Juan 14:6

Ñanderuete Ñe’ẽ Porã 2015

Hesu he’i ichupe: Che ningo pe tape, pe añetegua ha pe tekovete, avave ndaikatúi og̃uahẽ che Ruete rendápe cherehe’ỹ. Cherupímante uvei ikatu oñeg̃uahẽ Ñanderuete rendápe.

Referencias Cruzadas

Matéo 11:27

Opaite mba’e, che Ruete omoĩmba che pópe. Avave ndoikuaái pe Ta’ýrape, pe Túva añómante; ha avave ndoikuaái pe Túvape, pe Ta’ýra añómante ha pe Ta’ýra oikuaaukasévape avei.

Juan 1:14

Ha pe Ñe’ẽ oñemboho’o ha oikóma ñande apytépe kuimba’e ramo, ha ore rohecha heko jajaipa, Ñanderuete Ra’y peteĩetéva reko jajaipa, henyhẽva jeporiahuvereko (mborayhu) ha añeteguágui.

Juan 1:17

Umi tembiapoukapykuéra oñeme’ẽva’ekue Moises rupi, pe jeporiahuvereko ha pe añetegua katu oñeme’ẽ Hesu Crísto rupi.

Juan 1:4

Ipype oĩva’ekue pe Tekove, ha pe Tekove ningo umi kuimba’e ha kuñakuéra Resapehára.

Juan 10:28

Ha Che ame’ẽ ichupekuéra tekove tapia g̃uarãva, ha noñehundimo’ãi máramo, ha avavete ndoipe’amo’ãi ichupekuéra che pógui.

Juan 10:7

Upérõ Hesu he’i jevy ichupekuéra: Añetehápe, añetehápe, ha’e peẽme: Che ningo pe okẽ ovechakuéra ohasa hag̃ua.

Juan 10:9

Che ningo pe okẽ, oimeraẽva chérupi oikéva pe okẽ rupi ojesalváta ha hekove pukukue javeve ojehúta umi mba’e oikotevẽva oikove hag̃ua.

Juan 14:19

Ndahi’arevéima yvyariguakuéra ndacherechamo’ãvéi, peẽ katu cherecháta, Che aikovégui peẽ peikovéta avei.

Juan 15:1

Che ningo pe parral máta añeteguáva, ha che Ruete ningo pe parral máta rehe oñangarekóva.

Juan 18:37

Upéramo Piláto he’i Hesúpe: Péicha ramo piko Nde avei peteĩ tetã ruvicha. Hesu ombohovái ichupe: Peichaite, Che ningo peteĩ tetã ruvicha. Pévarã Che anaceva’ekue ha aju ko yvy ape ári amombe’u hag̃ua pe añetegua. Ha opaite umi ohayhúva guive pe añetegua, cherenduva’erã.

Juan 5:21

Pe túva omoingove jevy háicha omanova’ekuépe, peichaite avei Ita’ýra, Ha’e omoingove avei Ha’e oipotávape guive.

Juan 6:33

Ñanderuete pan ningo oguejyva’ekue yvágagui ha ome’ẽ pe tekove añetéva tetãyguakuérape.

Juan 6:51

Che ningo pe pan oporomoingovéva ha oguejyva’ekue yvágagui, upe ho’úva ko pan oikovéta tapiaite, ko pan che ame’ẽtava yvyariguakuéra rekoverã rehehápe, che ro’oite voi ningo.

Juan 6:57

Chembou haguéicha che Ruete oikovéva, ha Che aikove háicha che Ruete rupi, upéicha avei pe che retégui ho’uva, oikovéta avei chérupi.

Juan 6:68

Simon Pédro katu he’i ichupe: Ore Jára, máva rendápe piko rohóta. Ne ñe’ẽ ningo oporomoingovéva tapia g̃uarã,

Juan 8:32

Ha peikuaáta pe añetegua, ha pe añetegua penemosãsóta Satana rembiguaikuéra poguýgui.

Juan 8:51

Añetehápe, añetehápe, ha’e peẽme: Upe ojapóva che ñe’ẽ máramo nomanoiva’erã, oikoveva’erã uvei tapia g̃uarã.

