Juan 15:6

Ñanderuete Ñe’ẽ Porã 2015

Pe opyta’ỹva chepype oñemombova’erã okápe yvyra rakã vaícha ipiru hag̃ua ha oñembyatypa rire katuete ojehapýta.

Referencias Cruzadas

2 Samuel 23:7

Upe opokoséva hese ojekutu, yvyra puku akuápemante ojeity oity hag̃ua tatápe.

Job 15:30

Nokañymo’ãi pe ára iñypytũhágui, pe tata rendy ombopiruva’erã hemitỹnguéra, ha omanova’erã Ñanderuete Pytu Porãite rupi.

Salmokuéra 80:15

Pe parral ra’y nde po akatúa oñotỹva’ekue, ha Nde voi remongakuaava’ekue hoky porã hag̃ua,

Isaías 14:19

Nde katu reñemombo mombyry nde tyvýgui, ku yvyra roky vaietéicha, ku kyse pukúpe ojejukava’ekuéicha ha ojepoiva’ekue pe tyvy ruguápe; ku te’õnguéicha oñepyrũmbava’ekue ha itápe ojejatypávaicha.

Isaías 27:10

Pe táva imbarete porãva oñembotaperéta, ha pe táva ojehejapa reíta, opytáta ku yvy perõváicha, upépe oñembyaty umi vaka ho’u hag̃ua yvyra rakã roguekuéra.

Ezequiel 17:9

Ere ichupekuéra: Péicha he’i pende Ruete: Osẽ porãnepa, nomondoromo’ãipa ichugui hapo, nombyaipamo’ãipa hi’a ha ndaipirumo’ãipa. Hogue hovyũ porãva ipirupaitéta; ha natekotevẽi heta kuimba’e pu’aka rehe oñemondoro hag̃ua hapokuéra.

Matéo 13:41

Yvyarigua Ra’y omondóta ijyvága rembiguaikuérape ombyaty ha omosẽ hag̃ua Ñanderuete retãguasúgui opaite umi oporomoñepysãngava’ekue ha hembiapo vaívape,

Matéo 27:5

Upémaramo Júdas omombo umi 2.000.000 guarani Ñanderuete rogaguasúpe ha osẽ upégui ha oho ojejuvy.

Matéo 3:10

Cháke, pe hácha oñemoĩma yvyra mátare: Opaite yvyra hi’a porã’ỹva ojeityva’erã ha oñemombova’erã tatápe.

Matéo 7:19

Opaite yvyra hi’a porã’ỹva katu, oñekytĩmbáta, ha oñemombóta tatápe.

Juan 15:2

Ha’e ningo ohakã’o opaite parral rakã hi’a’ỹva, ha opaite che rakã hi’áva Ha’e oikytĩ ha omopotĩ hi’ave hag̃ua.

hebreoyguakuerape 10:27

umía oha’ãrõva’erã kyhyjepópe pe ñembojovake ohundiva’erãva ichupekuéra tata rendýpe.

2 Pédro 2:20

Umi opoíva ijyvyarigua reko vaígui, oikuaa ha ojerovia Ñandejára Hesu Crístore, ha uperire ojevy jey ijyvyarigua reko vai rapére, pe heko paha ivaieteve pe iñepyrũguarégui.

1 Juan 2:19

Osẽ hikuái ñande apytégui, ndaha’éi ramojepe ñande reheguáva, ñande reheguáva rire, opytava’erãmo’ã ñande apytépe; osẽ uvei hikuái ojehecha hag̃ua ndaopavavéi ñande reheguaha.

Apocalípsis 20:15

Ha upe héra ojejohu’ỹva pe tekovete rehegua kuatiañe’ẽme oñemombova’erã pe lágo tataguiguápe.

Apocalípsis 21:8

Umi ipy’amirĩva, umi opiáva pende Ruete rapégui, umi heko ky’áva, umi oporojukáva, umi oikóva oñondive omenda’ỹre (heko ky’áva), umi paje apoha, umi omomba’eguasúva ambue jára ra’ãngápe ha opaite ijapúvape oñemombova’erã upe lágo tataguiguápe, hendyhápe avei azúfre, kóva ningo pe ñemano mokõiha.