Juan 12:2

Ñanderuete Ñe’ẽ Porã 2015

Ha ojapo hikuái ichupe g̃uarã peteĩ karuguasu, ha Márta ogueroja pe tembi’u mesápe, ha Lázaro oĩ umi oguapyvahína Hesu ndive mesápe.

Referencias Cruzadas

Cantar de los cantáres 4:16

Kuñataĩ oñe’ẽ: Epu’ãna, yvytu yvatégui oipejúva, ha eju yvytu yvy gotýogui oipejúva; peipeju che yvotytýpe, ha ta’iñasãi tyakuã porã. Tou che mborayhu jára ijyvatýpe, ha to’u yva he’ẽ asýva.

Matéo 26:6

Ha Hesu oĩ jave Betániape, Simon iléprava’ekue rógape,

Márcos 14:3

Ha Hesu oĩ aja Betániape, Simon pe ileprava’ekue rógape, okaru jave, ou peteĩ kuña oguerúva imba’yru’i henyhẽva mba’e ryakuã iporãitereíva ha hepyetévagui, ha’e ojoka imba’yru’i ha oñohẽ pe mba’e ryakuã porãitéva Hesu akã rehe.

Lúcas 12:37

Ovy’aite umi tembiguái, oha’ãrõvahína ijárape ojevy hag̃ua. Añetehápe Che ha’e peẽme: Ha’e oñembosako’íta omohenda ha oservi hag̃ua hembiguaikuérape okaru jave imesápe.

Lúcas 14:12

Upéi Hesu he’i pe ogajárape: Rejapo ramo karuguasu asaje térã pyharépe, ani rehenoiuka ne irũnguérapente, térã nde ryvykuérape, térã ne pehẽnguekuérape, térã nde róga ypy pegua imba’eitávape, ani hag̃ua ha’ekuéra neconvida jey ikaruguasúpe ha péicha omyengoviapa ndéve.

Lúcas 22:27

Mávapa pe ituichavéva, pe oguapýva mesápe okaru hag̃ua, térãpa pe oservíva ichupe. Ndaha’éipa pe oguapýva mesápe. Che ningo aiko avei pende apytépe peteĩ tembiguái ramo.

Lúcas 5:29

Uperire ko Levi, (hérava avei Matéo), ojapo peteĩ karuguasu hógape Hesúpe g̃uarã, ha heta impuésto mono’õhára ha ambuekuéra oñembyaty avei Levi rógape okaru hag̃ua.

Apocalípsis 3:20

Ema’ẽ porãke, Che añembo’yha’aína ne rokẽme ha ambota’aína (aikeségui). Oimeraẽ ohendúva Che ñe’ẽ ha oipe’áva hokẽ, aikéta hendápe akaru hag̃ua hendive, ha ha’e chendive.