Juan 11:52

Ñanderuete Ñe’ẽ Porã 2015

ha ndaha’éi Israelguakuéra rehénte, ombyaty hag̃ua avei Ñanderuete ra’y ha rajykuéra oikóva guive ko yvy apére opaite tetãnguéra apytégui.

Referencias Cruzadas

Genesis 49:10

Avave ndoipe’amo’ãi huvicha reko ha avave ndoitymo’ãi ichupe imburuvichaguasu guapyhágui, ou peve Siloh oñeme’ẽva’erãvape ha Ha’e oguapýta imburuvichaguasu guapyhápe ha henondépe oñembyatypava’erã tetãnguérape.

Salmokuéra 22:15

Ku kambuchi pehẽnguéicha ikã che mbarete, ha che kũ oja che apekũ rehe, ha Nde chemoĩ umi omanómava yvy timbokuápe.

Salmokuéra 22:27

Oikovéva guive imandu’a joáta ha oupa jevýta Ñanderuete rendápe ha opaite tetãnguéra yvy paha guive oúta omomba’eguasu hag̃ua ichupe.

Salmokuéra 72:19

Upévare toñemomba’eguasu héra opaite árape, ha yvy tuichakue tahenyhẽ heko jajaipágui. Taupéicha, taupeichaite.

Isaías 49:18

Ehupi nde resa ha ema’ẽ nde jerekue rehe; ne membykuéra oñembyatypahína, ha ou joa oiko hag̃ua ndepype. Añetehápe, Che rekovére, he’i pende Ruete, reñemondéta ao jeguaka porãvape; ha rejeku’akuáta ku kuñataĩ omendátavaicha.

Isaías 49:6

ha he’ive chéve: Che ndoroiporavói che rembiguairãnte, Che rohenói remopu’ã hag̃ua uvei Jacóbo tribukuéra, ha remyatyrõ hag̃ua Israel rembyre; regueraha hag̃ua avei che resape ha salvacion tetãnguéra yvy apýra paha peve.

Isaías 55:5

Ema’ẽ porãke, nde rehenóiva’erã umi tetã reikuaa’ỹvape, ha pya’e oñani joava’erã ne rendápe umi ndekuaa’ỹva, pende Ruetépe, pende Jára rehehápe, Ha’e nembotuicha haguére.

Isaías 56:8

Pende Ruete, pendejára ombyaty jevýta Israelguakuérape oñemosarambipava’ekuépe ha he’i: Che ambojo’avéta umi oñembyatyva’ekuépema.

Isaías 60:4

Ejesaupi nde jerekue rehe ha ema’ẽ ko’ã oñembyatypa joáva rehe, ha ou joáva ne rendápe. Nde ra’ykuéra mombyry guive oupáta, ha nde rajykuéra ojeguerúta isy ku’áre.

Ezequiel 34:12

Ku ovecha rerekua porã oikuaa háicha umi ñu ijovechakuéra isarambi haguérupi, upéicha avei Che aikuaa che ovechakuéra oĩháme, ha asalváta oñemosarambipa haguégui, ou vove pe pytũ ha ijaraipaha ára.

Oséas 1:10

Upéicharamo jepe og̃uahẽta katuete pe ára Israel ra’ykuéra oñemboheta jevýta yvyku’i yguasu rembe’y peguáicha, ndaikatúiva oñeha’ã térã ojepapa. Ko’ág̃a oje’e peẽ ndaha’eveimaha che retãteéva, og̃uahẽ jevýta katuete pe ára oje’etaha peẽme: Peẽ pende Ruete oikovéva ra’ykueraha.

Lúcas 15:8

Térã moõpa oĩ peteĩ kuña oguerekóva 10 pláta pehẽnguemi, ha okañy ramo ichugui peteĩpa, nomyendyichénepa hataindy oitypei hag̃ua hóga ha oheka kyre’ỹme ojohu peve pe okañyva’ekue ichugui.

Lúcas 2:32

Ha ko Salvador kóva opyta hag̃ua tesape añeteguáva ramo, ojehechaukátava opaite tetãnguérape g̃uarã ha oguerovy’a hag̃ua ne retã Israélpe, (Isaías 42,6; 49,6).

Juan 1:12

Umi omog̃uahẽva’ekue (orecibiva’ekue) ichupe hekovépe, Ha’e ome’ẽ ichupekuéra pu’aka oiko hag̃ua ichuguikuéra Ñanderuete ra’ykuéra ha itajyrakuéra, ojeroviáva guive Héra rehe.

