã nde poguýpe.

Matéo 12:18

Pema’ẽ porãke che rembiguái aiporavova’ekue rehe, Ha’e ningo pe che ahayhúva, ha ombohorýva che ánga; che Pytu Yvága pegua amoĩ hi’ári, ha tetã ambueyguakuérape oikuaaukáta pe teko porã (justícia).

Matéo 12:36

Ha Che ha’e peẽme opaichagua ñe’ẽ rei yvyariguakuéra he’íva guive, Ñanderuete ohepyme’ẽva’erã ichupe upe ñembojovakeha árape.

Lúcas 10:18

Hesu katu he’i ichupekuéra: Che ahechava’ekue Satana, aratirícha ho’a ramo yvágagui.

Juan 12:31

Ko’ág̃a oñembojovakéta ko múndope ha oñemosẽta avei okápe Satana, ko múndo ruvichápe.

Juan 14:30

Nañe’ẽ hetamo’ãvéima penendive, oúmagui ko yvy jára, Satana, chemoĩvai hag̃ua, ndojohumo’ãi katu mba’evete jejavy che rekovépe.

Juan 16:12

Heta mba’e aguereko gueteri ha’eva’erã peẽme, peẽ katu ko’ág̃a ndaikatúi gueteri pegueropu’aka.

Apostolkuéra 10:42

Ha Ha’e oremondo romombe’u hag̃ua opaite tetãyguakuérape, Hesu Crísto ombojovaketaha umi oikovévape ha umi omanóvape, upevarã Itúva, Ñanderuete, oiporavomava’ekue ichupe.

Apostolkuéra 24:25

Páblo oñe’ẽvo, he’i: Pe justícia heko peguáva rehe, kuimba’e ha kuñakuéra ojejoko hag̃ua rehe ha Ñanderuete ñembojovake rehe oĩta opaite tetãyguakuérape g̃uarã, Félix okyhyje ha he’i ichupe: Ko ára ovaléma ha ija jevývo chéve che rohenoiuka jevýta.

Apostolkuéra 26:18

Rehesape’a hag̃ua ichupekuéra ha osẽ hag̃ua hikuái pytũgui oike hag̃ua tesape rendýpe, ha opoi hag̃ua hikuái Satanágui oñemboja hag̃ua Ñanderuete rehe, ha oñeperdona hag̃ua hembiapo vai, ha oñembyaty hag̃ua Hesu Crísto iglésiape, ojeroviágui hikuái Hesu Crísto rehe.

Romayguakuérape 16:20

Ñanderuetémante pe ombopy’aguapýva, voiete amongu’íta Satanáme pende py guýpe. Hesu Crísto poriahuvereko toĩ pende apytépe.

Romayguakuérape 2:16

Og̃uahẽva’erã katuete pe ára Hesu Crísto ombojovakeva’erãha umi mba’e ñemi oĩva guive opaite tetãyguakuéra py’apýpe.

1 Corintoyguakuérape 4:5

Upévare peha’ãrõ Hesu Crísto ouha ára peve, Ha’e ombojovake hag̃ua. Ha’e voi omyesakãmbáta umi mba’evai ha iporãva oñemivahína pytũmbýpe jepe, ha Ha’e ohechaukáta ñande py’apy rembipota jepe; upépe ae peteĩteĩva ohupitýta pe hekopeteguáva Ñanderuetégui.

2 Corintoyguakuérape 4:4

Ha péva ojehu ko yvy jára (Satana) omohesatũgui ipensamientokuéra, ani hag̃ua ohecha pe tesape oúva Hesu Crísto reko jajaipa ha iñe’ẽ porãitégui, Hesu Crísto ningo Ñanderuete ra’ãnga voi.

Efesoyguakuérape 2:2

peikova’ekue pene rembipota vai poguýpe, ojeiko háicha ko ára atyguasúpe ha pejapova’ekue ko múndo jára rembipota vai, ha’e ningo pe pytu vai (Satana) omba’apovahína avei opavave oñemoĩvape guive Ñanderuete rehe.

Colosayguakuérape 2:15

Upéicha Hesu Crísto, iñemano rupi, ombopoguy opaite Satana ha hembiguaiguasukuéra pu’aka ha omotĩ ichupekuéra opavave rovaképe ombotyryrývo ichupekuéra hapykuéri.

hebreoyguakuerape 2:14

Ita’yrakuéra ho’o ha huguýgui, oñeme’ẽ avei Hesu Crístope to’o ha tuguy, imano rupi Ha’e ombopoguy hag̃ua Satanáme, pe ñemano jarakuépe,

hebreoyguakuerape 6:2

bautísmo, po ñemoĩ tapicha akã ári, omanomava’ekue jeikove jevy ha pe ñembojovake tapia g̃uarãva.

hebreoyguakuerape 9:27

Kuimba’ekuéra ha kuñakuéra omanova’erã háicha peteĩ jevýnte, ha uperire oikóta pe ñembojovakeguasu,

2 Pédro 3:7

Ko’ag̃agua yvagakuéra ha yvy oñeñongatu Ñanderuete ñe’ẽ rupi tatápe g̃uarã.

1 Juan 3:8

Pe hembiapo vaíva katu aña mba’e, pe aña oñemohembiapo vaígui ñepyrũ guive. Upévare ningo Ñanderuete Ra’y ou, ombyai hag̃ua aña rembiapo.

Apocalípsis 1:7

Peikuaa porãke Hesu Crísto ou jeyva’erã arai reheve, ha opaite umi oikutuva’ekue ichupe ohecha jevyva’erã ichupe ha opaite tetã yvy arigua ojahe’o soróta ohecha vove ichupe. Taupéicha.