Juan 15:8

Ñanderuete Ñe’ẽ Porã 2015

Che Ruete oñembotuicha pende’a heta rupi ha upéicharõmante peẽ che remimbo’ekuéra añeteguáva oikóta pendehegui.

Referencias Cruzadas

Isaías 60:21

Ha opaite ne retãygua reko ipotĩta, ha opaite árape oikóta ijyvyteépe; Che voi añotỹ che kokuépe Israel yvýpe hoky porã hag̃ua ha che po rembiapo chemomba’eguasu hag̃ua.

Isaías 61:3

ha umi Jerusalengua ojepy’apy asývape ame’ẽukáta iñakã jeguakarã, tanimbu rãngue; acéite ryakuã porã, jahe’o rãngue; ahoja tory rehegua, jepy’apy rãngue; hérata tajy justícia rehegua, Ñanderuete oñotỹtava ohechauka hag̃ua heko jajaipáva.

Hagéo 1:8

Tapeho cérrope ha pegueru yvyra pemopu’ã jevy hag̃ua che rogaguasu, ha chepy’arory ha peẽ chemomba’eguasu jevýta, he’i pende Ruete.

Matéo 5:16

Péicha tohesape avei pende resape pende rapichakuéra apytépe, ohecha hag̃ua hikuái pene rembiapo porã ha omomba’eguasu hag̃ua pende Ruetépe oĩva yvagakuérape.

Matéo 5:44

Che katu ha’e peẽme: Pehayhu penderehe ija’e’ỹvape, ha peñembo’e umi pendeperseguíva rehe,

Matéo 9:8

Ohechávo péva hetãyguakuéra kyhyjepópe omomba’eguasuete Ñanderuetépe, ome’ẽ haguére peichagua pu’aka yvyariguakuérape.

Lúcas 6:35

Pehayhu katu penderehe ija’e’ỹvape, ha pejapo mba’eporã ichupekuéra g̃uarã, ha peiporuka ichupekuéra peha’ãrõ jevy’ỹre mba’eve, ha pehupityva’erã mba’e tuicháva ha oikóta pendehegui Yvatevéva ra’ykuéra, Ha’e voi ipy’a porã avei umi oagradece’ỹva ha umi iñañáva ndive.

Juan 13:35

Upéicharamo opavave oikuaava’erã peẽ che remimbo’eha, pejohayhúrõ.

Juan 15:5

Che ningo pe parral máta, ha peẽ ningo che rakãnguéra. Pe cherehe ojoajúva, ha Che hese, upévamante hi’a porã. Peẽ ndaikatúi pejapo mba’evete cherehe’ỹ.

Juan 8:31

Upéramo Hesu he’i umi Judaygua ojerovia ramóvape hese: Peẽ pepyta ramo che ñe’ẽme, añetehápe peẽ che remimbo’ekuéra.

1 Corintoyguakuérape 10:31

Pekaru ramo térã pey’u ramo, térã pejapo ramo ambue mba’e, pejapopa pemomba’eguasu hag̃ua Ñanderuetépe.

1 Corintoyguakuérape 6:20

Hepyete Ñanderuete pendejoguava’ekue, upévare pemomba’eguasu avei ichupe pende retepype.

Filipoyguakuérape 1:11

ha tapenerenyhẽ teko heko peguávagui, hi’a hetáva Hesu Crísto rupi, ñamomba’eguasu hag̃ua Ñanderuete reko jajaipa.

Títope 2:10

ani omonda, toñangareko porã uvei ijára mba’ére, ani hag̃ua avave oñe’ẽvai Ñanderuete ñe’ẽporãite rehe, tahembiapo porã uvei, ombojegua hag̃ua Ñanderuete ñe’ẽporã tembiapo porãite rupi.

Títope 2:5

ta’iñakãguapy ha’ekuéra, tahekopotĩ, toñangareko porã hóga ha hogayguakuéra rehe, toiko iména poguýpe, ani hag̃ua avave oñe’ẽvai Ñanderuete ñe’ẽ rehe.

1 Pédro 2:12

Peiko porã ha hekoitépe ambue tetãnguéra ojerovia’ỹva apytépe, ha oñe’ẽvai ramojepe hikuái penderehe mba’evai apohára ramo, ha’ekuéra ohechakuaáta pene rembiapo porã ha upévare omomba’eguasúta avei Ñanderuetépe upe ára Ha’e oútavape ñane’andu hag̃ua (Matéo 5,16).

1 Pédro 4:11

Oimérõ peteĩ ojeroviáva oñe’ẽ, toñe’ẽ Ñanderuete oñe’ẽrõ guáicha ha’érupi; oimérõ peteĩ ojeroviáva oporopytyvõ, toipytyvõ hapichápe Ñanderuete pu’aka rupi; opaite me’ẽmby rupi toñemomba’eguasúnte Ñanderuetépe, Hesu Crísto rupi. Imba’e ningo pe teko jajaipa ha pu’aka, ára atyguasukuéra rupi, taupéicha (amen).