Juan 16:10

Ñanderuete Ñe’ẽ Porã 2015

Ha ohechaukáta ha’ekuéra oikotevẽha Hesu Crísto rehe, (Ha’eñoiténte pe tape po’i ohóva Ñanderuete rekohápe), ha Hesu Crísto ohotamaha yvágape Ñanderuete rendápe, upévagui avave ndohechamo’ãvéima ichupe.

Referencias Cruzadas

Isaías 42:21

Ñanderuete ohayhúgui justícia ombotuichaseve hembiapoukapykuéra rupi.

Daniel 9:24

Seténta áño semána (490 áño) oñemoĩ ne retã ha nde táva Jerusalen ári opa hag̃ua pe teko ñaña ha oñemyenyhẽ meve pe angaipa ryru, ha oñeperdona hag̃ua umi jejavy ha heko vai ojegueru hag̃ua justícia opave’ỹva, omoañetévo umi mba’e ojehechaukava’ekue payetépe ha pe profecía rupi, ojeporavo peve pe Heko potĩvape.

Juan 16:28

Che voi asẽ Ñanderuetégui, aju hag̃ua ko yvy ári, ha aheja jevýta ko múndo kóva, aha hag̃ua che Ruete rendápe.

Juan 16:5

Ko’ág̃a katu ahátama pe chembouva’ekue rendápe, ha avave pende apytégui noporandúi chéve: Moõpa rehóta.

Juan 3:14

Ha Moises omopu’ã haguéicha peteĩ mbói ra’ãnga desiértope, upéicha oñemopu’ãva’erã avei pe yvyarigua Ra’y,

Juan 5:32

Ambue katu omoañete che ñe’ẽ ha oiko che rechahare ramo, ha opaite mba’e Ha’e he’íva guive cherehe hi’añete ha hekoitépe.

Juan 7:33

Hesu katu he’i: Ndachearemo’ãvéima penendive, upéi aha jevýta chembouva’ekue rendápe.

Apostolkuéra 17:31

Ñanderuete omoĩma peteĩ ára ñane renonderãme peteĩ mbojovakehára Ha’e oiporavova’ekue ombojovake hag̃ua hekópe opavave reko ha opavave rembiapokue. Ha Ñanderuete ohechauka opavavépe, péva hi’añeteha omoingove jevývo pe mbojovakehararã omanova’ekue apytégui.

Apostolkuéra 2:32

Ñanderuete voi omoingove jevy Hesu Crístope, ha ore roikóma opaite ko’ã mba’e techahare ramo.

Apostolkuéra 3:14

Peẽ katu pemboyke pe Heko Porãvape ha Heko peguávape, ha pejerure Hesu rendaguépe ojepoi hag̃ua peẽme Barrabas, peteĩ jukaháragui,

Apostolkuéra 7:52

Opaite profetakuérape pende rukuéra ombohasa asyva’ekue, ha ojuka hikuái umi he’iva’ekuépe pe Heko Porãva outaha, ichupe peẽ ko’ág̃a peipy’ajoyvy (petraiciona) ha pejuka.

Romayguakuérape 1:17

Ñanderuete perdon oñeme’ẽhína tetãyguakuérape ojeroviávape g̃uarã añetehápe Hesu Crísto rehe, ojehai voi ningo Ñanderuete kuatiañe’ẽme: Upe oñemopotĩmava’ekue oikoveva’erã ojerovia haguére Hesu Crísto rehe, (Habacuc 2,4).

1 Corintoyguakuérape 1:30

Ñanderuete rupi ñande jaiko Hesu Cristopype, Ha’érupi jahupity Ñanderuetégui: Arandu, justícia (tekojoja), teko potĩ ha salvacion,

2 Corintoyguakuérape 5:21

Ñanderuete ñanderayhúgui omoĩ Hesu Crísto ári ñane angaipa, jahupity hag̃ua Hesu Crísto rupi pe teko ipotĩva ha ovaléva Ñanderuete renondépe.

Galaciayguakuérape 5:5

Ñande ñaha’ãrõ Pytu Porãmbáva pu’aka poguýpe, Hesu Crísto ñandesalvataha, jajeroviágui hese.

1 Timotéope 3:16

Añetehápe mba’e tuichaitereíva ko’ã mba’e ñemi (ojehechaukamava’ekue umi ojeroviávape Hesu Crísto rehe): Hesu Crísto ojehechaukava’ekue yvyarigua retépe, Ha’e oiko katu heko potĩva ramo ipytu porãme. Ha’e ojehechaukava’ekue yvága rembiguaikuérape (angelkuérape), oñemyasãiva’ekue tetãnguéra apytépe, tetãyguakuéra ojerovia hese, ha upéi Ñanderuete ohupi Hesu Crístope heko jajaipa oĩháme.

1 Pédro 3:18

Hesu Crísto ohasa asyeteva’ekue peteĩ jevy (ñane) angaipa rehehápe, pe Heko porãitéva ñane angaipavóra rehehápe, ñandegueraha hag̃ua Ñanderuete rendápe; añetehápe ho’o omano, Ipytu Porã katu oñemoingove jevy.