Juan 15:19

Ñanderuete Ñe’ẽ Porã 2015

Peẽ peiko rire gueteri yvyariguakuéra oiko háicha, ha’ekuéra penderayhuva’erãmo’ã. Peẽ katu ndapeikovéima yvyariguakuéra oiko háicha, Che poiporavógui uvei yvyariguakuéra apytégui, upévare ha’ekuéra ndaija’éi penderehe, peẽ ndaha’evéimagui iñirũnguéra.

Referencias Cruzadas

Matéo 10:22

Ha opavave ndaija’eiva’erã penderehe che réra rayhupápe, ha upe ogueropu’akáva ipahaite peve, upéva ojesalvava’erã.

Matéo 24:9

Ha upérõ peẽ peñemyangekõi asýta, ha’ekuéra pendejukáta ha opaite tetãnguéra oñemoĩta penderehe che réra rehe.

Lúcas 6:32

Peẽ pehayhúnte ramo umi penderayhúvape, mba’eichagua agradecimiéntopa peha’ãrõ. Umi jukahára jepe ohayhu iñirũnguérape.

Juan 13:18

Penderehe ningo Che nañe’ẽi’aína, Che ningo aikuaa porã voi umi aiporavova’ekuépe, oikopa hag̃ua katu Ñanderuete kuatiañe’ẽme ojehaíva ojehu opaite ko’ã mba’e: Pe ho’úva chendive pe pan, omopu’ã ipy opyvoi hag̃ua cherehe, (Salmokuéra 41,9).

Juan 15:16

Peẽ ndacheporavói chéve, Che voi ningo poiporavova’ekue peẽme, ha Che pomondo peẽ pende’a hag̃ua, ha pende a opyta hag̃ua oñehundi’ỹre. Ha opaite mba’e peẽ pejeruréva Ñanderuetépe che rérape, Ha’e katuete ome’ẽta peẽme.

Juan 6:70

Hesu he’i ichupekuéra: Ndapoiporavói piko ra’e 12-pe, ha peteĩva pende apytépe peteĩ mba’epochy.

Tiágo 4:4

Peẽ peñemboykéva Ñanderuete rapégui, peiko ku tembireko opoimava’ekuéicha iménagui, oiko hag̃ua kuña reko vaícha; upe oikoséva ko múndo rayhupára ramo oikóta Ñanderuete rehe ija’e’ỹva ramo.

1 Pédro 4:3

Heta ára peikova’ekue voi yvyarigua rete rembipota vaípe, ku ojerovia’ỹvaicha Ñanderuete rehe, umíva ningo: Teko vai, mba’epota vai, ka’u, karuguasu, ka’u atyguasúpe ha ñemomba’eguasu avei jára gua’úpe.

1 Juan 3:12

Anítei jaiko Cain oiko haguéicha, ha’e ojuka ityvyrateépe oikógui aña poguýpe. Mba’érehepa ojuka ityvýrape. Cain ojuka Abélpe, Abel hembiapo porãgui, ha Cain hembiapo vaígui voi.

Apocalípsis 12:17

Ipochyeterei pe tejujagua pe kuña ndive, upévare oho oñorãirõ hag̃ua ambue iñemoñare ndive, umi ojapóva Ñanderuete rembiapoukapykuéra ha ojeroviáva Hesu Crísto rehe.

Apocalípsis 12:9

Ha oñemombo pe tejujaguaguasúpe yvy ape ári, oñembohéra avei pe mbói tuja, aña térã Satana ombotavýva tetãyguakuérape ha hendive oñemosẽ avei hi’angelkuéra ipytuvaikuérape.