Juan 12:41

Ñanderuete Ñe’ẽ Porã 2015

Ko’ã ñe’ẽ ko’ãva Isaías he’iva’ekue ohecha rire Hesu Crísto reko jajaipa ha hese oñe’ẽ.

Referencias Cruzadas

Lúcas 24:27

Ha upéi oñepyrũ omyesakã porã hag̃ua ichupekuéra Moises guive opaite profetakuéra peve, ohechauka porãvo opaite mba’e ojehaiva’ekue Crísto rehe Ñanderuete kuatiañe’ẽme.

Juan 1:14

Ha pe Ñe’ẽ oñemboho’o ha oikóma ñande apytépe kuimba’e ramo, ha ore rohecha heko jajaipa, Ñanderuete Ra’y peteĩetéva reko jajaipa, henyhẽva jeporiahuvereko (mborayhu) ha añeteguágui.

Juan 1:18

Avave ndohechái máramo Ñanderuetépe, Ita’ýra peteĩeténte, pe Jára oĩva Ñanderuetepype, Ha’e (Hesu) mante oikuaauka ñandéve Itúvape.

Juan 14:9

Hesu katu ombohovái ichupe: Heta árama aiko pende apytépe, ha ne’ĩra piko nde Felípe chekuaa. Upe cherecháva ningo ohecha avei che Ruetépe. Mba’éicharupi piko nde ere ehechaukána oréve nde Ruetépe.

Juan 5:39

Peẽ peitypeka (peipyguara, peheka) Ñanderuete kuatiañe’ẽre, hi’ag̃ui peẽme pejohutaha ipype pe tekove tapia g̃uarãva, ha añetehápe Ñanderuete kuatiañe’ẽ che rechahare voi.

Apostolkuéra 10:43

Opaite proféta oñe’ẽ hese ha he’i Ha’émante ikatuha oipe’a tetãyguakuéra tembiapo vaígui (angaipágui) ojeroviaite ramo Hesu Crísto rehe.

2 Corintoyguakuérape 4:6

Ñanderuete he’i voi ikuatiañe’ẽme: Pytũhágui tohesape pe tesape, (Génesis 1,3). Ha’e voi ohesape avei ñande py’apy jahechakuaa hag̃ua Ñanderuete reko jajaipa Hesu Crísto rova rupi.

hebreoyguakuerape 1:3

Hesu Crísto rupi ojehecha Ñanderuete reko jajaipa ha Hesu Crísto rupi Ñanderuete ohechauka avei mba’éichapa Ha’ehína. Hesu Crísto ningo ojokohína ko múndope (univérsope) ojejapóva guive iñe’ẽ pu’aka rupi. Hesu Crísto ombopoguyva’ekue angaipa pu’aka, ha oguapyhína ko’ág̃a yvágape Ñanderuete akatúape.

1 Pédro 1:11

Ha’ekuéra ohekámi oikuaa hag̃ua araka’épa ha mba’eichagua árapepa upe salvacion oikóta, Hesu Crísto Pytu Porãite, oĩva ipypekuéra he’iva’ekue ichupekuéra: Ha’e ohasa asy raẽtaha ha uperirémante Ha’e og̃uahẽtaha teko jajaipápe.

Apocalípsis 19:10

Ha che ajeity pe yvága rembiguái renondépe amomba’eguasu hag̃ua ichupe, ha’e katu he’i chéve: Cháke, che ningo tembiguáinte avei, nendive ha ne hermanokuéra ndive, ha opaite umi ambue omyasãi avei Hesu Crístope (ijuru ha hekove rupi). Pe Pytu Añeteguáva ombohasa Hesu Crísto ñe’ẽ ijiglésiape.