Juan 14:16

Ñanderuete Ñe’ẽ Porã 2015

Ha Che ajeruréta che Ruetépe, Ha’e ombou hag̃ua ambue Pytyvõhára (Pytu Porãmbáva) pene rendápe, Ha’e opyta hag̃ua tapia g̃uarã penendive.

Referencias Cruzadas

Matéo 28:20

Ha pembo’e ichupekuéra ojapo hag̃ua opaite mba’e Che ha’eva’ekue peẽme pejapo hag̃ua. Ha peikuaa porãke, Che aĩha penendive opaite ára opa peve ko ára atyguasu (ko múndo).

Juan 14:14

Peẽ pejerure ramo che rérape, Che ajapova’erã.

Juan 14:18

Che ndapohejamo’ãi tyre’ỹ peẽme, aju jevýta pene rendápe.

Juan 14:26

Pe Pytyvõhára, pe Pytu Porãmbáva, Ñanderuete omboútava pene rendápe che rérape, Ha’e penembo’éta opaite mba’e, ha penemomandu’áta opaite umi mba’e Che ha’emava’ekue peẽme.

Juan 15:26

Ouva’erã pene Pytyvõhára, pe Pytu Porãmbáva, che Ruete omboútava pene rendápe, Ha’e chembotuicháta pende apytépe ha opytáta che rechahare ramo.

Juan 16:22

Upéicha ojehu avei penendive ko’ág̃a, penemba’embyasypeína. Og̃uahẽta katuete pe ára aju jevytaha, upéramo pende py’apy henyhẽta vy’águi, ha avave ndaikatumo’ãi oipe’a jevy pendehegui.

Juan 17:15

Ndajeruréi Nde reipe’a hag̃ua ichupekuéra ko yvy árigui, ajerure uvei Nde reñangareko hag̃ua hesekuéra mba’evaígui (Añagui).

Juan 17:20

Ndajeruréi katu hesekuéra añónte, ajerure avei umi ojeroviátava nderehe iñe’ẽnguéra rupi.

Juan 4:14

Upe hoy’úva pe y oporomoingovéva Che ame’ẽtavagui ndaijy’uheivéima araka’eve. Pe y Che ame’ẽtava oporomoingovégui tapia g̃uarã.

Juan 7:39

Ko’ã mba’e Hesu he’i pe Pytu Porãmbáva rehe, oñeme’ẽva’erãva opaite ojeroviávape guive añetehápe hese. Hesu he’ívo ko’ã ñe’ẽ, pe Pytu Porãmbáva ne’ĩra ou, Hesu Crísto noñemboheko jajáigui gueteri.

Apostolkuéra 1:4

Ha oñembyatypa jave hemimbo’ekuéra Hesu he’i ichupekuéra: Ani hag̃ua osẽ Jerusaléngui Ñanderuete ombou peve pe Pytu Porãmbáva, Ha’e oprometemava’ekue Che ha’e haguéicha peẽme.

Apostolkuéra 13:52

Ha Páblo ha Bernabe henyhẽ torýgui ha Pytu Porãmbávagui.

Apostolkuéra 9:31

Uperire Hesu Crísto iglésiayguakuéra oiko py’aguapýpe opaite umi Judéa, Galiléa ha Samária departamentokuérape, ha oñemopu’ãve ha oñemombareteve ohóvo Ñanderuete kyhyje rupi, ha okakuaa ha oñemboheta Pytu Porãmbáva ñemoangapyhy rupi.

Romayguakuérape 14:17

Nde Ruete retãguasu reko ndaha’éi jakaru térã jay’u hag̃ua; justícia, py’aguapy ha vy’a Pytu Porãmbavapype uvei.

Romayguakuérape 15:13

Pe esperánza Ñanderuete ome’ẽva tomyenyhẽ pende jerovia, vy’águi ha py’aguapýgui, ha pende esperánza tokakuaave ohóvo Pytu Porãmbáva pu’aka rupi.

Romayguakuérape 5:5

ha pe esperánza Ñanderuete rehe nombotavymo’ãi avavépe, Ñanderuete mborayhu omyhenyhẽgui ñande py’apy imborayhúgui, ha opaite ko’ã mba’e oñeme’ẽ ñandéve Pytu Porãmbáva rupi.

Romayguakuérape 8:34

Máva piko ikatu ocondena ichupekuéra. Hesu Crísto piko, Ha’e voi ningo omanova’ekue hendaguepekuéra, ha oikove jevy avei, ha oguapyhína avei Ñanderuete akatúape, ha ojerurevahína avei ñanderehe.

Galaciayguakuérape 5:22

Pe Pytu Porãmbáva katu hi’a: Mborayhu añeteguáva, tory, py’aguapy, paciéncia, oporombohorýva, py’aporã, jerovia,

Filipoyguakuérape 2:1

Pende apytépe oime ramo oikotevẽva tekombo’e rehe, toñeme’ẽ ichupe Hesu Crísto oipota háicha, oñemokyre’ỹ jevy hag̃uáicha, oñekotevẽ ramo ñemoangapyhy rehe, toñeme’ẽ mborayhu reheve, péichamante pe ñembopy’apeteĩ, pe mborayhu ha pe poriahuvereko okakuaa porãvéta pende apytépe.

2 Tesalonicayguakuérape 2:16

Ñandejára Hesu Crísto ha Ñandejára Ñanderuete ñanderayhúva ha ñanemoangapyhýva tapia iporiahuvereko rupi, péva ningo pe esperánza jaguerekóva.

hebreoyguakuerape 7:25

Upévare Ha’e ikatu osalva avei tapia g̃uarã umi og̃uahẽvape, Ha’érupi, Ñanderuete rendápe. Hesu Crísto oikovégui tapia g̃uarã, ha’e oñembo’e iñermanokuéra rehe Ñanderuetépe.

1 Juan 2:1

Che ra’ykuéra ha rajykuéra, ko’ã mba’e ningo ahai peẽme ani hag̃ua pejapo mba’e ivaíva. Opáichavo oimérõ sapy’a peteĩ ñande apytépe ho’ára’e angaipápe, (anítei péva opyta hi’angaipápe), jarekógui ñane pytyvõhára (abogádo) Ñanderuete ndive g̃uarã, Hesu Crísto, Ha’e oñe’ẽta ñanderehe.

1 Juan 2:27

Ha pehupity haguéicha pe Pytu Porãmbáva ñemona Ñanderuetégui pepyta hatãkena ipype, ha napeikotevẽvéima avave penembo’e. Pe Pytu Porãmbáva voi ningo penembo’e opaite mba’e rehe ha hendive oĩ pe añetegua, ha Ha’e ndaijapúi; Ha’e penembo’e haguéicha pévape pepyta, peñemopeteĩvo Hesu Crísto ndive.

2 Juan 1:2

Ko añetegua kóva oĩ ñandepype, ha opytáta ñandepype tapia g̃uarã.