Juan 12:23

Ñanderuete Ñe’ẽ Porã 2015

Hesu katu oñe’ẽ ichupekuéra ha he’i: Og̃uahẽmahína pe hóra yvyarigua Ra’y oñembotuicha hag̃ua.

Referencias Cruzadas

Isaías 55:5

Ema’ẽ porãke, nde rehenóiva’erã umi tetã reikuaa’ỹvape, ha pya’e oñani joava’erã ne rendápe umi ndekuaa’ỹva, pende Ruetépe, pende Jára rehehápe, Ha’e nembotuicha haguére.

Isaías 60:9

Añetehápe umi y rembe’y pegua retãnguéra chera’ãrõhína, ha umi barcoguasu Tarsis pegua raẽ ogueru jevýta mombyry guive nde ra’ykuérape, hi’óro ha ipláta reheve, nde Jára, Israel Járape g̃uarã, Ha’e omopu’ã jevy haguére hetãyguakuérape.

Matéo 25:31

Pe yvyarigua Ra’y ou vove heko jajaipa reheve, ha yvága rembiguaikuéra hendive, upe árape Ha’e oguapýta iguapyha omimbipávape.

Matéo 26:45

Upéi ou jevývo hemimbo’ekuéra rendápe, he’i ichupekuéra: Peke katu ha pepytu’u, péina og̃uahẽma ningo pe hóra oñemoĩ hag̃ua yvyarigua Ra’ýpe hembiapo vaíva pópe.

Márcos 14:35

Ha oñemotenonde michĩmive ichuguikuéra, ojeity yvýpe, ha oñembo’e: Ikatúrõ tohasa chehegui ko hóra kóva.

Márcos 14:41

Ha Hesu ojevývo mbohapyhápe he’i ichupekuéra: Pekéntema ha pepytu’u, ovaléma, og̃uahẽma pe hóra yvyarigua Ra’y ho’atamaha angaipavóra pópe.

Juan 12:16

Ko’ã mba’e ko’ãva hemimbo’ekuéra ndohechakuaái ñepyrũrãme, Hesu oñemoingove jevy rire katu imandu’a opaite ko’ã mba’e rehe, ojehaipa hague avei ko’ã mba’e Ñanderuete kuatiañe’ẽme, ha ha’ekuéra voi ojapo hague ko’ã mba’e ichupe g̃uarã.

Juan 12:27

Ko’ág̃a che ánga ojepy’apyhína, ha mba’e piko ha’éne. Ha’énepa che Ruete chesalvána ko hóra kóvagui. Ndaupéichai, pevarãnte voi Che ajuva’ekue.

Juan 13:1

Pe páscua arete ára mboyvemi ningohína ha Hesu oikuaa og̃uahẽmaha hi’ára oho hag̃ua ko yvy árigui Ñanderuete rekohápe. Hesu ohayhuete haguéicha umi ojeroviaitévape ñepyrũ guive, peichaite Ha’e ohayhuetéta avei ichupekuéra ipaha peve.

Juan 7:39

Ko’ã mba’e Hesu he’i pe Pytu Porãmbáva rehe, oñeme’ẽva’erãva opaite ojeroviávape guive añetehápe hese. Hesu he’ívo ko’ã ñe’ẽ, pe Pytu Porãmbáva ne’ĩra ou, Hesu Crísto noñemboheko jajáigui gueteri.