Juan 13:21

Ñanderuete Ñe’ẽ Porã 2015

Hesu he’ipávo ko’ã mba’e, iñangekõi ipytu porãme, ha he’i: Añetehápe, añetehápe, ha’e peẽme: Peteĩva, pende apytégui, chetraicionáta.

Referencias Cruzadas

Matéo 26:21

Ha okaru aja hikuái he’i: Añetehápe Che ha’e peẽme, peteĩva pende apytépe chetraicionataha, (teko py’a joyvy).

Matéo 26:38

Ha he’i ichupekuéra: Che ánga oñembyasy chejuka hag̃uáicha, pepyta ko’ápe chemoirũ katu pene ñembo’épe.

Márcos 14:18

Ha oĩ jave hikuái mesápe, ocena jave, Hesu he’i ichupekuéra: Añete ha’e peẽme peteĩ pende apytégui okaruvahína chendive, cheme’ẽta cherehe ija’e’ỹva pópe.

Márcos 3:5

Upérõ Hesu oma’ẽ pochyhápe hesekuéra, ñeko’õi reheve oñembopy’a hatã haguére ha he’i pe kuimba’épe: Eipyso nde po. Ha ha’e oipysóvo ipo okueraite opytávo.

Juan 11:33

Hesu ohechávo ichupe ojahe’oha, ha umi Judaygua omoirũva ichupe avei, Ha’e ipyahẽ ha iñangekõi Ipytu Porãme.

Juan 11:35

Ha Hesu ojahe’o.

Juan 11:38

Hesu ipyahẽ ha iñangekõi jevy Ipytu Porãme ha oho Lázaro oñeñotỹ haguépe. Oñotỹ hikuái Lázarope peteĩ itakuaguasúpe, ha omboty hikuái pe itakuaguasujuru.

Juan 12:27

Ko’ág̃a che ánga ojepy’apyhína, ha mba’e piko ha’éne. Ha’énepa che Ruete chesalvána ko hóra kóvagui. Ndaupéichai, pevarãnte voi Che ajuva’ekue.

Juan 13:18

Penderehe ningo Che nañe’ẽi’aína, Che ningo aikuaa porã voi umi aiporavova’ekuépe, oikopa hag̃ua katu Ñanderuete kuatiañe’ẽme ojehaíva ojehu opaite ko’ã mba’e: Pe ho’úva chendive pe pan, omopu’ã ipy opyvoi hag̃ua cherehe, (Salmokuéra 41,9).

Juan 13:2

Ha ocena jave hikuái, aña omoingéma Júdas Iscarióte, Simon ra’y py’apýpe otraiciona hag̃ua Hesúpe.

Juan 13:22

Hemimbo’ekuéra oma’ẽ joa ojuehe, ndoikuaáigui mávarehepa Hesu he’i ko mba’e kóva.

Apostolkuéra 17:16

Páblo oha’ãrõ aja Sílas ha Timotéope ou hag̃ua Aténaspe, iñangekõi ipytu porãme, ohechávo opaichagua jára gua’u ra’ãngakuéra.

1 Juan 2:19

Osẽ hikuái ñande apytégui, ndaha’éi ramojepe ñande reheguáva, ñande reheguáva rire, opytava’erãmo’ã ñande apytépe; osẽ uvei hikuái ojehecha hag̃ua ndaopavavéi ñande reheguaha.