Juan 12:13

Ñanderuete Ñe’ẽ Porã 2015

oikytĩ hikuái pindo rogue, ha osẽ ohug̃uaitĩ hag̃ua sapukaipópe ichupe, he’ívo: Ore Jára yvateguáva orepytyvõna, ha toñemomba’eguasu pe oúva Ñanderuete rérape, Israel retã ruvichaguasu.

Referencias Cruzadas

Isaías 44:6

Péicha he’i pende Ruete, Israel retã ruvichaguasu, ipytyvõhára ha yvága atykuéra Jára: Che ha’e pe Tenondegua, Che ha’e pe Ipahapegua, ha che ykére ndaipóri ambue Jára.

Oséas 3:5

Uperirémante Israelguakuéra ojevýta oheka hag̃ua Ituvateépe, Ijárape ha David, imburuvichaguasúpe, ha umi ára pahápe ha’ekuéra kyhyjepópe og̃uahẽ ha ohayhu jevýta Ijarateépe.

Levítico 23:40

Ha pe ñepyrũha árape pembyatýta yvyrarakã iporãva hi’a reheve, pindo rakã, yvyra rakãnguéra ikuarahy’ã porãva, ha sáuce (yvyra rakã pukuete) umi yakã rupiguaréva, ha pevy’a joáta pende Ruete, pende Jára renondépe 7 ára pukukue.

Sofonías 3:15

Pende Ruete ndaipochyvéima nendive, omosẽmbáma okápe nderehe ija’e’ỹva, pende Ruete ningo Israel retã ruvicha guasu oikóva nde apytépe, araka’evéma nderehechamo’ãvéi mba’evai.

Matéo 23:39

Ko’ag̃aite guivéma Che ha’e peẽme ndapecherechamo’ãveimaha ág̃a pejeha ára peve: Toñemomba’eguasu katu pe oúva Ñanderuete rérape.

Matéo 27:42

Ambuépe osalva, ha Ha’e voi ndaikatúi ojesalva: Oime ramo ha’e Israel Retã Ruvicha, toguejy ko’ag̃aite voi ikurusúgui ha rojeroviáta hese.

Juan 1:49

Upéramo Natanael he’i Hesúpe: Mbo’ehára, Nde ningo Ñanderuete Ra’y, Nde ningo Israel retã ruvichaguasu voi.

Juan 12:14

Hesu ojohu peteĩ búrro ra’y, ojupi hi’ári, ojehai háicha Ñanderuete kuatiañe’ẽme:

Juan 12:15

Ani pekyhyje peẽ Jerusalengua, pema’ẽ porã ou ningo guapyhápe hína peteĩ búrro ra’y ári, pene Mburuvichaguasu, (Zacarías 9,9).

Juan 19:15

Upémaramo Judayguakuéra osapukái joa: Eraha, eraha ha emosãingo ichupe kurusúre. Piláto katu ombohovái ichupekuéra: Che piko ajukaukáta pene retã ruvichápe. Umi pa’i ruvichakuéra katu ombohovái ichupe: Ore roguereko peteĩnte mburuvichaguasu, oguapýva Róma retã ruvicha guapyhaguasúpe.

Apocalípsis 15:3

Ha ha’ekuéra opurahéi, Ñanderuete rembiguái Moises purahéi ha pe Ovechara’y purahéi he’ívo hikuái: Ituicha ha iporãite ne rembiapokue, Nde, ore Ruete, Nde ningo pe Ipu’akapáva, Nde rapekuéra añete ha hekópe, Nde ningo tetãnguéra ruvichaguasuete.

Apocalípsis 19:16

Ha ipóncho ha iku’a jokuahápe ojehai héra: Mburuvichakuéra Ruvicha ha karaiguasukuéra Jára.

Apocalípsis 7:9

Ko’ã mba’e rire ama’ẽ ha ahecha peteĩ atyguasu avave ndaikatúiva oipapa, opaichagua ñe’ẽ, tríbu ha tetãgui, oñembo’yvahína pe guapyhaguasu ha pe Ovechara’y renondépe, oñemondéva ao morotĩme ha ipópe ojoko hikuái pindo rogue.