Apostolkuéra 3:15

ha pejuka pe tekove Járape, Ñanderuete katu omoingove jevy ichupe omanova’ekue apytégui, ha ore ningo opaite ko’ã mba’e rechaharekuéra.

Apostolkuéra 4:12

Ambue rupi ndaipóri salvacion, ndaipórigui ambue téra ára guýpe ikatuva’erãva rehe jajesalva.

Apostolkuéra 9:2

ha’e ome’ẽ hag̃ua ichupe peteĩ kuatiañe’ẽ Ñanderuete rogakuéra Damásco peguápe g̃uarã, opersegui hag̃ua avei umi oguatávape Hesu Crísto rapére, oapresa ha ogueru hag̃ua jepokuapýpe kuña ha kuimba’ekuérape Jerusalénpe.

Romayguakuérape 15:16

Hi’ári ningo che, Hesu Crísto rembiguái, amyasãi hag̃ua Ñanderuete Evangélio peteĩ pa’i porã ramo tetã ambueyguakuérape, ha’ekuéra oiko hag̃ua kuave’ẽmby ramo oñemboheko porãhína Pytu Porãmbáva rupi Ñanderuetépe g̃uarã, (Romayguakuérape 12,1-2).

Romayguakuérape 5:2

Hesu Crísto rupi ñande jahupitýma Ñanderuete poriahuvereko jopói, jajeroviágui hese, ha ñaime hatã ipype, ha javy’a jahupitytaha rehe avei Ñanderuete reko jajaipa.

Romayguakuérape 5:21

Ha pe angaipa ombopoguy haguéicha tetãyguakuéra rekove, oguerúvo ichupekuéra pe ñemano, péicha ko’ág̃a Ñanderuete mborayhu ombopoguy pe ñemano pu’aka omboheko potĩ hag̃ua, ha ome’ẽ ñandéve jeikove tapia g̃uarãva, Ñandejára Hesu Crísto rupi.

1 Corintoyguakuérape 15:45

Upéicha ojehaiva’ekue pe Adan peteĩha oñemoingove peteĩ ánga oikóva reheve, pe Adan ipaha pegua katu Pytu Porã oporomoingovéva reheve.

Efesoyguakuérape 2:18

Hesu Crísto rupi mokõivéva og̃uahẽ peteĩ Pytu Porãmbávape Ñanderuete rendápe.

Colosayguakuérape 2:17

Opaite ko’ã mba’e ningo ouva’erãva’ekue ta’ãngánte, Hesu Crísto katu pe tete añeteguáva.

Colosayguakuérape 2:9

Hesu Cristopype ningo oĩ avei opaite Ñanderuete reko.

Colosayguakuérape 3:4

Hesu Crísto ningo ñande rekove, ha Ha’e ouha ára pejupáta avei hendive Hesu Crísto rekojajaipa rendápe.

hebreoyguakuerape 7:25

Upévare Ha’e ikatu osalva avei tapia g̃uarã umi og̃uahẽvape, Ha’érupi, Ñanderuete rendápe. Hesu Crísto oikovégui tapia g̃uarã, ha’e oñembo’e iñermanokuéra rehe Ñanderuetépe.

hebreoyguakuerape 9:8

Ko’ã mba’e rupi pe Pytu Porãmbáva oikuaaukase pe tape pe tenda heko potĩete añeteguávape (he’ise Ñanderuete rendápe) ne’ĩrava gueteri ojehechauka, oĩ aja pe óga jojohuha.

1 Pédro 1:21

Hesu Crísto rupi pejerovia Ñanderuete rehe, Ha’e voi omoingove jevy ichupe omanova’ekue apytégui, ha ome’ẽ ichupe teko jajaipáva, upéicha Ha’érupi peñemoĩ avei jeroviapópe Ñanderuete pópe ha peha’ãrõ Ha’e ojehechaukaha ára peve.

