Juan 15:16

Ñanderuete Ñe’ẽ Porã 2015

Peẽ ndacheporavói chéve, Che voi ningo poiporavova’ekue peẽme, ha Che pomondo peẽ pende’a hag̃ua, ha pende a opyta hag̃ua oñehundi’ỹre. Ha opaite mba’e peẽ pejeruréva Ñanderuetépe che rérape, Ha’e katuete ome’ẽta peẽme.

Referencias Cruzadas

Genesis 18:18

Abrahámgui oikóta tetã ndetuicha ha imbaretéva, ha’érupi opaite tetãnguéra ojehovasáta yvy apére.

Salmokuéra 145:4

Tuvakuéra tomomba’eguasu Ñanderuete rembiapokue ita’yrakuéra renondépe, tomombe’u ichupekuéra umi mba’e tuichaitéva Ha’e ojapova’ekue.

Salmokuéra 71:18

Chetujáma ningo ha che akã rague morotĩmbámarõ jepe, Nde, che Ruete, ani chereja rei, amombe’uve hag̃ua nde pu’aka ha ne mbaretekue che ñemoñarenguérape ha mayma ouva’erãvape.

Mga Kawikaan 11:30

Pe heko potĩva ningo ojogua yvyra oikovévape ha pe teko mbarete oporojuka.

Isaías 27:6

Og̃uahẽta pe ára Jacóbo oñembohapo jevýta, Israel hoky pyahu ha ipotýta, ha hi’akuégui omyenyhẽta ko yvy ape ári.

Miquéas 5:7

Upéramo Israel rembyre oikóta heta tetã apytépe Ñanderuete ysapyrõguáicha, ha ku amáicha ho’áva kapi’i ári ha ndoúiva yvyariguakuéra oipotágui.

Matéo 21:22

Opaite mba’e pejeruréva guive pene ñembo’épe, pejerovia ramo, pehupityva’erã katuete.

Matéo 7:7

Pejerure ha oñeme’ẽva’erã peẽme; peheka ha pejohuva’erã; pembota ha ojepe’ava’erã peẽme.

Lúcas 6:13

Ko’ẽmba rire Hesu ohenói hemimbo’ekuérape, ha ijapytégui oiporavo 12, ha oñembohéra ichupekuéra apostolkuéra (temimondo).

Juan 13:18

Penderehe ningo Che nañe’ẽi’aína, Che ningo aikuaa porã voi umi aiporavova’ekuépe, oikopa hag̃ua katu Ñanderuete kuatiañe’ẽme ojehaíva ojehu opaite ko’ã mba’e: Pe ho’úva chendive pe pan, omopu’ã ipy opyvoi hag̃ua cherehe, (Salmokuéra 41,9).

Juan 15:19

Peẽ peiko rire gueteri yvyariguakuéra oiko háicha, ha’ekuéra penderayhuva’erãmo’ã. Peẽ katu ndapeikovéima yvyariguakuéra oiko háicha, Che poiporavógui uvei yvyariguakuéra apytégui, upévare ha’ekuéra ndaija’éi penderehe, peẽ ndaha’evéimagui iñirũnguéra.

Juan 15:5

Che ningo pe parral máta, ha peẽ ningo che rakãnguéra. Pe cherehe ojoajúva, ha Che hese, upévamante hi’a porã. Peẽ ndaikatúi pejapo mba’evete cherehe’ỹ.

Juan 6:70

Hesu he’i ichupekuéra: Ndapoiporavói piko ra’e 12-pe, ha peteĩva pende apytépe peteĩ mba’epochy.

Apostolkuéra 1:24

Oñembo’évo he’i hikuái: Nde, ore Jára, reikuaa porãmba opavave py’apýpe oĩva guive, ehechaukamína oréve mávapepa ko’ã mokõigui Nde reiporavo,

Apostolkuéra 1:8

Opáichavo oñeme’ẽta peẽme pu’aka, ou vove pende’ári pe Pytu Porãmbáva, ha peẽ peikóta che rechaharekuéra ramo Jerusalénpe, opaite Juda departaméntope, Samáriape ha yvy rugua pahaite peve.

Apostolkuéra 10:41

Hesu Crísto ndojehechaukái opaite hetãyguakuérape, ore hechaharekuérapente, Ha’e oiporavo raẽva’ekue, ha rokaru ha roy’uva’ekue hendive, Ha’e oñemoingove rire omanova’ekue apytégui.

Apostolkuéra 22:14

Ha he’ive chéve: Ñanderuete ndeporavo reikuaa hag̃ua hembipota, ha rehecha hag̃ua pe Heko porãvape, ha rehendu hag̃ua iñe’ẽ ijuruteégui.

Apostolkuéra 9:15

Hesu katu ombohovái ichupe he’ívo: Tereho, Che aiporavóma ichupe che rembiporu ramo, ha’e omombe’u hag̃ua che réra ambue tetãme, tetã ruvichakuérape ha Israel ra’ykuérape.

Romayguakuérape 1:13

Che hermanokuéra ahayhúva ndaipotái ningo pepyta peikuaa’ỹre, che añeha’ãmbáma hague heta jevy poñandu hag̃ua, opáichavo ko’ág̃a peve máramo ndaikatúi, ahupity hag̃ua avei pende apytépe, che remiñotỹnguéra (frúto) ahupity haguéicha avei ambue tetãyguakuéra apytépe.

