Juan 15:25

Ñanderuete Ñe’ẽ Porã 2015

Péicha ojehu oiko hag̃ua umi mba’e ojehaimava’ekue Ñanderuete kuatiañe’ẽme: Reiete oñemoĩ hikuái cherehe, (Salmokuéra 35,19).

Referencias Cruzadas

Salmokuéra 109:3

Chemongora hikuái ipy’aro opukaha vaípe, reiete chejopy hikuái.

Salmokuéra 35:19

Oñembohory rei umi cherehe ija’e’ỹva ha cherayhu’ỹva reiete oñembyesa’i cherehe.

Salmokuéra 69:4

Cherayhu’ỹva hetave che akã raguégui, ipu’akapave umi cherehe ija’e’ỹva, umi chehundiséva reiete og̃uahẽ che rendápe. Ha he’i hikuái amyengovia’arãha umi mba’e che namondaiva’ekue.

Salmokuéra 7:4

Amyengovia piko mba’evai rehe umi oiko porãva chendive, térãpa aipytyvõ gueteri umi chejopývape.

Matéo 10:8

pemonguera hasývape, pemoingove omanova’ekuépe, pemopotĩ ijai vaipávape (ilépravape), pemosẽ mba’epochykuérape kuimba’e ha kuñakuéragui; rei pehupityva’ekue, rei peme’ẽ jeyva’erã.

Lúcas 24:44

Ha Hesu he’i ichupekuéra: Ko’ãva ningo umi ñe’ẽ Che ha’eva’ekue peẽme, aime ramo gueteri penendive, oikopava’erã hekópe opaite umi mba’e ojehaiva’ekue guive cherehe Ñanderuete kuatiañe’ẽme, taha’e Moises rembiapoukapykuérape, profetakuérape térã Salmokuérape.

Juan 10:34

Hesu ombohovái ichupekuéra: Ndojehaíri piko pene rembiapoukapykuérape: Che ha’éma, peẽ ningo yvága jarakuéra.

Juan 13:18

Penderehe ningo Che nañe’ẽi’aína, Che ningo aikuaa porã voi umi aiporavova’ekuépe, oikopa hag̃ua katu Ñanderuete kuatiañe’ẽme ojehaíva ojehu opaite ko’ã mba’e: Pe ho’úva chendive pe pan, omopu’ã ipy opyvoi hag̃ua cherehe, (Salmokuéra 41,9).

Juan 19:36

Ko’ã mba’e ojehu oiko hag̃ua opaite mba’e ojehaiva’ekue Ñanderuete kuatiañe’ẽme: Ikanguekuéra noñemopẽmo’ãi, (Éxodo 12,46).

Romayguakuérape 3:19

Jaikuaa ningo Moises rembiapoukapykuéra iporãha umi hese oikóvape g̃uarãnte. Opavave juru oñembotyva’erã, oñemboheko vaipáguima Ñanderuete renondépe.

Romayguakuérape 3:24

Opavave oñemopotĩkuaánte Hesu Crísto rupi, Ñanderuete ipy’a porã haguére ha Hesu Crísto ñandejogua haguére (Satana pógui). Hesu Crísto ningo Ñanderuete jopói (regálo) opaite tetãyguakuérape g̃uarã.

2 Corintoyguakuérape 11:7

Térã piko añemohembiapo vai, añemomirĩ haguére peẽ peñembotuichave hag̃ua, ha amombe’u rei haguére peẽme Ñanderuete ñe’ẽ porãite.

Galaciayguakuérape 2:21

Che namboykéi Hesu Crísto mborayhu (ojehechaukámava iñemano rupi); añemboheko potĩse rire, ajapóvo Moises rembiapoukapy, Hesu Crísto omano reieteva’erãmo’ã chéve g̃uarã.

2 Tesalonicayguakuérape 3:8

ore ndoro’úi pene rembi’u jopói ramojepe, ore po rembiapo rupi ore rohupity ore rembi’u repy, ore romba’apo pohýigui ára ha pyharépe rohupity hag̃ua ore remikotevẽ ani hag̃ua orepohýi avavépe pende apytépe.

Apocalípsis 21:6

Ha he’ive chéve: Oikopáma, Che ningo ha’e pe “a” ha pe “zéta” pe ñepyrũ ha pe paha. Che amboy’úta pe ijy’uhéivape pe y yvuguigua oikovévagui, ha reiete Che ame’ẽta ko y kóva.

Apocalípsis 22:17

Pe Pytu Porãmbáva ha Ovechara’y rembireko ningo he’i: Eju. Ha pe ohendúva te’i: Eju. Ha upe ijy’uhéiva tou, ha upe oipotávape oñeme’ẽ reíta ichupe pe tekove rehegua y reiete, te’i avei: Eju.