1 Pédro 2:4

Peñemboja Hesu Crísto rehe, Ha’e voi ningo pe itaguasu oikovéva, tetãyguakuéra omboykemava’ekue ovale’ỹvaicha, Ñanderuete katu oiporavo ichupe (omopu’ã hag̃ua hi’ári ijiglésia).

1 Pédro 3:18

Hesu Crísto ohasa asyeteva’ekue peteĩ jevy (ñane) angaipa rehehápe, pe Heko porãitéva ñane angaipavóra rehehápe, ñandegueraha hag̃ua Ñanderuete rendápe; añetehápe ho’o omano, Ipytu Porã katu oñemoingove jevy.

1 Juan 1:8

Ja’érõ nañaneangaipaiha, ñande ñañembotavy ñandejupe voi, ha ñandepype ndaipóri pe añetegua.

1 Juan 2:23

Opaite ombotovéva pe Ta’ýrape (Hesu Crístope) ndoguerekói avei pe Túva. Ha pe omboajéva pe Ta’ýrape upéva omoañete avei pe Túvape.

1 Juan 5:20

Jaikuaa ningo Ñanderuete Ra’y ou hague, ha ome’ẽ ñandéve akã porã ñande jaikuaa hag̃ua pe Añeteguávape, ha ñande ñaĩ pe Añeteguavapype, he’ise Ñanderuete Ra’y Hesu Crístopype. Ha’e Ñandejára Añeteguáva ha pe tekove tapia g̃uarãva.

1 Juan 5:6

Hesu Crísto ningo ouva’ekue y ha tuguy rupi, nda’y añói rupi, y ha tuguy rupi uvei. Ha pe Pytu Porãmbáva ningo oikuaauka péva, pe Pytu Porãmbáva ha’égui pe añetegua.

2 Juan 1:9

Opaite umi ohasáva Hesu Crísto ñe’ẽgui amo gotyove, ndoguerekói Ñanderuete ipy’apýpe. Upe opytáva imba’epype, upéva katu oguereko Túva ha Ta’ýrape.

Apocalípsis 1:5

ha Hesu Crístogui, pe techahare heko peguáva ha pe oiko jey tenonde omanóva apytégui ha pe oikóva yvy ruvichaitevéva ramo tetã ruvichakuéra apytépe. Ha’e voi ningo ñanderayhuvahína ha ñandejoheiva’ekue ñane angaipágui huguytee rupi.

Apocalípsis 19:11

Upéi che, Juan, ahecha pe yvága ojepe’a ha péina ou peteĩ kavaju morotĩ ha pe oguapýva hi’ári oñembohéra Hekopetegua (fiel) ha Añeteguáva, Ha’e ningo oporombojovake hekoitépe ha oñorãirõhína.

Apocalípsis 20:15

Ha upe héra ojejohu’ỹva pe tekovete rehegua kuatiañe’ẽme oñemombova’erã pe lágo tataguiguápe.

Apocalípsis 22:1

Upéi pe yvága rembiguái ohechauka chéve pe ysyry oporomoingovéva, hesakãva ita veráicha, osẽva Ñanderuete ha Ovechara’y guapyhaguasúgui.

Apocalípsis 22:17

Pe Pytu Porãmbáva ha Ovechara’y rembireko ningo he’i: Eju. Ha pe ohendúva te’i: Eju. Ha upe ijy’uhéiva tou, ha upe oipotávape oñeme’ẽ reíta ichupe pe tekove rehegua y reiete, te’i avei: Eju.

Apocalípsis 3:14

Ehai Laodicéa iglésia rembijokuáipe g̃uarã: Péicha he’i pe Amen, pe Techahare heko peguáva ha añeteguáva, pe Ojapóva Ñanderuete rembiapo tenonde peguáva.

Apocalípsis 3:7

Ehai pe Filadélfia iglésia rembijokuáipe g̃uarã: Péicha he’i pe Heko Porãitéva, pe Añeteguáva, pe oguerekóva tetã ruvicha guasu David lláve, oipe’áva pe okẽ ha avave ndaikatúiva omboty, Ha’e omboty rire avave ndaikatúi oipe’a jey.