Juan 14:19

Ñanderuete Ñe’ẽ Porã 2015

Ndahi’arevéima yvyariguakuéra ndacherechamo’ãvéi, peẽ katu cherecháta, Che aikovégui peẽ peikovéta avei.

Referencias Cruzadas

Juan 11:25

Upérõ Hesu he’i ichupe: Che ningo pe jeikove jevy ha pe tekovete. Oimeraẽ ojeroviáva guive cherehe, omano ramojepe, oikove jevyva’erã.

Juan 12:35

Ha Hesu ombohovái ichupekuéra: Pe Tesape ndahi’aremo’ãvéima pende apytépe. Upévare peguata, peguereko aja pe tesape, ha ho’a mboyve pe pytũ pende’ári, ha upe oguatáva pytũnguýpe ndoikuaái moõ rupípa oguatáta.

Juan 13:33

Che ra’ykuéra ndachearemo’ãvéi penendive, peẽ cherekáta avei, Che ha’e haguéicha ambue Judayguakuérape: Che ahatahápe peẽ ndaikatúi peho chendive, ko ñe’ẽ kóva ambohasáta ko’ág̃a avei peẽme.

Juan 14:6

Hesu he’i ichupe: Che ningo pe tape, pe añetegua ha pe tekovete, avave ndaikatúi og̃uahẽ che Ruete rendápe cherehe’ỹ. Cherupímante uvei ikatu oñeg̃uahẽ Ñanderuete rendápe.

Juan 16:16

Ndahi’aremo’ãi ha peẽ ndacherechamo’ãvéi, ha ndahi’aréi jevy rire peẽ cherecha jevýta.

Juan 16:22

Upéicha ojehu avei penendive ko’ág̃a, penemba’embyasypeína. Og̃uahẽta katuete pe ára aju jevytaha, upéramo pende py’apy henyhẽta vy’águi, ha avave ndaikatumo’ãi oipe’a jevy pendehegui.

Juan 6:40

Kóva ningo che Ruete rembipota, opavave ohecháva guive Ita’ýrape ha ojeroviáva guive hese oguerekóma pe tekove añeteguáva ko ára atyguasúpe ha Che amoingove hag̃ua ichupekuéra pe ára pahápe.

Juan 7:33

Hesu katu he’i: Ndachearemo’ãvéima penendive, upéi aha jevýta chembouva’ekue rendápe.

Juan 8:21

Ko’ã mba’e rire Hesu he’i jevy ichupekuéra: Che ningo aháta, ha peẽ cherekáta, ha pemanóta pende reko vaípe ha pene angaipápe. Che ahatahápe, peẽ ndaikatumo’ãi peho.

Apostolkuéra 10:41

Hesu Crísto ndojehechaukái opaite hetãyguakuérape, ore hechaharekuérapente, Ha’e oiporavo raẽva’ekue, ha rokaru ha roy’uva’ekue hendive, Ha’e oñemoingove rire omanova’ekue apytégui.

Romayguakuérape 5:10

Ñande ñañemoĩva’ekue ramojepe Ñanderuete rehe, Hesu Crísto ñanemoĩ porãma iñemano rupi Itúva ndive. Ha Ñanderuete omoingove jevy haguére Hesu Crístope omanova’ekue apytégui, Ha’e ñanemoingove jevýta avei omanova’ekue apytégui. Ha’e ñanemopotĩva’ekue jaikove hag̃ua tapia Hesu Crísto ha Ñanderuete ndive yvágape.

Romayguakuérape 8:34

Máva piko ikatu ocondena ichupekuéra. Hesu Crísto piko, Ha’e voi ningo omanova’ekue hendaguepekuéra, ha oikove jevy avei, ha oguapyhína avei Ñanderuete akatúape, ha ojerurevahína avei ñanderehe.

1 Corintoyguakuérape 15:20

Jaikuaa porã katu Ñanderuete omoingove hague Hesu Crístope omanova’ekue apytégui; Ha’e oikove jevy hag̃ua tenonderãitépe ichupe, omanova’ekue apytégui, koga’a peteĩha ramo.

1 Corintoyguakuérape 15:45

Upéicha ojehaiva’ekue pe Adan peteĩha oñemoingove peteĩ ánga oikóva reheve, pe Adan ipaha pegua katu Pytu Porã oporomoingovéva reheve.

hebreoyguakuerape 7:25

Upévare Ha’e ikatu osalva avei tapia g̃uarã umi og̃uahẽvape, Ha’érupi, Ñanderuete rendápe. Hesu Crísto oikovégui tapia g̃uarã, ha’e oñembo’e iñermanokuéra rehe Ñanderuetépe.

Apocalípsis 20:4

Ha ahecha guapyhaguasukuéra ha oguapy hikuái hi’arikuéra, ha oñeme’ẽ ichupekuéra pu’aka oporombojovake hag̃ua; ha ahecha umi oñe’akã’ova’ekue ánga ojerovia haguére Hesu Crístore ha omyasãi haguére Ñanderuete ñe’ẽ, umiva nomomba’eguasuiva’ekue upe mymbápe térã ha’ãngápe, ha ndohejáiva’ekue oñemoĩ upe mymba márca isyva térã ipo rehe; ko’ãva oikove jevy ha oisãmbyhy hikuái Hesu Crísto ndive 1.000 áño pukukue.