Romayguakuérape 1:5

Hesu Crísto rupi rohupitýma Ñanderuete poriahuvereko (grácia) ha ore, apóstol rembiapo romoherakuã pe salvacion rape opaite tetãnguérape ojerovia hag̃ua hese ha iñe’ẽrendu hag̃ua ichupe.

Romayguakuérape 15:4

Opaite umi mba’e yma guive oĩva Ñanderuete kuatiañe’ẽme ojehaiva’ekue ñanembo’e hag̃ua, okakuaa hag̃ua ñane paciéncia ha ñanemokyre’ỹ hag̃ua iñemoangapyhy rupi, aipórõ jajejoko hatãkena pe esperánza rehe.

Romayguakuérape 9:21

Pe ñay’ũre (tujúre) omba’apóva ikatu ojapo iñay’ũgui pe ha’e ojapose háicha; ojapokuaa peteĩ ñay’ũ pehẽnguégui peteĩ kambuchi ojeguapáva ha ambue kambuchi katu oime haichagua rei.

1 Corintoyguakuérape 10:11

Umi mba’e ningo ojehu ichupekuéra tembiechauka ramo, ha ojehai Ñanderuete kuatiañe’ẽme ñanembo’e ha ñandeavisa porã hag̃ua ñañemo’ag̃uímagui umi ára atyguasu paha gotýo.

Galaciayguakuérape 1:15

Ha hi’ãgui Ñanderuetépe, Ha’e cherenoiva’ekue ipy’aporã rupi chendive che sy rye guive,

Efesoyguakuérape 2:10

Ha’e ningo ñande Apohare ha Ha’e ñanemoingoveva’ekue Hesu Crísto rupi jajapo hag̃ua Ha’érupi ñane rembiapo porã, Ha’e ombosako’ipamava’ekue voi ñandepype, jajapokuaa hag̃ua ipu’aka rupi ñane rembiapo porã, ha jaguata hag̃ua ipype.

Colosayguakuérape 1:23

upévare pepyta hatãkena pende jeroviápe, peñemongu’e’ỹre akatúa ni asu gotýo, ha aníke peñemomombyry ichugui, ha ani pepoi Ñanderuete ñe’ẽ porãgui, ni pe esperánza Ha’e oguerumava’ekuégui peẽme. Ko evangélio pehendumava’ekue ha oñemyasãiva opaite yvy apére, che, Páblo, aiko ko evangélio rembiguái ramo, ha aipytyvõ oñemyasãive hag̃ua ohóvo.

Colosayguakuérape 1:6

Péva og̃uahẽma avei peẽme og̃uahẽ haguéicha ko yvy tuichakuépe. Ko Ñanderuete salvacion ñe’ẽ hi’a ha okakuaa porã opárupi ha péicha avei pende apytépe pe ára pehendu ha pejerovia guive añetehápe Ñanderuete perdon rehe.

1 Timotéope 2:7

Upevarã Ñanderuete chemoĩ amyasãi hag̃ua hemimondo ramo ko añetegua kóva; hi’añete pe che ha’éva, che ndachejapúi, che aiko hag̃ua Israel’ỹva mbo’ehára añeteguáva ramo, che ajeroviágui avei Hesu Crísto rehe.

2 Timotéope 1:11

Ha’e cherenói amyasãi ha ambo’e hag̃ua ko evangélio Israelgua’ỹvape hemimondo ramo.

2 Timotéope 2:2

Ha umi mba’e nde rehenduva’ekue che jurúgui, heta techahare rovake, péva eikuaauka kuimba’e ikatupyrývape ojerovia hag̃ua, ha’ekuéra ombo’ekuaa jevy hag̃ua ambuekuérape.

Títope 1:5

Che rohejava’ekue Crétape remoĩ porãmba ha reiporavo hag̃ua umi omyakãvape pe iglésia rembiapo (karai anciáno) opaite itávape, che ha’e haguéicha ndéve.

hebreoyguakuerape 11:4

Abel ojeroviágui oikuave’ẽ peteĩ kuave’ẽmby iporãvéva Caíngui, upévare Ñanderuete he’iva’ekue Abel rehe: Ha’eha peteĩ heko potĩva ha Ha’e ovy’a ikuave’ẽmby reheve. Koichagua jerovia porã rupi Abel oñe’ẽ gueteri (ñandéve), omanóma ramo jepe (Génesis 4,4; Matéo 23,25).

Tiágo 3:18

Ha umi oñeha’ãva ojeiko porã hag̃ua, toñotỹ py’aguapy omono’õ hag̃ua justícia (heko peguáva).

1 Pédro 3:15

Pemomba’eguasu uvei Ñanderuetépe pende py’apýpe, ha peñembosako’ipeína pembohovái hag̃ua opaite oporandúva peẽme pe jerovia perekóva rehe pende py’apýpe.

1 Pédro 3:2

iména oma’ẽ ha ohechakuaa hembireko oguataha teko potĩme kyhyjepópe Ñanderuete rape rehe.

1 Juan 4:10

Pe mborayhu añeteguáva ou Ñanderuetégui, ha péicha ojehechauka ñandéve: Nañande raẽi jahayhu Ñanderuetépe, Ha’e raẽ uvei ñanderayhu, omboúvo Ita’ýra operdona hag̃ua ñane rembiapo vaikue (angaipa).

1 Juan 4:19

Ñande ningo jahayhu ichupe, Ha’e raẽ ñanderayhúgui.