Juan 15:11

Ñanderuete Ñe’ẽ Porã 2015

Ko’ã mba’e ko’ãva Che ha’éma peẽme che vy’a oĩ hag̃ua pendepype, ha penerenyhẽ hag̃ua vy’águi.

Referencias Cruzadas

Isaías 53:11

Hi’ánga ohasa asyete rire Ha’e ohecháta hembiapo hi’a porã, ha ovy’áta ikuave’ẽmby porã rupi. Ha’e, pe Heko potĩva omopotĩ heta yvyariguápe hembiapo vaígui ha umía Ha’e voi ogueraháta ijapére.

Isaías 62:4

Araka’evéma ndoje’eveimava’erã nderehe kuña ojepoíva, ha ne retã rehe ndoje’eveimava’erã oñemonadiva’ekue; reñembohérata katu che rembiguái, ha ne retãme che rembireko, Ñanderuete mborayhu oĩtagui ndepype, ha ne retã yvy katu oguerekótama iména.

Jeremías 32:41

Ha cheroryetéta che py’a ha che angaite guive ha ajapóta hesekuéra mba’e iporãva, ha añotỹta ichupekuéra ko yvy kóvape.

Jeremías 33:9

Upérõ Jerusalen chemomba’eguasúta ha omyasãita che réra opaite tetãnguéra yvy apére oĩva guivépe ha ohendupáta hikuái mba’eporãita Che ajapótava hesekuéra; ha okyhyjéta ha oryrýita hikuái ohendúvo opaite mba’e iporãva ha pe py’aguapy ame’ẽ jevýtava ichupekuéra.

Sofonías 3:17

Ñanderuete oĩhína nde apytépe, ipu’aka nemo’ãta, Ha’e ovy’áta nendive, nderayhúgui okirirĩta, vy’apópe osapukáita nderehe.

Lúcas 15:23

ha pegueru pe vaka ra’y ikyravéva ha pejuka, ja’u ha javy’apa joa hag̃ua.

Lúcas 15:32

Ko’ág̃a ningo javy’a ha ñanderoryva’erã, ko nde ryvy kóva ningo omanomava’ekue, ha péina oikove jeýma, okañyva’ekue ha péina ojejohu jey ichupe.

Lúcas 15:5

Ha ojohúvo ichupe ohupi vy’apópe ijati’y ári.

Lúcas 15:9

Ha ojohúvo ombyaty iñirũnguéra ha hóga ypy peguávape ha he’i ichupekuéra: Pevy’a chendive ajohu haguére che pláta pehẽnguemi okañyva’ekue chehegui.

Juan 16:24

Ko’ág̃a peve ne’ĩra pejerure mba’eve che rérape, pejerure katu ha pehupityva’erã, peẽ pevy’aite hag̃ua.

Juan 16:33

Ko’ã mba’e ko’ãva Che ha’éma peẽme, peẽ pendepy’aguapy hag̃ua chepype. Peẽ ningo pehasa asyva’erã ko yvy ape ári, pejerovia katu ko múndo kóva oĩmaha che poguýpe.

Juan 17:13

Ko’ág̃a ningo aháta ne rendápe ha añe’ẽmbáma ko’ã mba’e ne retãyguakuérape, ha’ekuéra oguereko hag̃ua avei opaite vy’a oĩva che py’apýpe.

Juan 3:29

Pe hembirekorãva, péva pe menarã; pe ohayhúva pe menarãme omoirũ ichupe ha ovy’a ohendu guive iñe’ẽ, ha pe vy’a péva che ahupitýma ko’ág̃a.

Romayguakuérape 15:13

Pe esperánza Ñanderuete ome’ẽva tomyenyhẽ pende jerovia, vy’águi ha py’aguapýgui, ha pende esperánza tokakuaave ohóvo Pytu Porãmbáva pu’aka rupi.

2 Corintoyguakuérape 1:24

Ore ndaha’éi pende jerovia jára, ore poipytyvõsénte pevy’ave hag̃ua pehóvo pende jeroviápe.

Efesoyguakuérape 5:18

Ha anítei peka’u, upéva ningo ogueru teko vai, penerenyhẽ uvei Pytu Porãmbávagui.

Filipoyguakuérape 1:25

Chéverõ g̃uarã, aikuaa apytavetaha pomoirũ ha poipytyvõve hag̃ua, ha upéicha peẽ pevy’ave hag̃ua pende jerovia Hesu Crísto rehe.

1 Tesalonicayguakuérape 5:16

Pevy’a tapiákena.

1 Pédro 1:8

Peẽ ndapehechái ramo jepe Hesu Crístope, pejerovia hese, pehayhu ichupe ha pemomba’eguasu ichupe vy’a tuicha reheve, ndaikatúiva ja’e yvy arigua ñe’ẽ rupi ha peẽ penerenyhẽ heko jajáigui,

1 Juan 1:4

Ha ko’ã mba’e ningo rohai peẽme ko kuatiañe’ẽ kóvape, javy’aite hag̃ua oñondive.

2 Juan 1:12

Heta mba’e arekove ramojepe amombe’uveva’erã peẽme, ndahaiséi katu kuatiárente, aha’ãrõse aha ramog̃uarã pene rendápe, ha oñondive ñañe’ẽ hag̃ua, javy’a porã hag̃ua oñondive.