Juan 13:8

Ñanderuete Ñe’ẽ Porã 2015

Pédro katu he’i ichupe: Nde nachembojepyheimo’ãi máramo. Upérõ Hesu ombohovái ichupe: Che norombojepyhéirõ, mba’eve ndereguerekomo’ãvéima chendive.

Referencias Cruzadas

Genesis 42:38

Ha Jacóbo he’i: Che ra’y ndohomo’ãi penendive, omanóma ningo ityke’yrateéva ha ha’eñóntema opyta; ha ojehu ramo ichupe oimeraẽ mba’evai pe tape pehoha rupi, pemboguejýta che atĩnguéra ñembyasypópe te’õngue rendápe.

2 Samuel 20:1

Ha oiko upépe peteĩ kuimba’e iñañáva, hérava Seba, Bicri ra’y, peteĩ Benjamingua, péva ombopu pe turu, ha he’i: Ñande ndajarekói mba’eve David ndive, ha mba’evete Isai ra’y ndive, Israelguáva guive tohopa hógape.

1 Réyes 12:16

Israelguakuéra ohechávo tetã ruvicha ndojaposeiha hembipota ombohovái Roboámpe he’ívo: Ma’erãpa ñamoirũta Davídpe, ore ndoroguerekói Isai ra’y ndive ore mba’erã. Israelguakuéra, jaha ñande rógape. David toñangareko Juda tríbu rehénte. Upémaramo Israelguakuéra ohopa hógape.

Salmokuéra 51:2

Chejohéi che ñaña rekógui, ha chemopotĩ che rembiapo vaígui.

Salmokuéra 51:7

Chejohéi pacholípe (plánta), chepotĩ hag̃ua, upéi chemorotĩvéta ama rayvi rypy’águi (térã mandyjúgui).

Isaías 4:4

Ñanderuete ojohéi rire Sion rajykuéra mba’e ky’a ha omopotĩ rire ijapytégui Jerusalengua ruguy iñembojovake ha ijehavira rupi,

Ezequiel 36:25

Ahypýita pendeári y potĩ porãitéva penepotĩ hag̃ua opaite pende reko vaikuégui; ha Che pomopotĩta mayma pende jára gua’úgui.

Zacarías 13:1

Upe ára upévape oĩta peteĩ yvu David ñemoñarenguéra ha umi Jerusalenguápe g̃uarã, ojohéi hag̃ua hi’angaipa ha hembiapo vai.

Matéo 16:22

Pédro katu omoha’eño Hesúpe ha oñe’e pohýi ichupe he’ívo: Mba’evéicharamo che Jára, anítei ojehu ndéve ko ñe’ẽ eréva oréve.

Matéo 21:29

Ha ha’e he’i itúvape: Ndahaséi. Uperire katu oñembyasy ha oho omba’apo.

Matéo 26:33

Ha Pédro he’i ichupe: Jepémo maymáva nderejapáta, che ndorohejamo’ãi.

Matéo 26:35

Ha Pédro he’i ichupe: Tekotevẽ ramo jepe amano nendive, norombotovemo’ãi (che noronegamo’ãi); ha péicha avei he’i opaite ambue hemimbo’ekuéra.

Juan 13:6

Ha og̃uahẽvo Simon Pédro rendápe, ha’e he’i Hesúpe: Che Jára, Nde piko chembojepyhéita.

Juan 13:9

Upérõ Simon Pédro he’i ichupe: Che Jára, péicharõ ndachepy añói, ejohéi che akã ha che pokuéra avei.

Juan 3:5

Hesu ombohovái ichupe: Añetehápe, añetehápe, ha’e ndéve upe onace’ỹva y ha Pytu Porãmbávagui ndaikatúi oike Ñanderuete retãguasúpe.

Apostolkuéra 22:16

Ha ko’ág̃a piko mba’e reha’arõve: Epu’ã ejebautizauka ha ejerovia Hesu Crísto rehe, Ha’e nemopotĩ hag̃ua opaite ne rembiapo vaígui rehenóivo Hesu Crísto réra.

1 Corintoyguakuérape 6:11

Koichaguaréva oiko pende apytépe, ko’ág̃a katu oñemopotĩma Hesu Crísto réra rupi, ha Ñanderuete Pytu Porãite pu’aka rupi oñemopotĩ porãma.

Efesoyguakuérape 5:26

Ha’e omboheko potĩ ijiglésiape. Ha’e omopotĩ ijiglésiape iñe’ẽrendu haguére Ñanderuete ñe’ẽ porãitépe.

Deuteronómio 12:12

Ha upépe pevy’a joava’erã pende Ruete renondépe, peẽ, pende ra’ykuéra, pende rajykuéra, pene rembiguái kuimba’e ha kuñakuéra ha umi Levigua oikóva pende apytépe; ha’ekuéra ndoguerekomo’ãigui penendive ilotekuéra, imba’eteerã.

Colosayguakuérape 2:18

Aníkena avave oipe’a pendehegui pene rembiapo repy iñemomirĩ gua’u térã hi’ángel ñemomba’eguasu rupi, térã umi mba’e ohechava’ekue ike peguáre térã techapáy (vision) rupi, péva ningo hi’ánga rembipota vai ojererovuséguinte.

Colosayguakuérape 2:23

Ha’ekuéra omombe’u oĩha añetegua ha ñepytyvõite icultokuérape, ha’ekuéra katu ojopy vaínte kuimba’e ha kuña rekokuéra ijyvyarigua rembiapoukapy rupi; hembiapo rupínte ha’ekuéra oñembotuichase.

Títope 3:5

ndaha’éi yvyarigua rembiapo porã rupi, iporiahuvereko rupi uvei Ha’e ñandesalva pe ára ñande jajebautiza ha ñanemonace pyahu jevy ramoguare pe Pytu Porãmbáva rupi,

hebreoyguakuerape 10:22

Upévare ñañemboja Ñanderuete rendápe py’a porã ha jerovia mbaretépe, Ha’e omopotĩ hag̃ua ñane ñe’ã ñande py’apyñe’e vaígui ha ojohéi rire ñande rete y potĩetépe.

Apocalípsis 1:5

ha Hesu Crístogui, pe techahare heko peguáva ha pe oiko jey tenonde omanóva apytégui ha pe oikóva yvy ruvichaitevéva ramo tetã ruvichakuéra apytépe. Ha’e voi ningo ñanderayhuvahína ha ñandejoheiva’ekue ñane angaipágui huguytee rupi.

Apocalípsis 7:14

Ha che ambohovái ichupe: Che jára, nde ningo reikuaa. Ha ha’e he’i chéve: Ko’ãva ningo umi ouva’ekue upe jehasa asyguasúgui, ha’ekuéra ojohéi ha omomorotĩva’ekue ijaokuéra pe Ovechara’y ruguýpe.