Juan 11:40

Ñanderuete Ñe’ẽ Porã 2015

Hesu katu ombohovái ichupe: Nda’éi piko ra’e ndéve: Reguerovia ramo rehechataha Ñanderuete reko jajaipa ha ipu’aka.

Referencias Cruzadas

2 Crónicas 20:20

Ambue pyharevete opu’ãvo osẽ hikuái Técoa desiértope. Ha ha’ekuéra osẽ aja, Josafat, oñembo’yha guive, he’i: Cherendumi peẽ Juda ha Jerusalenguakuéra. Pejerovia Ñanderuete, pende Járare, ha peime kyhyje’ỹre; peguerovia iprofétape ha osẽ porãmbáta peẽme opaite mba’e peipotáva.

Salmokuéra 63:2

Upeichaite chey’uhéi avei che Jára rogaguasu rehe, ahecha hag̃ua nde pu’aka ha nde reko jajaipa.

Salmokuéra 90:16

Ne rembiguaikuéra tohechakuaa ne rembiapokue, ha ita’yrakuéra tohecha nde reko jajaipa.

Éxodo 16:7

ha pyhareve pehecháta Ñanderuete reko jajaipa, Ha’e ohendúgui pekaguaiha hese, ha orerehe mba’e piko ore, pekaguái avei orerehe.

Matéo 17:20

Ha Hesu he’i ichupekuéra: Pejerovia’ígui. Añetehápe Che ha’e peẽme, pende jerovia ituicha ramo peteĩ mostáza ra’ỹicharõ jepe, ikatu peje ko cérrope: Ehasa ko’águi amo gotýo, ha pe cérro ohasava’erã. Ha ndaiporimo’ãi mba’eve ikatu’ỹva peẽme.

Márcos 9:23

Hesu ombohovái ichupe: Ikatu, rejerovia ramo, opaite mba’e ikatu upe ojeroviávape.

Juan 1:14

Ha pe Ñe’ẽ oñemboho’o ha oikóma ñande apytépe kuimba’e ramo, ha ore rohecha heko jajaipa, Ñanderuete Ra’y peteĩetéva reko jajaipa, henyhẽva jeporiahuvereko (mborayhu) ha añeteguágui.

Juan 11:4

Ha Hesu ohendúvo péva, he’i: Ko mba’asy kóva ndoguerahamo’ãi ichupe ñemanóme, Ñanderuete reko jajaipa ojehechauka hag̃uánte, ha kóva rupi oñembotuicha hag̃ua avei Ñanderuete Ra’ýpe.

Juan 12:41

Ko’ã ñe’ẽ ko’ãva Isaías he’iva’ekue ohecha rire Hesu Crísto reko jajaipa ha hese oñe’ẽ.

Juan 9:3

Hesu katu he’i ichupekuéra: Kóva, ndaha’éi itúva ni isy angaipáre ha’e onace hague hesatũva. Péva ojehúnte ojehechauka hag̃ua ha’érupi Ñanderuete pu’aka, peteĩ milágro rupi.

Romayguakuérape 6:4

Ñande ñañeñotỹmava’ekue Crísto ndive pe bautísmo rupi iñemanóme, ha Ñanderuete pu’aka omoingove jevy haguéicha Hesu Crísto omanóva apytégui, upeichaite Ha’e oipota ñande jaikoveñaína (tapia g̃uarã) Pytu Porãmbáva pu’aka poguýpe.

2 Corintoyguakuérape 3:18

Upéicharamo opavave ñande, ahoja’ỹre ñama’ẽ Hesu Crísto reko jajaipa rehe espéjope ramoguáicha ha ñañemoambueve jahávo Hesu Crísto reko ojajaipávape, péva katu Ñanderuete rembiapo.

2 Corintoyguakuérape 4:6

Ñanderuete he’i voi ikuatiañe’ẽme: Pytũhágui tohesape pe tesape, (Génesis 1,3). Ha’e voi ohesape avei ñande py’apy jahechakuaa hag̃ua Ñanderuete reko jajaipa Hesu Crísto rova rupi.