Juan 12:25

Ñanderuete Ñe’ẽ Porã 2015

Upéicha avei opavave hakate’ỹva hekovére ningo oñehundiva’erã, ha pe nomomba’éiva hekove ko yvy apére katu oñongatu hi’ánga tekove tapia g̃uarãme.

Referencias Cruzadas

Eclesiástes 2:17

Upéicha rupi chembojeguaru pe tekove, ipohyietereígui chéve pe tembiapo ojejapóva ko yvy apére; opaite mba’e reiete ha yvytu jejokose rei.

Matéo 10:39

Upe ohayhúva hekove oñehundíta; ha upe ohundíva hekove che rayhupápe katuete ojohuva’erã pe tekovete.

Matéo 16:25

Upe osalvaséva hekove katu, ohundíta; ha upe ohundíva hekove cherehehápe oikove jevyva’erã.

Matéo 19:29

Ha oimeraẽva ohejava’ekue hóga, térã ityke’ýra, heindy, isy, ita’ýra térã ikokue che réra rayhupápe, ohupityva’erã 100 jevyve, ha oguerekóta pe tekove tapia g̃uarãva.

Márcos 8:35

Opavave osalvaséva hekove, ohundiva’erã, ha umi ohundíva hekove cherehehápe ha evangélio rehehápe katu, ojesalvava’erã katuete.

Lúcas 14:26

Oimeraẽ oúva che rendápe ha ohayhuvéva itúva térã isýpe, hembireko térã ita’ýrape, ityvýra térã iteindýrape, térã hekoveteépe jepe chehegui, ndaikatúi oiko che remimbo’e ramo.

Lúcas 17:33

Oimeraẽ hakate’ỹva hekovetee rehe ichupe g̃uarãnte, ohundíta hi’ánga ha hekove; upe ome’ẽva katu hekove osalváta hi’ánga ha hekove avei.

Apostolkuéra 20:24

Che nambyasýi ahundíta ramojepe che rekove ko yvy ári, pe che aipotavéva katu: Ahupity hag̃ua pe tekove opa’ỹva ha che ajapopa pe tembiapo Hesu Crísto ome’ẽmava’ekue chéve, péva he’ise che amyasãi hag̃ua Hesu Crísto evangélio ha Ñanderuete mborayhu.

Apostolkuéra 21:13

Upérõ Páblo he’i: Mba’e piko pejapo, pene rasẽ rupi peẽ chembopy’a kangy. Che ningo aĩmba (lísto) ndaha’éi añeñapytĩ hag̃uáichante, amano hag̃uáicha avei Jerusalénpe, Hesu Crísto rehehápe.

hebreoyguakuerape 11:35

Oĩva’ekue kuñakuéra ovy’a jevyva’ekue, oñeme’ẽ jevy haguére ichupekuéra hogaygua omanova’ekue. Oĩ katu avei umi oñembohasa asyva’ekue ojejuka peve, ndopoíri katu ijeroviágui, oha’ãrõgui ohupity hag̃ua pe tekove pyahu iporãvéva.

Apocalípsis 12:11

Ha’ekuéra ombopoguy katu ichupe pe Ovechara’y ruguy rupi, ha omyasãi porã haguére Hesu Crísto iñe’ẽ ha hekove rupi, ha nahakate’ỹi hekovekuéra rehe, tekotevẽ ramojepe omano Hesu Crísto rehehápe.