Juan 12:19

Ñanderuete Ñe’ẽ Porã 2015

Upéramo umi fariséo he’i ojupe: Pehechápa, ndaikatúi jajapo mba’evete. Opavave ningo omoirũ ichupe ha oho hapykuéri.

Referencias Cruzadas

Salmokuéra 22:27

Oikovéva guive imandu’a joáta ha oupa jevýta Ñanderuete rendápe ha opaite tetãnguéra yvy paha guive oúta omomba’eguasu hag̃ua ichupe.

Salmokuéra 49:1

Pehendúke ko’ã mba’e, tetãnguéra maymáva, pejapysaka opavave peikóva guive ko yvy apére,

Isaías 27:6

Og̃uahẽta pe ára Jacóbo oñembohapo jevýta, Israel hoky pyahu ha ipotýta, ha hi’akuégui omyenyhẽta ko yvy ape ári.

Matéo 21:15

Ha umi pa’i ruvicha ha umi kuatia haihára ohechávo umi tembiapo techapyrã Ha’e ojapóva, ha umi mitã osapukaipáva: David Ra’y, oresalvána, ipochyeterei hikuái.

Juan 12:18

Upévare umi tetãygua osẽ avei ohug̃uaitĩ hag̃ua ichupe, ohendúgui Ha’e ojapo hague pe milágro péva.

Juan 12:20

Oĩmimi ningo avei Greciayguakuéra umi atyguasu apytépe, ohóva avei Jerusalénpe omomba’eguasu hag̃ua Ñanderuetépe pe páscua aretépe.

Juan 17:21

Opavavete oiko hag̃ua oñondive peteĩ py’ápe, Nde reiko háicha chepype, ha Che aiko háicha ndepype, upéicha ha’ekuéra oiko hag̃ua avei ñandepype, yvyariguakuéra oguerovia hag̃ua Nde chembou hague.

Juan 3:26

Upévare ou hikuái Juan rendápe ha he’i ichupe: Mbo’ehára, pe oĩva’ekue nendive Jordan mboypýri, pe nde reñe’ẽ porãva’ekue rehe oréve, Ha’e ningo ko’ág̃a oporobautizahína ha opavave ou joa hendápe.

Apostolkuéra 17:6

Ndojohúigui Páblo ha Sílaspe Jason rógape, ombotyryry Jason ha hermanokuérape mburuvichakuéra rendápe ha he’i hikuái: Og̃uahẽ avei ñane rendápe umi omboapañuãiva tetãyguakuérape oparupiete.

1 Juan 2:2

Ha’e ningo pe kuave’ẽmby ñanembopy’apeteĩ jevýva Ñanderuete ndive, oipe’ávo ñane rembiapo vaikue, ha nañaneangaipái año ñanerembiapo vai, opavave yvyarigua hembiapo vai avei.