Juan 14:11

Ñanderuete Ñe’ẽ Porã 2015

Peguerovia Che aikoha Tuvapype, ha che Ru oikoha chepype, kóva ndapegueroviái ramo peguerovia che rembiapo porã rehe.

Referencias Cruzadas

Juan 10:25

Hesu ombohovái ichupekuéra: Che ha’éma peẽme ha ndapegueroviái, umi tembiapo ajapova’aína che Ruete rérape ohechauka porã mávapa Che.

Juan 10:32

Ha Hesu he’i ichupekuéra: Heta tembiapo porã ningo ahechaukáma peẽme che Ruetéguio, mba’eichagua tembiapo rehe piko peẽ chejukase.

Juan 10:38

Ajapo ramo katu pecheguerovia umi mba’e ajapóva rehehápe, peikuaa ha peguerovia hag̃ua che Ruete oĩha chepype, ha Che aĩha ipype.

Juan 14:10

Nderegueroviái piko, Che aĩha che Ruetepype, ha che Ruete oĩha chepype, ko’ã ñe’ẽ ko’ãva Che ha’éva guive, nañe’ẽi chejehegui reínte, pe che Ru chepype, oĩva uvei, Ha’e voi ningo pe ojapóva pe tembiapo Che ajapóva.

Juan 14:20

Upe ára upévape peẽ peikuaa porãta Che aĩha che Ruetepype, ha peẽ peĩha (peimeha) chepype ha Che aĩha pendepype.

Juan 5:36

Che katu aguereko ambue techahare tuichavéva Juángui; umi tembiapo che Ru ome’ẽva’ekue chéve ajapo hag̃ua, ohechauka che Ru chembou hague.

Apostolkuéra 2:22

Peẽ kuimba’e Israel peguáva, pehendu ko’ã ñe’ẽ: Ñanderuete ningo omboaje Hesu Nazaretguápe pende apytépe: Pu’aka, milagrokuéra ha umi techaukahakuéra Ha’e ojapoukava’ekue pende apytépe Hesu rupi, peẽ voi peikuaa porã ko’ã mba’e.

hebreoyguakuerape 2:4

Ha Ñanderuete omoañeteva’ekue iñe’ẽ techapyrã, mba’eguasuete (milágro) ipu’aka rupi. Ñanderuete ome’ẽ avei pe Pytu Porãmbáva oimeraẽvape, Ha’e oipota haichaite.