Juan 11:51

Ñanderuete Ñe’ẽ Porã 2015

Ko ñe’ẽ kóva Caifas nde’íri ijehegui rei, ha’e he’i ko’ã ñe’ẽ oikoháre pa’iguasu ramo pe áñope, ha oprofetiza Hesu omanova’erãha pe tetã rehe,

Referencias Cruzadas

Éxodo 28:30

Ha remoĩta pe pyti’a vokope Urim ha Tumim (mokõi ita ohechauka hag̃ua pe tesape ha pe añetegua), oĩ hag̃ua Aaron ñe’ã ári oike jave Ñanderuete kotyguasúpe, oñemboykéva Ñanderuete ha pa’iguasúpe g̃uarã ha ogueraha hag̃ua tapia Israel ñemoñarenguéra iñe’ã ári, Israel Jára rendápe.

Daniel 9:26

Ha umi 62 áño semána rire, ojepe’áta pe Mburuvichaguasu rekove, noñemo’angaipái ramojepe; ha peteĩ mburuvicha hetãyguakuéra reheve oúta ombyai hag̃ua Jerusalen ha Ñanderuete rogaguasu; ha hi’ára paha og̃uahẽ pya’ete ku y oñu’ãmbávaicha, ha upe ñorãirõguasu opa peve oñembotaperepáta, opaite mba’e oje’e haguéicha katuete oikóta.

Números 22:28

Upémaramo Ñanderuete ombojurupe’a hymba búrrope, ha pe búrro oñe’ẽ Balaámpe ha he’i: Mba’éiko ajapo nderehe, nde chenupã hag̃ua mbohapy jevýma.

Números 24:2

ha ojesaupívo ohecha Israélpe oñembyaty mbyatýva itribukuéra rupi ha Ñanderuete Pytu Porãĩteva ou hi’ári.

Matéo 20:28

Yvyarigua Ra’y ndoúi haguéicha oporojokuái hag̃ua, ou uvei oiko hag̃ua tembiguái ramo ha ome’ẽ hag̃ua hekove heta rehehápe.

Juan 10:15

Che Ruete chekuaa háicha, Che aikuaa avei che Ruetépe. Che ame’ẽ che rekove che ovechakuéra rehe.

Juan 11:49

Peteĩva ijapytépe, hérava Caifas, upe áñope oikovahína pa’iguasu ramo, he’i ichupekuéra: Peẽ ningo ndapeikuaái mba’eve.

Juan 18:13

ha ogueraha hikuái Hesúpe Anas rendápe, ha’e ningo Caifas rembireko ru, kóva ningo oiko pa’iguasu ramo pe áño pévape.

1 Corintoyguakuérape 13:2

Ha che aprofetizakuaa ramo, ha aikuaa ramo opaite mba’e ñemimby ha opaite kuaapy, ha aguereko ramojepe pe jerovia ikatúva oguerova peteĩ cérro, ha ndaporohayhúi ramo, che ndaha’éi mba’eve.

2 Corintoyguakuérape 5:21

Ñanderuete ñanderayhúgui omoĩ Hesu Crísto ári ñane angaipa, jahupity hag̃ua Hesu Crísto rupi pe teko ipotĩva ha ovaléva Ñanderuete renondépe.

Galaciayguakuérape 3:13

Hesu Crísto ningo ñandejoguáma tembiapoukapy maldicion rehegua poguýgui, ñane maldicion ho’águi hi’ári. Ha upévare Ñanderuete kuatiañe’ẽme he’i: Oñemaldecíma opavave oñemosãingóvape yvyra rehe, (Deuteronómio 21,23).

1 Pédro 2:24

Hesu Crísto oguerahava’ekue hetére ñane rembiapo vai kurusúre, ñande ñamano hag̃ua tembiapo vaípe g̃uarã ha jaiko justíciape g̃uarã. Ijekutukue rupi ningo peẽ pekuera.

1 Pédro 3:18

Hesu Crísto ohasa asyeteva’ekue peteĩ jevy (ñane) angaipa rehehápe, pe Heko porãitéva ñane angaipavóra rehehápe, ñandegueraha hag̃ua Ñanderuete rendápe; añetehápe ho’o omano, Ipytu Porã katu oñemoingove jevy.

1 Juan 2:2

Ha’e ningo pe kuave’ẽmby ñanembopy’apeteĩ jevýva Ñanderuete ndive, oipe’ávo ñane rembiapo vaikue, ha nañaneangaipái año ñanerembiapo vai, opavave yvyarigua hembiapo vai avei.

1 Samuel 23:9

David oikuaa Saul ojaposeha ivaíva hese, he’i pa’i Abiatárpe: Egueru nde pa’i ao jeguaka.

1 Samuel 28:6

Ha Saul oporanduse Ñanderuetépe, Ha’e katu nopenái hese ike pegua rupi, ni Urim rupi, ni iproféta rupi.