Juan 11:24

Ñanderuete Ñe’ẽ Porã 2015

Ha Márta ombohovái ichupe: Aikuaa ha’e oikove jevytaha, Ñanderuete oporomoingove jevypávo pe ára pahápe.

Referencias Cruzadas

Salmokuéra 17:15

Che katu avy’a ahecha guive nde rova, ha apáy vove ama’ẽ nde reko heko pegua rehe, chemohyg̃uatãva ha chembopy’aguapýva.

Isaías 25:8

Ñanderuete pe Jaraitéva ombopoguýta pe ñemano, Ha’e omokãta opaite tesay yvyarigua rovágui, Ha’e oipe’áta Israel ñemotĩ oñandúva ko yvy tuichakue, péicha he’i pende Ruete.

Isaías 26:19

Umi ojeroviáva nderehe omano ramojepe oikove jevýta, he’õnguekuéra opu’ã jevýta. Pepáy ha pepurahéi, peẽ yvyetére peikóva. Nde ysapy omoingove ichupekuéra ha pe yvy ome’ẽ jevýta umi omanomava’ekue.

Oséas 13:14

Chépa asalváne ichupekuéra ani hag̃ua omano; aguenohẽnepa ñemano retãgui. Ñemano, moõpa oĩ ne mba’asy vai, ñemano moõpa oĩ ne akãnundu vaiete; Che katu ndaiporiahuverekosevéima.

Oséas 6:2

Ohasa mboyve mokõi ára ñanemoingove jevýta ha pe ára mbohapyhápe ñanemopu’ãta ha jaikove jevýta henondépe.

Lúcas 14:14

Ha nde revy’aveva’erã, ha’ekuéra ndaikatúigui omyengovia ne rembiapo porã, ág̃a oñemyengoviáta ndéve umi heko potĩva oñemoingove jeyha árape.

Juan 11:23

Upérõ Hesu he’i ichupe: Nde kyvy oikove jevýta.

Juan 6:39

Ha kóva ningo chembouva’ekue rembipota, ani hag̃ua Che ahundi avavépe, Ha’e ome’ẽmava guive chéve, amoingove jevy hag̃ua uvei ichupe pe ára pahápe.

Juan 6:40

Kóva ningo che Ruete rembipota, opavave ohecháva guive Ita’ýrape ha ojeroviáva guive hese oguerekóma pe tekove añeteguáva ko ára atyguasúpe ha Che amoingove hag̃ua ichupekuéra pe ára pahápe.

Apostolkuéra 24:15

Che areko pe esperánza umi omanova’ekue oikove jevytaha, taha’e heko potĩva térã iñañáva, opaite ko’ã mba’e ha’ekuéra orovia avei.

hebreoyguakuerape 11:35

Oĩva’ekue kuñakuéra ovy’a jevyva’ekue, oñeme’ẽ jevy haguére ichupekuéra hogaygua omanova’ekue. Oĩ katu avei umi oñembohasa asyva’ekue ojejuka peve, ndopoíri katu ijeroviágui, oha’ãrõgui ohupity hag̃ua pe tekove pyahu iporãvéva.