Juan 15:14

Ñanderuete Ñe’ẽ Porã 2015

Peẽ ningo che rayhupára, pejapórõ che rembipota.

Referencias Cruzadas

1 Réyes 4:5

Azarías, Natan ra’y, opyta mburuvichakuéra ruvicha ramo. Zabud, Natan ra’y, omoirũ tetã ruvichaguasúpe opaite hembiapópe ha hi’angirũ avei;

2 Réyes 18:6

Oiko hekoitépe Ñanderuete rembiapoukapýpe, Ñanderuete ome’ẽva’ekue Moises rupi.

2 Crónicas 20:7

Ore Jaratee, Nde remosẽva’ekue ko’ã tetãnguéra ne retã Israel renondégui, ha reme’ẽva’ekue ko yvy Abrahámpe ha ne angirũ (amígo) ñemoñarenguérape opaite árape g̃uarã.

Éxodo 7:6

Moises ha Aaron ojapopa Ñanderuete he’i haguéicha ichupekuéra.

Mga Kawikaan 18:24

Oĩ angirũ oiko’ỹva angirũ ramo; ha oĩ angirũ oiko porãvéva tyke’ykuéragui.

Cantar de los cantáres 5:1

Karia’y oñe’ẽ: Che ajúma che yvatýpe, nde che rembirekorãmi, amono’õma che mírra ha umi mba’e ryakuã porã; ha’úma che eíra, che víno ha che kamby. Pekaru joa che irũnguéra; che rayhupára pey’u ha peñemohyg̃uatã mborayhu reheve.

Isaías 41:8

Ha nde Israel, che rembiguái; nde Jacóbo, che aiporavomava’ekue; nde Abraham ñemoñare, Che rohayhu.

Jeremías 32:23

Ha’ekuéra oike ha oñemomba’e rire ko tetãre naiñe’ẽrenduvéi ha ndojapovéi ne rembiapoukapy he’i háicha; opaite mba’e Nde ereva’ekue ichupekuéra omboyke hikuái ha upévaguinte rembou hi’arikuéra opaite ko’ã mba’evai.

Ezequiel 12:7

Upéi che ajapopa oje’e haguéicha chéve; arakuépe aguenohẽ che rembiporukuéra, ha ka’arukuépe ambokua che po rupi pe táva tápia añembohape hag̃ua; ha asẽ pyharekuépe, aguerahávo umi che rembiporukuéra che ati’y ári hesakuéra renonde rupi.

Matéo 12:50

Oimeraẽ ojapóva che Ruete yvága pegua rembipota, upéva ningo che ryvy, che reindy ha che sy.

Lúcas 12:4

Che ningo ha’e peẽme, che pohayhúvape, ani pekyhyje umi ikatúva ojuka pende rete, péva rire ndaikatuvéima ojapo mba’eve ivaíva penderehe (ndaikatúi ojuka pende pytu porã).

Juan 13:17

Peikuaa ramo ko mba’e kóva, pevy’aitepeína pejapo ramo avei.

Juan 14:15

Peẽ cherayhu ramo, pejapóta avei che rembipota.

Juan 14:21

Upe oikuaáva che rembipota ha ojapóva avei, upéva ningo cherayhu añetehápe, ha upe cherayhúva, Ñanderuete ohayhuva’erã avei ichupe. Ha Che ahayhúvape ahechaukáta avei che mborayhu.

Juan 14:28

Pehendu ningo Che ha’éma hague peẽme: Aháta, aju jevy hag̃ua avei pene rendápe. Peẽ cherayhúrõ ningo pevy’aitéta ha’e haguére ahataha che Ruete rendápe, pe Túva ningo mba’eguasuve chehegui.

Juan 2:5

Hesu sy katu he’i upe óga jára rembiguaikuérape: Pejapopa, Hesu he’íva guive peẽme.

Tiágo 2:23

Ñanderuete kuatiañe’ẽ he’i voi: Abraham ojerovia haguére Ñanderuete rehe, Ha’e ohechakuaa ichupe heko porãva ramo, ha oñembohéra ichupe Ñanderuete rayhupára (amígo) (Génesis 15,6).

1 Juan 5:3

Kóva ningo Ñanderuete mborayhu, jajapo ramo hembiapoukapykuéra; ha hembiapoukapykuéra ndaipohýiri jajapo hag̃ua.

Rut 3:6

Upérõ Rut oho kokuépe; ha ojapopa Noemi he’i haguéicha ichupe.