Juan 15:1

Ñanderuete Ñe’ẽ Porã 2015

Che ningo pe parral máta añeteguáva, ha che Ruete ningo pe parral máta rehe oñangarekóva.

Referencias Cruzadas

Cantar de los cantáres 7:12

Pyhareve ñapu’ã oñondive jaha hag̃ua parraltýpe, jahecha hag̃ua hokýpa umi parral, ha ipotýpa umi granáda, upépe ame’ẽta ndéve che mborayhu.

Isaías 4:2

Upe ára upévape Ñanderuete ombohokýta hakã porã ojajaipáva, ha Israel retã oñembotuicháta ha oñemoherakuã porãta, ombovy’a hag̃ua Israelguakuéra hembýva guivépe.

Isaías 60:21

Ha opaite ne retãygua reko ipotĩta, ha opaite árape oikóta ijyvyteépe; Che voi añotỹ che kokuépe Israel yvýpe hoky porã hag̃ua ha che po rembiapo chemomba’eguasu hag̃ua.

Isaías 61:3

ha umi Jerusalengua ojepy’apy asývape ame’ẽukáta iñakã jeguakarã, tanimbu rãngue; acéite ryakuã porã, jahe’o rãngue; ahoja tory rehegua, jepy’apy rãngue; hérata tajy justícia rehegua, Ñanderuete oñotỹtava ohechauka hag̃ua heko jajaipáva.

Jeremías 12:10

Heta tetã ruvicha ombyaipava’ekue che parralty (che retã), opyrũmba che kokue rehe ha ojapo hikuái che yvy porãitégui yvy perõ ha tapere.

Jeremías 2:21

Che voi roñotỹva’ekue parral poravopyréicha, opaite parral iporãvéva apytégui; ha mba’éicha rupípa oiko ndehegui parral hoky ambuéva.

Ezequiel 19:10

Nde sy ojogua parral oñeñotỹva’ekuépe y rembe’ýpe, hoky ha hi’a heta oĩgui y rembe’ýpe.

Oséas 10:1

Israel peteĩ parralty tuicha porãva, hi’a porã ijupe g̃uarãnte, ha hi’ave ohóvo, ombohetave avei ikuave’ẽmby rendakuéra ha ikokue hi’a porãve ohóvo, omopu’ãve avei umi Baal ra’ãngakuéra.

Zacarías 3:8

Ejapysaka ko’ág̃a, pa’iguasu Josue, nde ha ne irũnguéra ne renondépe oguapýva, peẽ, kuimba’ekuéra peikóta techaukahára ramo. Peikuaa porãke, Che aguerúta che rembiguaiguasurã (hérava) Hoky Pyahúva (Hesu Crísto).

Matéo 15:13

Ha Hesu he’i: Umi yvyra che Ruete noñotỹiva’ekue guive, oñemondorova’erã.

Matéo 20:1

Ñanderuete retãguasu ningo ojoguaite ku óga járape osẽva ko’ẽjúvo oheka umi omba’apótava iparraltýpe.

Matéo 21:33

Pehendumi ko ambue ñe’ẽ mbojoja: Oiko peteĩ kuimba’e óga jára ha oñotỹ peteĩ parralty, omongorapa, ojapo peteĩ yvykua oñami hag̃ua iparral’a, omopu’ã óga yvate, oheja imba’apohára pópe ha oho mombyry.

Márcos 12:1

Ha Hesu oñepyrũ oñe’ẽ ichupekuéra ñe’ẽ mbojoja rupi: Peteĩ kuimba’e oñotỹ parralty, omongora pe parralty, ojo’o peteĩ parral’a rykue’o rendag̃ua oñami hag̃ua parral’akuéra, omopu’ã óga yvate, oiporuka pe parralty mba’apoharakuérape, ha oho mombyry, ambue tetãme.

Lúcas 13:6

Upérõ Hesu omombe’u ko ñe’ẽ mbojoja kóva: Peteĩ kuimba’e oñotỹ peteĩ hígo máta iparraltýpe. Uperire ou omono’õ hag̃uáicha hi’akuéra, ndojohúi katu mba’evete.

Juan 1:17

Umi tembiapoukapykuéra oñeme’ẽva’ekue Moises rupi, pe jeporiahuvereko ha pe añetegua katu oñeme’ẽ Hesu Crísto rupi.

Juan 1:9

Pe Ñe’ẽ ningo pe Tesape añeteguáva, ouva’ekue ko yvy ape ári ohesape hag̃ua opavave kuimba’e ha kuñáme.

Juan 15:2

Ha’e ningo ohakã’o opaite parral rakã hi’a’ỹva, ha opaite che rakã hi’áva Ha’e oikytĩ ha omopotĩ hi’ave hag̃ua.

Juan 6:32

Upémaramo Hesu he’i ichupekuéra: Añetehápe, añetehápe, Che ha’e peẽme: Moises ningo nome’ẽiva’ekue peẽme pe pan yvagaguiguáva, che Ruete katu ome’ẽhína peẽme pe pan añetegua yvagaguiguáva.

Juan 6:55

Che ro’o ningo pe tembi’u añeteguáva, ha che ruguy pe ñemboy’u añeteguáva.

Romayguakuérape 11:17

Oñekytĩ’o ramo mbovymi olívo yvyra rakã ijyvyra mátagui ha nde ramo pe olívo rakã ka’aguyguigua oñemoĩva’ekue hendaguépe, eikuaa porãke, nde reikoveha ko olívo máta rykuere porãitégui,

1 Corintoyguakuérape 3:9

Ore, Ñanderuete rembiguáinte, ha peẽ, Ñanderuete kokue, peẽ ningo Ñanderuete iglésia.

1 Juan 2:8

Upéicharamo jepe ahai peteĩ tembiapoukapy pyahu, kóva hi’añete ipype ha pendepype; pe pytũ ningo ohasáma ha pe tesape añeteguáva ohesapéma, (Juan 13,34).