Juan 15:4

Ñanderuete Ñe’ẽ Porã 2015

Pepyta chepype, upérõ che apytáta avei pendepype. Pe parral rakã ndaikatúi hi’a ijehegui rei, oĩ’ỹ ramo pe parral máta rehe, upéicha avei peẽ ndaikatúi pejapo mba’eve iporãva napeiméirõ chepype.

Referencias Cruzadas

Cantar de los cantáres 8:5

Jerusalen rajykuéra oñe’ẽ: Máva piko pe kuñataĩ oúva pe desiértogui, ojejokóva imborayhu jára rete rehe. Karia’y oñe’ẽ: Peteĩ manzána máta guýpe romombáy; upépe hasýkuri nde sy, nemonace hag̃ua.

Oséas 14:8

Efrain he’íta: Mba’épa che arekovéta ta’ãngakuéra reheve. Che, pende Ruete, ahendúta ha ama’ẽta hese, Che ha’éta ichupe g̃uarã cipres yvyra akýicha, chérupi hi’a porã jevýta.

Matéo 12:33

Upévare pe yvyra iporã ramo, hi’a porãva’erã; ha pe yvyra vai hi’a vaiva’erã; hi’a rupi ningo ojekuaa pe yvyra.

Lúcas 8:15

Umi mba’e ra’ỹi ho’ava’ekue yvy porãme ningo umi ipy’a porãva ha hekopeteguáva, oñongatu porãmba ipy’apýpe ohenduva’ekue guive ha hi’a porã paciéncia reheve.

Juan 14:20

Upe ára upévape peẽ peikuaa porãta Che aĩha che Ruetepype, ha peẽ peĩha (peimeha) chepype ha Che aĩha pendepype.

Juan 17:23

Che ipypekuéra ha Nde chepype, upéichamante oiko porã hag̃ua hikuái oñondive, ha yvyariguakuéra oikuaa hag̃ua Nde chembou hague, ha Nde rehayhuha ichupekuéra, Nde cherayhu háicha chéve.

Juan 6:56

Pe ho’úva che ro’o ha omboy’úva che ruguy, opyta chepype ha Che ipype.

Juan 8:31

Upéramo Hesu he’i umi Judaygua ojerovia ramóvape hese: Peẽ pepyta ramo che ñe’ẽme, añetehápe peẽ che remimbo’ekuéra.

Apostolkuéra 11:23

Kóva ohechávo Ñanderuete ohovasa porãha pe iglésia rembiapo, horyete ha ojerure asy hermanokuérape ojeroviave hag̃ua ipy’aite guive ohóvo Hesu Crísto rehe.

Apostolkuéra 14:22

Opárupi omokyre’ỹ hikuái hermanokuérape ha ohekombo’e ichupekuéra ojerovia mbareteve hag̃ua ohóvo, ha omombe’u porã avei ichupekuéra heta sufrimiénto (jehasa asy) rupi jaikeva’erã Ñanderuete retãguasúpe.

2 Corintoyguakuérape 13:5

Peitypeka (peheka) pende py’apy, peime porã piko térã nahániri pende jeroviápe, peñeha’ã porãke pendejupe. Ndapehechakuaái piko Hesu Crísto oĩha pendepype, ha ndaupéichai ramo ningo peẽ Hesu Crísto rehegua gua’u.

Galaciayguakuérape 2:20

Che añembokurusúmagui Hesu Crísto ndive, ndaikovéima che, Hesu Crísto oikógui chepype. Che aikove ramojepe che ro’ópe, aikove che jerovia rupi Ñanderuete Ra’y rehe, Ha’e cherayhúgui ha oñeme’ẽmava’ekue che aikove hag̃ua Ha’érupi.

Efesoyguakuérape 3:17

Hesu Crísto oiko hag̃ua pende py’apýpe pende jerovia rupi, ha pene mborayhu toñembohapo mbareteha tokakuaa porãve ohóvo,

Filipoyguakuérape 1:11

ha tapenerenyhẽ teko heko peguávagui, hi’a hetáva Hesu Crísto rupi, ñamomba’eguasu hag̃ua Ñanderuete reko jajaipa.

Colosayguakuérape 1:23

upévare pepyta hatãkena pende jeroviápe, peñemongu’e’ỹre akatúa ni asu gotýo, ha aníke peñemomombyry ichugui, ha ani pepoi Ñanderuete ñe’ẽ porãgui, ni pe esperánza Ha’e oguerumava’ekuégui peẽme. Ko evangélio pehendumava’ekue ha oñemyasãiva opaite yvy apére, che, Páblo, aiko ko evangélio rembiguái ramo, ha aipytyvõ oñemyasãive hag̃ua ohóvo.

Colosayguakuérape 1:27

Ichupekuéra Ñanderuete oikuaaukase mba’épa ko mba’e ñemi he’ise: Heko jajaipa ituicha ha iporãitéva ningo Hesu Crísto voi tetãnguérape g̃uarã, ha Ha’e pende esperánza pehupity hag̃ua avei heko jajaipa.

Colosayguakuérape 2:6

Peẽ peñemomba’e haguéicha Ñandejára Hesu Crísto rehe, upeichaite peiko avei ipype.

1 Tesalonicayguakuérape 3:5

Upévare, che ndachepu’akavéigui, aha’ãrõve hag̃ua amondo Timotéope, aikuaa hag̃ua mba’éichapa pehasa pende jeroviápe, ani hag̃ua (Satana) pendepy’ara’ã vaiete ha ore rembiapokue pende apytépe opyta rei.

hebreoyguakuerape 10:39

Ñande katu ndajapiaiva’erã pe tapégui ani hag̃ua ñañehundi, jajerovia katu jajesalva hag̃ua ha jahupity hag̃ua pe tekove tapia g̃uarãva.

1 Juan 2:6

Upe he’íva ipype oĩha, oikova’erã Ha’e oiko haguéicha avei.

2 Juan 1:9

Opaite umi ohasáva Hesu Crísto ñe’ẽgui amo gotyove, ndoguerekói Ñanderuete ipy’apýpe. Upe opytáva imba’epype, upéva katu oguereko Túva ha Ta’ýrape.