Juan 14:10

Ñanderuete Ñe’ẽ Porã 2015

Nderegueroviái piko, Che aĩha che Ruetepype, ha che Ruete oĩha chepype, ko’ã ñe’ẽ ko’ãva Che ha’éva guive, nañe’ẽi chejehegui reínte, pe che Ru chepype, oĩva uvei, Ha’e voi ningo pe ojapóva pe tembiapo Che ajapóva.

Referencias Cruzadas

Juan 10:30

Che ha che Ruete peteĩchánte voi.

Juan 10:38

Ajapo ramo katu pecheguerovia umi mba’e ajapóva rehehápe, peikuaa ha peguerovia hag̃ua che Ruete oĩha chepype, ha Che aĩha ipype.

Juan 11:26

Ha opaite oikovéva ha ojeroviáva cherehe, nomanomo’ãi tapia g̃uarã. Regueroviápa ko’ã mba’e.

Juan 12:49

Chejehegui rei nda’éi mba’evete, che Ruete chembouva’ekue ñe’ẽ ambohasa jevy hag̃uánte peẽme aju, umi ñe’ẽ Ha’e omoĩva che jurúpe Che añe’ẽ ha aporombo’emanteva’erã.

Juan 14:11

Peguerovia Che aikoha Tuvapype, ha che Ru oikoha chepype, kóva ndapegueroviái ramo peguerovia che rembiapo porã rehe.

Juan 14:20

Upe ára upévape peẽ peikuaa porãta Che aĩha che Ruetepype, ha peẽ peĩha (peimeha) chepype ha Che aĩha pendepype.

Juan 14:24

Upe cherayhu’ỹva katu ndojapói che rembipota. Ha pe ñe’ẽ peẽ pehendúva guive che jurúgui, ndaha’éi che ñe’ẽ pe chembouva’ekue ñe’ẽ uvei.

Juan 17:8

Opaite ñe’ẽ ambohasámava ichupekuéra, ha’ekuéra ojapyhy porãma, ohechakuaa porãgui Che añetehápe aju hague ndehegui, ha ogueroviáma hikuái Nde chembou hague.

Juan 3:2

Nicodémo ou pyhare jave Hesu rendápe, ha he’i ichupe: Mbo’ehára, ore ningo roikuaa rejuha Ñanderuetégui reporombo’e hag̃ua, avavete ndaikatúigui ojapo ko’ã techaukaha (señal) Nde rejapóva, Ñanderuete oĩ’ỹrõ hendive.

Juan 5:17

Hesu katu he’i ichupekuéra: Che ru ningo ko’ág̃a peve omba’apohína, ha che avei.

Juan 5:19

Hesu katu ombohovái ichupekuéra, he’ívo: Añetehápe, añetehápe, ha’e peẽme, pe Ta’ýra ijehegui rei ndaikatúi ojapo mba’eve, pe ohecháva Itúva ojapóvamante; opaite mba’e Ha’e ojapóva ningo, Ita’ýra ojapo avei.

Juan 7:16

Upérõ Hesu ombohovái ichupekuéra: Ko mba’e che ambo’éva nachemba’éi, pe chembouva’ekue mba’énte.

Juan 8:28

Hesu he’ive ichupekuéra: Oñemopu’ãha árape pe yvyarigua Ra’y, upéramo ae peikuaáta Che ha’eha (pe Crísto), ha mba’evete ndajapoiha chejehegui reínte, ambohasánte umi mba’e che Ruete chembo’e haguéicha.

Juan 8:38

Che añe’ẽ’aína umi mba’e ahechava’ekue che Ruete ndive; peẽ katu pejapopeína pende ru (Satana) he’iukava’ekue peẽme.

Juan 8:40

Peẽ katu peñeha’ãmba chejuka hag̃ua, Che ningo peteĩ kuimba’e ambohasáva peẽme pe añeteguánte, Che ahenduva’ekue che Ruetégui; ko’ã mba’e Abraham voi ndojapoiva’ekue.

Apostolkuéra 10:38

Ha mba’éichapa Ñanderuete omyenyhẽ Hesu Crístope Pytu Porãmbávagui ha pu’akágui, omonguera hag̃ua hasývape ha omosẽ mba’epochykuérape, opaite ko’ã mba’e ojehu Ñanderuete oĩgui Hesu Crísto ndive.

2 Corintoyguakuérape 5:19

Ñanderuete oĩgui Hesu Cristopype, ombopy’apeteĩ jevy hag̃ua tetãyguakuérape hendive, upévare Ha’e operdona ñane rembiapo vai ha omoĩ ñande pópe ko perdon rehegua ñe’ẽ.

Colosayguakuérape 1:19

Ñanderuete oipota Hesu Cristopype oĩmba Ñanderuete reko.

Colosayguakuérape 2:9

Hesu Cristopype ningo oĩ avei opaite Ñanderuete reko.

1 Juan 5:7

Mbohapy ningo oĩ umi oikuaaukáva ko mba’e kóva: