Juan 14:4

Ñanderuete Ñe’ẽ Porã 2015

Peẽ ningo peikuaa voi moõpa Che aháta, ha peikuaa avei pe tape.

Referencias Cruzadas

Lúcas 24:26

Pe Crísto ningo ohasa asy raẽva’erã voínte kuri opaite ko’ã mba’e ha uperire ae oike hag̃ua heko ojajaipápe.

Juan 10:9

Che ningo pe okẽ, oimeraẽva chérupi oikéva pe okẽ rupi ojesalváta ha hekove pukukue javeve ojehúta umi mba’e oikotevẽva oikove hag̃ua.

Juan 12:26

Oime ramo cheserviséva tou che rapykuéri, ha Che aimeháme upépe oĩva’erã avei che rembiguái, umi cheservívape che Ruete ombotuichava’erã.

Juan 13:3

Ha Hesu oikuaávo Ñanderuete omoĩmba hague opaite mba’e ipópe, ha Ha’e ou hague Ñanderuetégui ha hendápe oho jevytamaha,

Juan 14:2

Che Ruete rekohápe oĩ heta óga, upeicha’ỹ rire ha’eva’erãmo’ã peẽme, ko’ág̃a katu aháta ambosako’i hag̃ua pene rogarã.

Juan 14:28

Pehendu ningo Che ha’éma hague peẽme: Aháta, aju jevy hag̃ua avei pene rendápe. Peẽ cherayhúrõ ningo pevy’aitéta ha’e haguére ahataha che Ruete rendápe, pe Túva ningo mba’eguasuve chehegui.

Juan 14:3

Ha Che aha rire ha ambosako’ipa rire avei, aju jevýta pene rendápe pogueraha hag̃ua chendive, peẽ peiko hag̃ua avei che aikohápe.

Juan 14:5

Upérõ Tomas he’i Hesúpe: Ore Jára, ndoroikuaái ningo moõpa rehóta, mba’éicharupi piko ikatu roikuaa porã pe tape.

Juan 16:28

Che voi asẽ Ñanderuetégui, aju hag̃ua ko yvy ári, ha aheja jevýta ko múndo kóva, aha hag̃ua che Ruete rendápe.

Juan 3:36

Pe ojeroviáva Hesu Crísto rehe oikove tapia g̃uarã, upe iñe’ẽrendu’ỹva Hesu Crístope katu ndohechamo’ãi pe tekove tapia g̃uarãva, Ñanderuete ñemyrõ ha ijehavirarã (icastigorã) ndojeimo’ãi ichugui.

Juan 6:40

Kóva ningo che Ruete rembipota, opavave ohecháva guive Ita’ýrape ha ojeroviáva guive hese oguerekóma pe tekove añeteguáva ko ára atyguasúpe ha Che amoingove hag̃ua ichupekuéra pe ára pahápe.