Juan 13:34

Ñanderuete Ñe’ẽ Porã 2015

Peteĩ tembiapoukapy pyahu ame’ẽ peẽme: Pejohayhúke Che pohayhu háicha, péicha pejohayhu avei peẽ.

Referencias Cruzadas

Salmokuéra 119:63

Opaite umi okyhyjéva ndehegui ha ojapóva ne rembiapoukapy oiko che irũtee ramo.

Salmokuéra 16:3

Umi heko potĩvape ha oikóva ijyvyetépe che ha’e: Ko’ãva ningo umi heko porãva chembovy’áva.

Levítico 19:18

Ani reñevenga ha ani ndepochýtei ne retãygua ndive, rehayhuva’erã katu nde rapichápe rejehayhu háicha ndejupe. Che ningo Jahve, pende Ruete.

Levítico 19:34

Pe tetã ambueygua, oikóva pende apytépe, peguerekova’erã ichupe pendereheguáva ramo, ehayhu ichupe rejehayhu háicha, peẽ voi peikova’ekue avei tetã ambueygua ramo Egípto retãme. Che ningo Jahve, pende Jára.

Matéo 5:44

Che katu ha’e peẽme: Pehayhu penderehe ija’e’ỹvape, ha peñembo’e umi pendeperseguíva rehe,

Juan 15:17

Kóva ningo che rembipota: Tapejohayhu.

Juan 17:21

Opavavete oiko hag̃ua oñondive peteĩ py’ápe, Nde reiko háicha chepype, ha Che aiko háicha ndepype, upéicha ha’ekuéra oiko hag̃ua avei ñandepype, yvyariguakuéra oguerovia hag̃ua Nde chembou hague.

Romayguakuérape 12:10

Pejohayhu oñohermánoicha, pejo’apo mba’e ramo, péva he’ise emomba’eve ne hermánope ndejehegui voi.

Romayguakuérape 13:10

Pe mborayhu añeteguáva ningo ndojapói mba’eve ivaíva hapicha rehe. Upévare upe ohayhúva hapichápe ojapopa Moises rembiapoukapykuéra.

Romayguakuérape 13:8

Ani pedeve mba’eve avavépe, pe mborayhu añómante peme’ẽ ojupe. Upe ohayhúva hapichápe ojapóma Moises rembiapoukapykuéra.

Galaciayguakuérape 5:22

Pe Pytu Porãmbáva katu hi’a: Mborayhu añeteguáva, tory, py’aguapy, paciéncia, oporombohorýva, py’aporã, jerovia,

Galaciayguakuérape 5:6

Hesu Crístope g̃uarã upe oñekytĩ’oukáva térã upe oñekytĩ’ouka’ỹva ndovaléi mba’evete, ñande jerovia rupínte uvei jahechauka ñane mborayhu ñane rembiapo porã rupi.

Galaciayguakuérape 6:10

Upévare ikatu aja jajapo tembiapo iporãva opavavépe g̃uarã, ñamotenondeveva’erã Hesu Crísto reheguávape.

Galaciayguakuérape 6:2

Peñopytyvõ pegueraha hag̃ua oñondive pene mba’e pohýi (cárga) ha péicha pejapo ramo pehóvo pejapo hekópe Hesu Crísto rembiapoukapy.

Efesoyguakuérape 5:2

Ha peiko mborayhúpe, Hesu Crísto ñanderayhu haguéicha ha upévare Ha’e oñeme’ẽma ñane rendaguépe peteĩ me’ẽmby ha kuave’ẽmby ramo hyakuã porãva Ñanderuetépe g̃uarã.

Colosayguakuérape 1:4

rohendu guive peẽ pejerovia porãha Hesu Crísto rehe ha pehayhuhapeína opaite Hesu Crísto reheguávape.

1 Tesalonicayguakuérape 3:12

Ñanderuete tomongakuaa ha tomboheta pe mborayhu añeteguáva oñondive g̃uarã ha opavave ndive g̃uarã, ore pohayhu háicha.

2 Tesalonicayguakuérape 1:3

Oremandu’a ramo penderehe, hermanokuéra, roagradece Ñanderuetépe pende jerovia okakuaa porãvére ohóvo ha pe mborayhu añeteguáva oñembohetavére ohóvo avei pende apytépe.

hebreoyguakuerape 13:1

Che hermanokuéra jajohayhúke mborayhu añeteguáva reheve.

Tiágo 2:8

Peẽ pejapo porãite, pejapo ramo añetehápe ha hekoitépe pe tembiapoukapy tuichavéva oĩva Ñanderuete kuatiañe’ẽme: Ehayhu nde rapichápe, nde rejehayhu háicha, (Levítico 19,18).

1 Pédro 1:22

Peẽ pemopotĩ rire pene ánga peneñe’ẽrendu hag̃ua Ñanderuete ñe’ẽ añeteguápe ha pejohayhu hag̃ua tapia hermáno mborayhu añetegua ha tova mokõi’ỹ reheve.

2 Pédro 1:7

pene ñemomirĩ rehe hermáno mborayhu, pene hermáno mborayhu rehe Ñanderuete mborayhu añeteguáva.

1 Juan 3:11

Upévare pehendu ñepyrũ guive ko ñe’ẽ he’íva: Jajohayhuva’erã.

1 Juan 3:23

Ha hembiapoukapy ningo kóva: Jajeroviava’erã Ita’ýra Hesu Crísto réra rehe ha jajohayhu, upéicha Ha’e voi he’iuka ñandéve.

1 Juan 4:21

Ha ko tembiapoukapy kóva jaguereko voi ichugui: Pe ohayhúva Ñanderuetépe ohayhuva’erã avei iñermánope.

2 Juan 1:5

Ko’ág̃a ningo ajerure ndéve, kuñakarai (iglésia), jajohayhu hag̃ua. Ko tembiapoukapy kóva ndaipyahúi jaguerekóma voíkuri ñepyrũ guivéma.