Juan 1:29

Ambue árape ha’e ohecha Hesu Crístope, ouvahína hendápe, ha Juan he’i: Pema’ẽ porãke, péva ningo Ñanderuete Ovecha Ra’y oipe’áva tetãyguakuéra angaipa.

Juan 10:16

Ha Che areko avei ambue korápe che ovecharãnguéra. Che aruva’erã avei umívape, umíva ohendúta che ñe’ẽ, ambyatypáta peteĩ korapýpente, oiko hag̃ua peteĩ ovecha atyguasu ramo peteĩ ovecha rerekua poguýpente.

Juan 12:32

Ha Che añemopu’ã rire ko yvy árigui amog̃uahẽta opavavépe che rendápe.

Apostolkuéra 18:10

Che aĩgui nendive, ha avave ndojapomo’ãi nderehe mba’evai, che areko heta ojeroviátava cherehe ko táva kóvape.

Romayguakuérape 3:29

Térãpa Ñanderuete Judayguakuéra Járante. Nahániri, Ha’e opaite tetã ambueyguakuéra Jára. Ñanderuete opaite tetã ambueygua Jára avei,

Romayguakuérape 4:17

Ñanderuete kuatiañe’ẽme he’i: Ñanderuete he’i Abrahámpe: Che romoĩma heta tetã ru ramo che renondépe, nde rejerovia haguére che promésa rehe, ha reikuaágui Che amoingove jevyha umi omanova’ekuépe ha amoingoveva’erã avei umi ndoikóivape gueteri (Génesis 17,5).

Efesoyguakuérape 1:5

Ymaite guive Ñanderuete ñandeporavo jaiko hag̃ua ita’ýra ha itajýra ramo Hesu Crísto rupi, imba’eteerã ramo hembipota porã rupi,

Efesoyguakuérape 3:11

Péva voi ningo pe propósito Ñanderuete oguerekomava’ekue ipy’apýpe ymaite guive ha ko’ág̃a Ha’e omboaje (ojapo) Ñandejára Hesu Crísto rupi.

Tiágo 1:1

Che, Tiágo (Jacóbo), Ñanderuete ha Hesu Crísto rembiguái, amomaitei umi 12 Israel tríbu oñemosarambiva’ekuépe ko yvy apére.

1 Pédro 1:1

Che, Pédro, Hesu Crísto apóstol ahai ko kuatiañe’ẽ Israelguakuéra oñemosarambiva’ekuépe ha oikóva tetã ambueygua ramo Pónto, Galácia, Capadócia, Ásia ha Bitíniape.

1 Juan 2:2

Ha’e ningo pe kuave’ẽmby ñanembopy’apeteĩ jevýva Ñanderuete ndive, oipe’ávo ñane rembiapo vaikue, ha nañaneangaipái año ñanerembiapo vai, opavave yvyarigua hembiapo vai avei.

1 Juan 3:1

Pema’ẽna mba’eichagua mborayhúpa Ñanderuete ome’ẽ ñandéve, ñañembohéra hag̃ua Ñanderuete ra’ykuéra ha rajykuéra, ha umivahína ñande voi. Upévare Ha’érupi ko múndo nañandekuaái, ndoikuaáigui ichupe.

1 Juan 3:10

Péicha ojekuaa porã mávapa Ñanderuete ra’y térã itajýra ha mávapa aña ra’y térã itajýra. Opaite umi ndojapóiva pe heko peguáva ha upe ndohayhúiva iñermanokuérape ndaha’éi Ñanderuete ra’y ni itajýra.

1 Juan 3:2

Che rayhuparakuéra, ko’ág̃a jaikóma ita’ýra ha itajýra ramo, ndojehechaukáigui gueteri upe oikótava ñandehegui. Jaikuaa ningo upe ára Ha’e ojehechaukatahápe ñandéve, ñande jajoguataha ichupe, ha jahecháta Ha’e oĩ haichaite.

Apocalípsis 5:9

Ha opurahéi hikuái peteĩ purahéi pyahu he’íva: Ndémante ikatu erecibi pe kuatiañe’ẽ ha rejora ha’ãnga jopyhakuéra, rejejuka haguére orejogua hag̃ua Ñanderuetépe g̃uarã nde ruguy rupi, opaichagua tetãygua ha tríbu apytégui ha opaite ñe’ẽ ha tetãnguéra apytégui.